Cabinet des Médailles

Cabinet des Médailles
	Frantziako Liburutegi Nazionala
	Irudi gehiago
Kokapena
Estatu burujabe	Frantzia
Frantziaren banaketa administratiboa	Metropolitar Frantzia
Eskualdea	Île-de-France
Departamendua	Seine
Territorial collectivity of France with special status	Paris
Sector of Paris	Paris Centre
Udalerri barrutia	Parisko 2. barrutia
Koordenatuak	48°52′04″N 2°20′18″E / 48.8678°N 2.3384°E
Historia eta erabilera
Irekiera	1560
Inaugurazioa	1560 (egutegi gregorianoa)
Zuzendaria	Frédérique Duyrat (en)
Objetu kopurua	520.000
Kontaktua
Telefonoa	tel:+33-1-47-03-83-40
	Webgune ofiziala

Cabinet des Médailles (euskaraz "Dominen Gela"), ofizialki Département des Monnaies, Médailles et Antiques de la Bibliothèque nationale de France, Frantziako Liburutegi Nazionalaren sail bat da. Aurretik Cabinet des médailles des rois de France izena zuen, publikoari irekitako Frantziako museo zaharrena da; nolabait, jatorrizko izena gorde du. Egun Frantziako Liburutegi Nazionalaren eraikinean dago, 58 rue Richelieu, Paris I helbidean.

Cabinet hitza[aldatu | aldatu iturburu kodea]

Cabinet frantsesezko hitza eta gela txikia eta pribatua adierazten du. Gela horietan lanak eta objektu bitxiak eta baliotsuak gordetzen ziren. Altzari baten izena ere izan zezakeen.

Historia[aldatu | aldatu iturburu kodea]

Cabinet des Médailles museoa txanpon, harribitxi zizelkatu eta antigoaleko bilduma garrantzitsuak biltzen dituen museoa da, Erdi Aroko errege frantsesen altxorretan bere jatorri urrunarekin. Erlijio-gerren nahasmenduek Karlos IX.a (1560-1574) inspiratu zuten garde particulier des médailles et antiques du roi («koroaren dominen eta antigoaleko gauzen zaindari berezia») kargua sortzeko. Horrela, bilduma handitu egin zen eta inoiz ez zen berriro sakabanatu. Horrelam erregearen bilduma pertsonala izatetik jabetza nazionala izatera igaro zen –Ondasun nazionala–, errege-bilduma Iraultzan aitortu zen bezala. Ondoren, arkeologo eta bildumagile desberdinek haien bildumak museoaren eskuetan utzi zituzten: Caylus kondea, Luynes dukea... Estatuak ere museoa aberastu zuen, esaterako, Gordongo altxorra 1846an bertan gordetzen.

Luis XIV.a Borboikoak, erosle trebea, beste nobleen cabinetak erosi zituen eta, eskura izateko, bilduma osoa Paristik Versaillesera eraman zuen. Han 1724 arte egongo zen; urte horretan Luis XV.a Borboikoak berriro ere Parisera eraman zuen, egungo eraikinera.