Zerrenda:Egiptoko erregeak

Antzinako Egiptoko Errege Zerrenda, Egiptoko faraoien zerrenda bat duten inskripzioa da, orokorrean zatikatua. Garrantzitsuenak honako hauek dira:

Abidoseko Errege Zerrenda, Seti I.a eta bere seme Ramses II.a buru direlarik

• Palermoko Harria: grabatutako basaltozko lauza baten zatia, V. dinastian datatua dagoena.
• Karnakeko Errege Zerrenda: Karnakeko Amonen tenpluan aurkitua, 61 kartutxorekin, baina berrogeita hamar baino ezin dira irakurri, Menesetik, Tutmosis III.a arte (K.a. XV. mendea).
• Abidoseko Errege Zerrenda: Seti I.aren tenpluko XIX. dinastia (K.a. XIII. mendea) harresi batetan grabatutako 76 kartutxodun baxuerliebea, Abidosen.
• Saqqarako Errege Zerrenda: Faraoien 58 kartutxo zituen baxuerliebe bat (47 mantentzen dira), Tenryren hilobiaren harresi batetan, Saqqaran. Tenry, Ramses II.aren apaiz eta eskriba izan zen (K.a. XIII. mendea)
• Turineko Errege Kanona: Beharbada, Ramses II.aren garaitik (XIX. dinastia K.a. XIII. mendea) datatua dagoen idazkera hieratikoan idatzitako testua duen papiro baten zatiak.
• Manetonen zerrenda: Ptolomeotar Dinastiako egipziar apaiza (K.a. III. mendea), Egiptoren historia bat idatzi zuena Aegyptiaka izenekoa, jatorrizkoa galdu egin zelarik, zati batzuk Flavio Josefok kopiatu zuen arren (I. mendea), baita Sexto Julio Afrikanok, 561 erregerekin, (II. mendea-III. mendea), Zesareako Eusebio apezpikuak, 361 erregerekin (III. mendea-IV. mendea) eta Sinzelo monjeak (VIII. mendea-IX. mendea).

Kanpo loturak

Wikimedia Commonsen badira fitxategi gehiago, gai hau dutenak: Egiptoko erregeak

• (Frantsesez) Egiptoko Errege Zerrendak