Gona gorridun emakume gaztea
Gona gorridun emakume gaztea | |
---|---|
Jatorria | |
Sortzailea(k) | Adolf Erbslöh |
Sorrera-urtea | 1910 |
Ezaugarriak | |
Egile-eskubideak | jabetza publiko |
Kokapena | |
Lekua | Von der Heydt Museum (en) |
Bilduma | Von der Heydt Museum (en) |
Gona gorridun emakume gaztea, baita ere Gona gorria (alemanez: Mädchen mit rotem Rock) Adolf Erbslöh (1881–1947) margolari espresionista alemanaren olio-pintura da. 1910ean bukatu zuen eta Von der Heydt-Museumen erakusten da, Wuppertal hirian. 115 × 85,5 zm.ko tamainukoa da.
Historia[aldatu | aldatu iturburu kodea]
1909an eta 1910ean Erbslöh-ek hainbat irudi margotu zituen formatu handian. Gona gorridun emakume gaztea «garai honetako artistaren margolan garrantzitsuenetako bat» da.[1]
Deskribapena[aldatu | aldatu iturburu kodea]
Pinturak antzinako eskultura bat ekartzen du gogora.[2] Ilea buruaren atzean lotzen duen emakume gazte partzialki biluzik irudikatzen du. Blusaren uhala bat irristatu zaio, ezkerreko bularra erakutsiz. Emakume gazteak gona gorri luze bat darama, margolanaren beheko zati osoa hartzen duena eta belaunetaraino ikusten dena. Aurpegiak tonu gorriak ditu, beraz, ez da bularra bakarrik begia erakartzen duena. Eskuinean, emakume gaztearen itzala ikus dezakegu.
Erreferentziak[aldatu | aldatu iturburu kodea]
- ↑ https://www.erbsloeh.org/adolf.htm
- ↑ Claudia Kuhland: Adolf Erbslöh – Mädchen mit rotem Rock. In: Meisterwerke, WESTART 2010.