Allan Kardec

Allan Kardec (Lyon, 1804ko urriaren 3a - Paris 1869ko martxoaren 31) Hippolyte Léon Denizard Rivailen ezizena da. Espiritismoaren sortzailea izan zen.

Lyonen egin zituen lehen ikasketak, ondoren Yverdumeko (Suitza) Pestalozzi irakasle ezagunaren institutu goraipatuan jarraituz.

Hizkuntzalaritzan aritu zen burubelarri eta alemanez, ingelesez, gaztelaniaz eta nederlanderaz hitz egiteko gai zen. Parisa itzuli zenean Yverdumekoaren antzeko Irakaskuntza Institutu bat sortu zuen.

Zenbait liburu argitaratu zituen, besteak beste:

• Aritmetikaren inguruko kurtso praktiko eta teorikoa (1824)
• Heziketa publikoaren hobekuntzarako proposatutako plana (1828)
• Gramatika frantses klasikoa (1831)
• Gaitasun diplomak eskuratzeko azterketen eskuliburua (1846)
• Hizkuntza frantsesaren dotrina gramatikala (1848)

1854ean, 50 urte zituela, mahai birakorren fenomenoaz entzun zuen lehenengo aldiz.

1957ko apirilaren 18an espiritismoaren hasiera suposatuko zuen liburua idatzi zuen, Espirituen liburua. Hau izan da, batez ere, ezagun egin duen arrazoia.

Espiritismoaren inguruan egin zituen ikerketek bere izena aldarazi zioten, Hippolyte Leon izatetik Allan Kardec izatera, berak zioenez, aurreko bizitza baten izen hori zeramala gogoratu eta gero.

Wikimedia Commonsen badira fitxategi gehiago, gai hau dutenak: Allan Kardec