Eskoto

Eskotoak, VI. mendean, gaur egun Eskoziako mendebaldeko kostaldean ezarri ziren tribu gaeliko irlandar bat zen. Erromatarrek, "scoti" deitzen zituzten, eta, jatorriz, egungo Irlandatik zetozen, Fergus Mòr Mac Earca euren erregea buru zutelarik. Eskotoek, Hebridak eta Eskoziaren mendebaldea eraso zituzten, eta erresuma berri bat ezarri zuten gaur egun Argyll deitzen den lurraldean, Dál Riata bezala ezagutu zena.

Euren erregerik ospetsuena, Kenneth Mac Alpin, Eskoziako ekialdeko pikto tribuekin aliatu zen 844an, eta eskoziar lurralde guztia bateratzen hasi zen, lurraldearen egungo Eskozia izena sortuz. Beste tribu irlandar batzuek kanporatu zituzten, matxinatzaile eta gerlari izateagatik; gainera, izatez, "eskoto" hitzak, irlandar gaeleraz, "lapurrak" edo "legez kanpokoak" esan nahi du.

Eskotoak, Irlanda, Eskozia eta Man uharteko talde etnolinguistiko bat da. Euren hizkuntza, gaelera da.

Ikus gainera

• Gaeliko (etnia)
• Irlandarrak
• Eskoziarrak
• Piktoak