Castilla (aldizkaria)

Castilla (aldizkaria)
Mota	aldizkari
Fitxa teknikoa
Hizkuntza	gaztelania
Argitaratze lekua	Toledo

Castilla, revista regional ilustrada Toledon 1918 eta 1919 artean argitaratutako gaztelaniazko argitalpena izan zen.

Historia

Santiago Camarasa (1895-1957) kazetariak zuzendu eta argitaratu zuen 1918 eta 1919 bitartean, hau da, oso gazte zela, Toledon. Camarasak aldi berean argitaratu zuen aldizkari hau, bertako beste batekin, Toledo izenekoarekin. Aldi berean bi aldizkariren mantentzea, inprimaketa zaindua eta paper onarena, oso garestia zen eta Castilla aldizkaria argitaratzeari utzi zion.

Gaztelako probintzia guztietan izan zituen korrespontsalak eta gaztelar guztiei Gaztela errebindikatzeko bide bat eskaintzen saiatu zen, bertatik berpizkundea lortzeko, «Dena Gaztelagatik eta Gaztelarako» lelo oso elokuente baten pean.

Aldizkari honek Gaztelako hainbat probintziatan izan zituen azpi-zuzendariak (beste askoren artean, Ángel Vegué Madrilen, Narciso Alonso Cortés Valladoliden, Francisco Herencia Ciudad Realen, Juan Giménez de Aguilar Cuencan, Blas Taracena Aguirre Sorian, Fermín Herrero Bahillo Ávilan, etab.) eta kolaboratzaileak, esaterako, Andrés Bravo del Barrio santanderarra, Juan Díaz Caneja leonarra, etab. ^[1]

1919ko apirilean, Alderdi Erregionalista iragankorreko Burgosko gazteek -Zirkulu Erregiolistari lotuta- Toledoko aldizkari honetan A la juventud castellana (Gaztelako gazteei) manifestua argitaratu zuten, non Gaztelako gazteak kausa erregionalistarekin bat egitera gonbidatzen zituzten. ^[2]

Ia bost hamarkada lehenago, 1870ean, Toledoko hiriak beste argitalpen gaztelanista bat izan zuen: El Comunero de Castilla

Erreferentziak

↑ Sánchez, Isidro. "Camarasa, Toledo y Castilla, una arrebatadora relación". En: Archivo secreto, revista cultural de Toledo, nº 2 (2004), p. 199-235
↑ Castilla, revista regional ilustrada, nº 27 (abril de 1919), p. 58-59; Archivo secreto, revista cultural de Toledo, nº 2 (2004), p. 264