Bracara Augusta

Wikipedia, Entziklopedia askea
Jump to navigation Jump to search
Bracara Augusta
Termas de Maximinos.JPG
Kokapena
Estatu burujabe Portugal
Portugalgo barrutiaBraga
City of PortugalBraga
Koordenatuak 41° 32′ 39″ N, 8° 25′ 19″ W / 41.544167°N,8.421944°W / 41.544167; -8.421944Koordenatuak: 41° 32′ 39″ N, 8° 25′ 19″ W / 41.544167°N,8.421944°W / 41.544167; -8.421944

Bracara Augusta Portugalgo iparraldean dagoen Braga hiriko erromatar izena da.

Historia[aldatu | aldatu iturburu kodea]

Augusto enperadoreak aurreko herrixka indigena baten gainean sortu zuen k.a. 16an, eskualdea behin betiko baketu ondoren. Hasieran Transduriana probintzia iragankorrean eta gero Tarraconensisen barruan sartu zuten.

Iturri batzuen arabera- Plinio eta Ptolomeo- brakariar tribu zeltaren hiriburua zen eta haiengandik hartuko zuen bere izena.

Flaviarren garaian, Bracara Augustak udal estatutua jaso zuen eta conventus baten egoitza bilakatu zen, Conventus Bracarensis izenekoarena hain zuzen ere. Garai haietan eskualde zabal batean funtzio administratiboak izan zituen.[1]

Dioklezianoren erreformaz geroztik, Gallaecia probintzia berriko hiriburu izatera pasa zen. Une honetan jada apezpikuaren egoitza zen.

V. mendearen hasieran, inbaditzaile sueboek hiria hartu zuten eta baita euren erresumako hiriburu bezala ere aukeratu zuten. 585ean Leovigildok Bisigodoen Erresumarako konkistatu zuen.

Aztarnategia[aldatu | aldatu iturburu kodea]

Egun, erromatar hiritik, eraikin batzuen hondakinak kontserbatzen dira. Santiagoren Seminarioko klaustroan egindako indusketetan, zutabe hondarrak zituen gela handi bat aurkitu zuten, erdian mosaikoz apaindutako igerileku bat zuena. Ziur asko, bainuetxe edo instalazio termal baten zati izan zen. Universidade do Minhok eginiko indusketetan, terma batzuk aurkitu zituzten. Fonte do Indoloko eremuan, egungo Raio kalean eta erromatar hiriaren antzinako perimetrotik kanpo, Tongoenabiagus jainkoari sagaratutako eraikin erlijioso bat egongo zen.

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]