Euzko Deya

Euzko Deya Mantxeta hori oso ezaguna izan da Euskal Herriko kazetaritzan. Asko izan dira lema horrekin argitaratu diren egunkariak eta, modu batez, gaur egun argitaratzen den Deia horien jarraipena bezala ikus daiteke. Beti EAJ alderdiarekin edo Eusko Jaurlaritzarekin lotura zuzena izan du. Hizkuntzen aldetik, guztietan aurkituko ditugu euskaraz idatzitako testuak eta horrekin batera argitaratzen zen lurraldeko hizkuntzak: ingelesa, frantsesa eta gaztelania. Gerra aurretik Bilbon argitaratu zena euskara hutsean kaleratzen zen. Besteak beste hauek izan dira horietako batzuk:

Gerra baino lehen:

Euzko Deya. Bilbo. Bi alditan argitaratuta: 1916-1920 eta 1921-1923. Euskaraz argitaratzen zen. Argitaratzailea: Euzko Gastedija-EAJ.

Gerra ondoren, diasporan:

Euzko Deya. La Voz de Euzkadi. La Voix des Basques. Paris. Bi alditan argitaratuta: 1936-11-29tik 1940-05-10ra eta 1945-01-15tik 1975ra.
Euzko Deya. The Voice of the Basques. Londres.
Euzko Deya. La Voz de los Vascos en México.
Euzko Deya. La Voz de los Vascos de América.

Bibliografia

Euzko Deya. Bi liburuki. Donostia: Ediciones Vascas, 1979. Hitzaurrea: Antonio Maria Labaien.
Hemeroteca de la diáspora vasca 01. Urazandi Digital. Gasteiz: Eusko Jaurlaritza, 2007.
Adolfo Ruiz de Gauna: Catálogo de publicaciones periódicas vasca. Donostia: Eusko Ikaskuntza, 1991.
Javier Diaz Noci: Euskal prentsaren sorrera eta garapena (1834-1939. Donostia: Eusko Ikaskuntza, 1995.
Jose Ramon Zabala: "Aproximación a la hemerografía del exilio vasco. 1936-1960". La cultura del exilio vasco II. Donostia: Jose Angel Ascunce editorea, 1994, 71-128 or.

Kanpoko loturak

Jose Ramon Zabala Agirre:Hegoalderantz begira:1936ko euskal erbesteko prentsa Europan, Jakin aldizkaria, 119.zk., https://www.jakin.eus/aldizkaria/artikulua/hegoalderantz-begira-1936ko-euskal-erbesteko-prentsa-europan/3465
(Gaztelaniaz) Euzko Deyaren azala. http://www.euskomedia.org/galeria/A_38932
(Gaztelaniaz) Londres, Buenos Aires eta Mexikoko edizio digitalak: http://urazandi.euskaletxeak.net/#

Kanpo estekak

Datuak: Q12257680