Europako Eskualdeen Batzordea

Wikipedia, Entziklopedia askea
Jump to navigation Jump to search
Europako Eskualdeen Batzordearen logotipoa.

Europako Eskualdeen Batzordea Europar Batasuneko (EB) tokiko eta eskualdeetako ordezkarien batzarra da, EBaren erakunde esparruaren barruan estatu burujabeez beheitiko erakundeei —hau da, eskualdeei, probintziei, udalerriei eta hiriei— ahotsa zuzenean ematen diena.

1994an sortua, Europako Eskualdeen Batzordea funtsezko bi gai jorratzeko asmoz sortu zen. Lehenik eta behin, EBko legediaren hiru laurdenak toki edo eskualde eremuan aplikatzen dira, eta, beraz, komenigarritzat jo zen eskualde eremuan eta toki eremuan aukeratutako ordezkariek EBko legegintza neurriei buruz iritzia ematea. Bigarrenik, herritarren eta Europar Batasunean integratzeko prozesuaren arteko arrakala gero eta zabalagoak kezka eragiten zuen; distantzia hori murrizteko modu bat zen herritarrengandik gertuen dauden gobernu mailen parte hartzea.