Drakon

Wikipedia(e)tik
Hona jo: nabigazioa, Bilatu

Drakon (greziera klasikoz Δράκων) Atenasekoa, (K. a. 650 inguruan jaioa), Atenasko legegile bat izan zen, arkonte eponimo kargua bete zuena. Hiriko legeen lehen kodetzearen egiletza ematen zaio, K. a. 621ean, ordurarte, ahoz aho igorriak izan zirenak.

Kodearen zorroztasunak, zigor oso zorrotzak ematen zituena baita legehauste txikiendako ere, drakoniar hitza sorrarazi zuen, zigor sistema zorrotz bat adierazteko, baina, bere izenaren lotura iraunkorra izan den arren, Drakon, arau guzti hauen zati oso txiki baten egilea baino ez zen izan, dirudienez, Zuzenbide arruntean eta hilketarentzako zigorretan zentratuz, familia mendekuekin amaitzeko modu bezala. Sudaren arabera, herriak drakoniar kodearekin zuen nahigabearen ondorioz, Drakonek, Eginara erbesteratu behar izan zuen, bertan hil zelarik.

Bere legeak, Solonek leundu zituen, honek, gainera, klase baxuenei hiritartasuna ere eman zielarik.