Euskadiko Industria Ondare Higigarriaren zentroa

Euskadiko Industria Ondare Higigarriaren zentroa
	Irudi gehiago
Kokapena
Herrialdea	Euskal Herria
Probintzia	Bizkaia
Herria	Barakaldo
Koordenatuak	43°17′19″N 2°58′44″W / 43.28861°N 2.97902°W
Historia eta erabilera
Irekiera	2022
Kudeatzailea	Eusko Jaurlaritza
	Webgune ofiziala

Euskadiko Industria Ondare Higigarriaren zentroa Barakaldoko Lutxanan dagoen museoa da, Eusko Jaurlaritzaren esku dauden ondare industrial higigarriaren bilduma erakusteko. Orconera Iron Ore Company Limitedena izan ziren pabiloian dago, behinola konpainiaren trenak konpontzeko erabiltzen diren eraikinetan^[1].

Bildumaren historia

Orkonera-Lutxana Bildumaren jatorria 1980ko hamarkadan dago, industria-birmoldaketaren ondorioz euskal industriaren zati handi bat galtzeko arriskua ikusi zenean eta Teknika Museoa egiteko ideia sortu zenean. Industria-ondare hori gal ez zedin, makinak, objektuak, materialak, piezak, tresnak, koadroak, planoak, liburuak, etab. biltzen hasi ziren. Hau da, bilduma euskal industriaren historia dokumentatzen duten piezak eskuratzeko prozesu luze baten emaitza da.

Gaur egun, bilduma 1.800 objektu inguruk osatzen dute, eta materialak askotarikoak dira, gehienak XX. mendekoak, eta ia Euskadiko industria sektore guztiak daude ordezkatuta: arte grafikoak, meatze-industria, energia, metalurgia, makina-erreminta, elikadura, ontzigintza...

Bilduma Zorrotzaurreko Konsoni Lantegian egon da 2002tik 2022ra arte, urte askotan bisitarientzako itxita, 2017an, Europako Kultura Ondarearen jardunaldiak zirela-eta, bisita gidatuak antolatzea erabaki zen arte.

2020tik aurrera, Bilboko Zorrotzaurre auzoko hirigintza-garapena dela-eta, eta Barakaldoko udalarekin sinatutako hitzarmen baten bitartez, Eusko Jaurlaritzako Kultura eta Hizkuntza Politika Sailak Orconerako pabilioiak egokitzeari, biltegia muntatzeari eta bilduma garraiatzeari ekin zion. Gaur egun, bi pabilioi egokitu dira: hego pabilioiak biltegi bisitagarria jasoko du; ipar pabilioia, berriz, bildumaren gordailua izango da. i pabilioi hauek tren mantentze lanak egiten zituen Orconera Iron Ore Company LTD enpresako eraikinak izan ziren.