Camila Moreno

Camila Moreno
	; Irudi gehiago
Bizitza
Jaiotzako izen-deiturak	Camila Moreno Elgart
Jaiotza	Santiago, 1985eko uztailaren 8a (38 urte)
Herrialdea	Txile
Hezkuntza
Hizkuntzak	gaztelania
Jarduerak
Jarduerak	egile abeslaria, abeslaria eta musikagilea
Genero artistikoa	folk rock; rock; indie rock; trova (en)
Musika instrumentua	ahotsa; gitarra; akordeoia; charango (en) ; pianoa; Venezuelan cuatro (en)
Diskoetxea	Sello Azul (en) ; Oveja Negra
	camila-moreno.com

Camila Moreno Elgart (Santiago, 1985eko uztailaren 8a) folk eta rock kantautore txiletarra da.

Biografia[aldatu | aldatu iturburu kodea]

Camilak bere abestiak konposatzen ditu eta musika tresna ugari ere jotzen ditu, gitarra, pianoa, kuatroa eta charangoa.

2006 urtean Camila Moreno eta Tomás Preuss-ek Caramelitus bikotea osatu zuten eta pop arina eginez Txileko musika eskenan sartu ziren^[1]. Proiektuak bi urte baino ez zituen iraun eta EP disko bat atera zuten, El otro hábitat^[1].

2008an Camila Morenok bakarkako bideari ekin zion eta 2009an berak konposaturiko abestiekin Almismotiempo diskoa kaleratu zuen. Arrakasta itzela izan zuen eta Grammy Latinoetan izendapena ere jaso zuen^[2]. "Millones" abestia Hegoamerika guztian zabaldu zen. Kritika bikainak izan zituen eta Txileko musika independentearen industriak erreferente berria aurkitu zuen. 2010 urtean Opmeitomsimla izeneko EPa argitaratu zen. 2011 urtean HBO katearen "Prófugos" telesaileko soinubandan Almismotiempo diskoko bost kantu ere atera ziren^[3].

Arrakasta guzti honek ehiegizko presioa izan zuen Camilarengan eta dena bertan behera uztear izan zen. Herrialdearen hegoaldeko muturrera joan zen lasaitasun bila, Suaren Lurraldera, eta bertan gai izan zen abesti berriak egiteko^[2]. 2012an Europan zehar kontzertu bira egin zuen, Berlin, Paris eta Bartzelonan izan zen besteak beste^[4]. Urtearen amaieran Panal diskoa atera zuen, aurreko folk estilo gaztea alde batera utzi eta abesti rockero eta aldi berean intimistagoekin osatu zuena^[2].

2015 urtean Mala madre diskoa atera zuen. Bere webgunean ipini eta 24 ordutan 73.500 deskarga izan zituen. Camilak miresten dituen hainbat emakumeri omenaldia egin nahi izan zien disko honekin, Cecilia Vicuña, Violeta Parra eta Gabriela Mistral, esate baterako^[5]. Diskoa arrakastatsua izan zen eta Pulsar Sarietan diskorik onena eta urteko pop artistarik onenaren sariak eskuratu zituen^[6]. Oraingoan ere musika ibilbidea amaitzear izan zen, diskoetxerik gabe eta ordezkaririk gabe berak autogestionatu behar izan baitzuen guztia^[5].

Camila Morenoren azken lana 2018an abiatu zen eta Pangea izena du. Diziplina anitzeko proiektua da, musika diskoaz gain liburua, komikia eta laburmetraia izango baititu^[2].

Diskografia[aldatu | aldatu iturburu kodea]

Caramelitus[aldatu | aldatu iturburu kodea]

El otro hábitat (2008) - EPa

Bakarka[aldatu | aldatu iturburu kodea]

Almismotiempo (2009)
Opmeitomsimla (2010) - EPa
Panal (2012)
Mala madre (2015)
Pangea (2018)
Pangea (Vol. 2) (2019)

Sariak[aldatu | aldatu iturburu kodea]

Grammy Latinoak:
- 2009: Millones abestiarengatik izendapena abesti alternatibo onenerako.
Pulsar sariak:
- 2016: Mala madre diskoarengatik, urteko diskorik onena eta urteko pop artistarik onena.