Gediminas Vagnorius

Gediminas Vagnorius
Irudi gehiago
Seimasko kidea 2000ko urriaren 19a - 2004ko azaroaren 14a Hautetsia: 2000 Lithuanian parliamentary election (en) Lituaniako Lehen Ministroa 1996ko azaroaren 27a - 1999ko maiatzaren 4a ← Laurynas Stankevičius (en) - Irena Degutienė → Seimasko kidea 1996ko azaroaren 25a - 2000ko urriaren 18a Hautetsia: 1996 Lithuanian parliamentary election (en) Seimasko kidea 1992ko azaroaren 24a - 1996ko azaroaren 22a Hautetsia: 1992 Lithuanian parliamentary election (en) Lituaniako Lehen Ministroa 1991ko urtarrilaren 13a - 1992ko uztailaren 21a ← Albertas Šimėnas (en) - Aleksandras Abišala (en) →
Bizitza
Jaiotza	Plungė District Municipality (en) , 1957ko ekainaren 10a (67 urte)
Herrialdea	Lituania
Hezkuntza
Heziketa	Vilnius Gediminas Technical University (en)
Hezkuntza-maila	Candidate of Economic Sciences (en)
Hizkuntzak	lituaniera
Jarduerak
Jarduerak	ekonomialaria eta politikaria
Lantokia(k)	Vilnius
Jasotako sariak	ikusi Grand Cross of the Order of Merit of the Republic of Poland Independence Medal
Sinesmenak eta ideologia
Erlijioa	katolizismoa
Alderdi politikoa	Homeland Union – Lithuanian Christian Democrats (en) Labour Party (en)

Gediminas Vagnorius (Vilna, 1957ko ekainaren 10a) lituaniar politikari eta ekonomista da. Lituaniako Lehen Ministroa izan zen 1991-1992 eta 1996-1999 urte bitarteetan. Ingeniaritza- eta ekonomia-ikasketak egin zituen, Vilnan bertan. Ikasketak bukatuta eskolak eman zituen Ekonomiaren Zientzietako Institutuan, 1990 arte, Lituaniako Legebiltzarreko kide hautatu zuten arte alegia, sobietar erregimen komunistaz geroko lehen hauteskundeetan. Handik gutxira, Legebiltzarrak Sobietar Batasunetik bereiztea eta Lituaniako Errepublikaren burujabetasuna aldarrikatzea erabaki zuen. 1991n, baina, sobietar gudarosteko parakaidistek Vilnako irrati- eta telebista-egoitzak hartu zituzten, eta Lituaniako Lehen Ministro Albertas Shimenas desagertu egin zen. Legebiltzarrak Gediminas Vagnorious hautatu zuen behin-behineko Lehen Ministro. Handik ordu gutxira, Shimenas agertu zen, eta emaztea eta seme-alaben bizitza salbatzeagatik desagertu zela azaldu zuen, baina azalpena ez zen Legebiltzarraren gogobetekoa izan, eta Vagnorious berretsi zuten karguan. Gobernuaren buruzagitza hartu orduko, bere zeregin nagusia errepublikaren independentzia lortzea izango zela adierazi zuen. 1991ko otsailaren 10ean Lituaniako Errepublikaren independentziari buruzko erreferenduma deitu zuen: lituaniarren % 90 independentziaren alde agertu zen. Gorbatxovek erreferenduma legez kanpokotzat jo zuen.

Erreferentziak

• Datuak: Q982980
• Multimedia: Gediminas Vagnorius / Q982980