Euskara Kultur Elkargoa

Wikipedia(e)tik
Hona jauzi: nabigazioa, Bilatu

Euskara Kultur Elkargoa Iruñean 1998. urtean sortutako fundazioa da, Nafarroan euskara eta euskal kultura bultzatzeko asmoz.

Arturo Kanpion jaunak 1876an sortutako Nafarroako Euskara Elkargoa erakundearen helburuak berreskuratu eta gaurkotu nahi ditu Euskara Kultur Elkargoak, hots, "Euskal Herriko euskal hizkuntza, literatura eta historia gorde eta zabaldu, gure legeria ikasi eta herrialdearen ongizate moral eta materialaren alde lan egin".

Elkargoak ahaleginak eta borondateak bildu eta batu nahi ditu eta, era berean, Nafarroako izaera baldintzatu duten zatiketak gainditu. Beraz, elkarrizketa eta jarduketa ildoa landu nahi du, adostasunetik edo desadostasunetik Nafarroan euskara eta euskal kulturaren aldeko lanean ari diren guztiekin.

Nafarroako Euskara Elkargoak mahai-inguruak, foroak, hitzaldiak antolatzen ditu; liburuak eta komunikazioak argitara ematen ditu; aurrematrikulazio kanpainetan parte hartzen du, eta abar. Eta hori guztia, elkargoa osatzen dutenek euskaldunak beren hizkuntzaz harro senti daitezen nahi dutelako, eta euskaldun ez diren nafarrek hori ere beren hizkuntza dela jakin eta onar dezaten.

Nafarroako Euskara Elkargoak Artekaria sortu du, hots, erkidegoan eta maila guztietan euskararen erabilera bultzatzeko eta euskaldunen hizkuntza eskubideak zaintzeko ekimena. Sarea ere osatu du, Nafarroan euskara eta euskal kulturarekiko egiten denaz - eta egiten ez denaz - informazio zehatz eta mugatua emateko tresna interaktibo eta dinamikoa.

Ikus gainera[aldatu | aldatu iturburu kodea]

Kanpo loturak[aldatu | aldatu iturburu kodea]