Elena Huelva

Elena Huelva
Bizitza
Jaiotzako izen-deiturak	Elena Huelva Palomo
Jaiotza	Sevilla, 2002ko maiatzaren 21a
Herrialdea	Espainia
Lehen hizkuntza	gaztelania
Heriotza	Sevilla, 2023ko urtarrilaren 3a (20 urte)
Hobiratze lekua	baliorik ez
Heriotza modua	berezko heriotza: Ewingen sarkoma
Hezkuntza
Hizkuntzak	gaztelania
Jarduerak
Jarduerak	aktibista, Influencerra eta idazlea
Lan nabarmenak	ikusi Mis ganas ganan (en) ;
Jasotako sariak	ikusi ELLE Hope Award (2022ko urriaren 20a) ; Premio Bormujeres (2022ko martxoaren 25a) ;

Elena Huelva Palomo (Sevilla, 2002ko maiatzaren 21a - Sevilla, 2023ko urtarrilaren 3a) minbiziaren aurkako aktibista espainiarra izan zen, Ewingen sarkomaren pazientea, eta ezaguna sare sozialen bidez bere esperientzia pertsonala bere gaixotasunarekin zabaltzeagatik, horrela gaixotasun bera duten beste batzuei laguntzeko helburuarekin. Berak ere minbiziaren ikerketa handiagoa sustatu zuen, eta «Mis ganas ganan» esaldia sortu zuen gaixotasunaren aurrean duen jarrera deskribatzeko.

Biografia[aldatu | aldatu iturburu kodea]

Elena Huelva 2002ko maiatzaren 21ean jaio zen Sevilla hirian, Manuel Huelva eta Emilia Palomoren bigarren alaba izanik. 2019an, hamasei urte zituela, Ewingen sarkoma diagnostikatu zioten, eta ordutik hasi zen egunero minbizi mota honi buruzko informazioa argitaratzen sare sozialetan, baita gaixotasunarekin zuen egunerokoa ere.

2019az geroztik, minbiziarekin lotutako irabazi asmorik gabeko hainbat erakunderekin elkarlanean aritu da. 2022an Mis ganas ganan liburua idatzi zuen eta bertan gaixotasunarekin izandako esperientzia kontatu zuen.

2022ko abenduan, Juegaterapia Fundazioak merkaturatu zuen "Baby Pelón" izeneko jostailurako zapia diseinatu zuen, Ewing-en sarkomaren ikerketarako funtsak biltzeko helburuarekin. Bilketa hau egiteko, Juegaterapia Fundazioak "Elena Huelva Beka" sortu zuen Espainiako Sarkoma Ikerketa Taldearekin (GEIS) batera.

Heriotza[aldatu | aldatu iturburu kodea]

Bere gaixotasunak etengabe okerrera egin ondoren, Elena Huelva 2023ko urtarrilaren 3an zendu zen. Bere heriotzak erreakzio olatua eragin zuen sare sozialetan, pertsonaia publiko ugariren doluminak barne, tartean politikarienak, hala nola Juanma Moreno Andaluziako Juntako presidentearena, zein entretenimenduaren mundukoak, komunikabideak eta Real Betis Balompié bezalako kirol taldeak.

Hil eta urrengo egunean, 2023ko urtarrilaren 4an, errespontsu bat egin zeinetan hainbat pertsonaia publikok izan ziren, hala nola, Sara Carbonero telebistako aurkezlea edo Alberto Rodríguez Librero zinemagilea, eta azkenik, ekitaldi horren ostean, Camasko (Sevilla) beilatokian erraustu zuten.