Elon Musken Tesla Roadsterra

Elon Musken Tesla Roadsterra
	Irudi gehiago
Fabrikazioa
Fabrikatzailea	Tesla Motors
Jatorrizko herrialdea	Ameriketako Estatu Batuak
Historia
Eraikuntza	2009
Espazio jaurtiketa	2018ko otsailaren 6a
Jabea	Elon Musk -
Masa	1.250 kg

Elon Musken Tesla Roadster automobila kirol prestazioak dituen auto elektriko bat da, 2018ko otsaileko Falcon Heavy espazioko hegaldian orbitan jartzeko eta marketina egiteko balio izan zuena, Eguzkiaren satelite artifizial bihurtuz orduan. Autoa eta suziria Tesla eta SpaceX enpresen produktuak dira, hurrenez hurren, Elon Musk buru duten enpresenak.^[1] Espaziora jaurti baino lehenago, 2010eko Roadster hau Musken jabetza pertsonala izan zen, etxetik lanera joateko erabiltzen zuen. Espaziora jaurtitako lehen ekoizpen kometzialeko automobila da.

Jaurtiketa[aldatu | aldatu iturburu kodea]

Autoa, suziriaren bigarren etapan sartua joan zen, eta Marteren orbita gurutzatzen duen orbita heliozentriko eliptiko batean kokatu zen.^[2] Orbita Eguzkitik 1,66 unitate astronomikotako (au) distantziara dago gehienez. Roadsterraren ikuskizunaren bideo seinalea misioaren kontrol-zentrora bidali zuten, eta zuzenean eman zuten.

Autoaren osagarriak[aldatu | aldatu iturburu kodea]

Espazioan dagoelarik autoa, gidariaren eserlekuan dago "Starman", eskala osoko giza maniki bat, Spacexen espazio jantzi batez jantzia. Eskuineko eskua bolantean du eta ezkerreko ukondoa leiho irekiaren gainean pausaturik zituela jarri zuten. Manikiari David Bowieren "Starman" abestiaren izena jarri zioten, eta autoaren soinu sistemam Bowieren "Space Oditty" abestia begiztan jarri zuten jotzen jaurti aurretik.

Douglas Adamsen The Hitchhiker's Guide to the Galaxy eleberriaren kopia bat doa autoan, eta liburu horri erreferentzia egiten dion eskuoihal bat ere bai. Proiektuan lan egin zuten langileen izenak dituen plaka bat autoaren azpian jarri zuten, "Gizakiek Lurrean egina" leloarekin.^[3] Autoak Isaac Asimoven Fundazioaren trilogiaren kopia bat ere badarama 5D disko optiko batean. Iraupen luzeko dentsitate handiko datuak biltegiratzeko kontzeptu-proba bat da, Arch Mission Foundation erakundeak emana Muski.^[4]^[5]

Iruditegia[aldatu | aldatu iturburu kodea]

Tesla autoak suziriaren zuen posizioa.
Erreprodukzioa erakusketa batean, jaurtiketaren ondoren egina.
Roadsterra lurrean, Muskek erabiltzen zuenean.

Erreferentziak[aldatu | aldatu iturburu kodea]

Artikulu hau, osorik edo zatiren batean, ingelesezko wikipediako «Elon Musk's Tesla Roadster» artikulutik itzulia izan da, 2024-05-24 data duen 1225392146 bertsioa oinarritzat hartuta. Sartze-datarik ez duten erreferentziak, edo 2024-05-24 baino lehenago datatuak, jatorrizko artikulutik ekarri dira itzulpenarekin batera.