Fereshteh Ahmadi

Fereshteh Ahmadi
Bizitza
Jaiotza	Kerman, 1972ko irailaren 2a (51 urte)
Herrialdea	Iran
Hezkuntza
Heziketa	Teherango Unibertsitatea
Hizkuntzak	persiera
Jarduerak
Jarduerak	eleberrigilea
Genero artistikoa	kontakizun laburra

Fereshteh Ahmadi (persieraz: فرشته احمدی ) (Kerman, Iran, 1972ko irailaren 2a –  ) irandar arkitektoa eta idazlea da, nobelagilea, ipuin-idazlea, literatura-kritikaria eta editorea.

Bizitza

1972an jaio zen Fereshteh Ahmadi, eta arkitekturan lizentziatu zen Teherango Unibertsitatean.

Ibilbidea

Laurogeita hamarreko hamarkadaren amaieran ekin zion idazle lanari kazetari gisa, eta asteroko txostenak, aipamenak eta zutabeak idatzi zituen egunkari eta aldizkari literario batzuetarako. Bere lehen liburua, Nameless (Bi Esm), haur txikientzako istorioa da. Ahmadiren lehenengo ipuin bilduma, Everyone's Sarah (Sara ye Hameh), 2004an argitaratu zen. Hooshang Golshiri Fundazioak , bilduma horretako Telebista ipuina aukeratu zuen urteko ipuin laburrik onenetarikoa izateko. Bere lehen eta bigarren eleberriak, Ahanzturaren maitagarria (Pari ye Faramooshi) eta Gazta-basoa (Jangal eta Panir), 2009an argitaratu ziren. Hipertermia (Garmazadegi), Ahmadiren bigarren bilduma, 2013an argitaratu zen.

Fereshteh Ahmadik ipuin laburren gutxienez hiru bilduma eta bi eleberri argitaratu ditu. Bere azken liburua, Etxeko munstroak (Hayoolaha ye Khanegi), zortzi ipuin laburrez osatutako bilduma da, 2016an argitaratua. Argitaletxe batzuen editorea da, eta hainbat literatura-ekitaldi nazionaletan sari-epaimahaietako kidea.

Hautatutako lanak

Besteak beste, lan hauexek egin ditu:

Istorio laburrak

• 2004 Everyone's Sarah (Sara ye Hameh)
• 2013 Hyperthermia (Garmazadegi)
• 2016 Domestic Monsters (Hayoolaha ye Khanegi)

Eleberriak

• 2009 Fairy of Forgetfulness (Pari ye Faramashooi)
• 2009 Cheese Forest ( Jangal e Panir)

Kanpo estekak

• Datuak: Q5952646