Fuji mendiaren Hōei erupzioa

Wikipedia(e)tik
Fuji Mendiaren Hoei erupzioa» orritik birbideratua)
Hona jo: nabigazioa, Bilatu
Fuji mendiaren Hōei erupzioa
FujiHoei2078.jpg
Hōei kraterra erakusten duen Fuji mendiaren ikuspegia
Sumendia Fuji mendia
Data 1707ko abenduaren 16a-1708ko urtarrilaren 1a
Erupzio-mota Pliniarra
Kokapena Japonia
LIB 5
Volcanic-ash-downfall map of Mt.Fuji Hoei-eruption01.jpg

Fuji mendiaren Hōei erupzioa (宝永大噴火 Hōei dai funka?) 1707an (Hōei aroko laugarren urtea) gertatu zen.

Fuji mendiak historian zehar hiru ikaragarrizko erupzio pairatu ditu: birritan Heian aroan (Enryaku eta Jogan erupzioak) eta behin Edo aroan (artikulu honetako Hōei erupzioa).

Nahiz eta labarik jaurti ez zuen, Hōei erupzioak sumendi-errauts kopuru itzela bota zuen, sumendiaren inguruko leku zabalen gainean sakabanatuta, Fuji menditik ia 100 kilometrotara dagoen Edo hirira iritsiz (gaurko Tokio).[1] Errauts kopurua 800.000.000 ingurukoa zenbatetsi zuten.

Erupzioa Fuji mendiaren hego-mendebaldeko aldean gertatu zen, eta hiru tximinia berri sortu zituen, 1., 2., eta 3. Hōei-tximiniak izenekoak.[2] Gaur arte hauxe izan da Fuji mendiaren azken erupzioa.

Hondamendi sekundarioak[aldatu | aldatu iturburu kodea]

Hōei erupzioaren hurrengo urtean, Sakawa ibaia gainezkatu zen sumendi-errautsaren jalkinaren ondorioz.

Sumendi-hondar jausiek Fuji mendiaren ekialdeko soroak zabal-zabal estali zituzten. Soroak berreskuratzeko nekazariek sumendi-hondakinak zabortegiratu eta hondar-tontorrak egin zituzten. Euriak hondar-tontorrak zabortegietatik ibaietara behin eta berriro eroan eta ibai batzuen sakonera gutxitu zuen. Batez ere Sakawa ibaian sumendi-errauts kopuru handiek han-hemenka behin-behineko dikeak sortu zituzten. Hōei erupzioaren hurrengo urteko abuztuaren 7 eta 8ko euri-zaparradek sumendi-errauts eta lokatzaren olde bat sortu eta dikeak apurtu zituzten Ashigara lautada urpetzeko.

Erreferentziak[aldatu | aldatu iturburu kodea]

  1.   Titsingh, Isaac (1834), Annales des empereurs du japon, 416. orrialdea, https://books.google.com/books?id=Cg8oAAAAMAAJ&printsec=titlepage&dq=editions:OCLC63259938#PRA1-PA416,M1 .
  2.   Smith, Henry D. (1988), Hokusai: One Hundred Views of Mt. Fuji, New York: George Braziller, 197. orrialdea, ISBN 978-0-8076-1453-2 .