Gerri

Wikipedia, Entziklopedia askea
Jump to navigation Jump to search
Emakume bat bere gerria neurtzen. Gerribueltaren neurri handiak gorputz-gantzaren kopuru eta banaketa desegokia adierazten du.

Gerria gorputz-enborrean torax edo aldakaren artean dagoen gorputz-zatia da, torax eta aldaka baino estuagoa izaten dena, bereziki emakumeen kasuan.

Gerri/aldaka indizea[aldatu | aldatu iturburu kodea]

Gerri/aldaka indizea gerriaren perimetroaren eta aldaken perimetroaren arteko zatiketan datza. Indize honek gantza gorputz-enborraren inguruan zer proportzoptan banatua dagoen adierazten du. 0,7ko indizea emakumeentzat eta 0,9ko indirea gizonezkoentzat egokitzat jotzen dira.

Gerriaren neurriak sekzio horizontalean perimetro estuena duen altuerari egiten dio erreferentzia.

Gerriaren neurria[aldatu | aldatu iturburu kodea]

Gerriaren zirkunferentziaren neurketa pertsonen obesitate edo gizentasuna neurtzeko erabili ohi den aldagaietako bat da. Abdomeneko gantz pilaketa gehiegizkoa gaisotasun kardiobaskular eta gizentasunarekin erlazionatutako gaisotasunen garapenean arrisku faktorea da. AEBko Bihotz, Birika eta Odolaren Instituto Nazionalak (The National, Heart, Lung and Blood Institute, NHLBI) gizentasunarekin harremana duten gaisotasunak garatzeko arrisku maila altua dela deritzo gerriaren neurria 102zm edo 88zm baino handiagoa bada, gizonezko eta emakumezkoen kasuetan hurrenez hurren.

Funtzio eta ezaugarriak[aldatu | aldatu iturburu kodea]

Gerriak osatzen duen tartean bizkarrezurra, maskuria, heste lodia, heste meharra eta emakumeen kasuan organo erreproduktiboak topa daitezke.