Berezko heriotza

Wikipedia, Entziklopedia askea
Hona jauzi: nabigazioa, Bilatu

Berezko heriotza edo heriotza naturala gaixotasun edo patologia batengatik gertatzen den heriotza da, kanpoko inongo kausa edo eragilerik gabe. Berezko heriotzak mediku edo forense batek ziurtatu behar du, gorpua behar bezala aztertu ondoren.

Heriotza arrazoi mota honen artean, ohikoenak kardiopatia iskemikoa, istripu zerebrobaskularrak, BGBKa, arnas aparatuko infekzioak, minbizia (bereziki arnas aparatukoa), HIESa, gaixotasun diarreikoak, diabetes mellitusa eta hipertentsio-kardiopatiak, OMEren arabera.

Beste zergati batzuk zahartzaroa bera, berezko abortua edo umegaltzea eta hondamendi naturalak ditugu.

Berezkoak ez direnak[aldatu | aldatu iturburu kodea]

Istripuak (errepideetakoak heriotza zergatirik ohikoenen artean daude), suizidioa eta gizahilketak beste heriotza arrazoi mota batzuk dira, biktimarenak baino kanpoko eragileak garrantzitsuagoak direnean. Atal honetan sailkatzen dira halaber eutanasia, eragindako abortua (ume-galaraztea) eta hondamendi ekologikoak (gizakiak zuzenean eragindakoak).


Zirriborro Artikulu hau zirriborroa da. Wikipedia lagun dezakezu edukia osatuz.