Hästholmssundet

Hästholmssundet
Mota	itsasarte
Geografia
Koordenatuak	59°18′50″N 18°08′03″E
Estatu burujabe	Suedia
Suediaren banaketa administratiboa	Stockholmgo konderria
Suediako udalerria	Nacka

Finnboda ontziolan itsasartearen aztarna .

Hästholmssundet (Suedia) Nacka udalerriko Kvarnholmen uhartea eta Henriksdal auzoa banatzen zituen itsasartea izan zen, 1970eko hamarkadan lurrez bete zen arte. 2005ean eginiko hirigintza planaren arabera, Nacka udalerriak Hästholmssundet kanal batekin ireki eta berriro Kvarnholmen berriro uharte bihurtzeko asmoa du.

Historia

Hästholmssundet itsasartea eta Kvarnholmsbron zubia 1932 urtean.

Kvarnholmen uhartean, XIX. mendearen amaieratik lurrak industria-eraikinetarako erabiltzen hasi ziren. Uhartea kontinentetik bereizten zuen Hästholmssundetek, Saltsjön eta Svindersviken badiak komunikatzen zituen itsasartea osatuz.

Hästholmssundet zeharreko garraio guztiak gabarraz eta ferryz egiten ziren, 1923an Kvarnholmsbron zubia eraiki zuten arte.

Itsasartea guztiz bete zen 1970eko hamarkadaren amaieran, uharteko industrien garraioaren beharrak asetzeko. Bete-masa, besteak beste, eraiki berri zen Finnberg tuneletik zetorren. Lur-eremu berri horretan, besteak beste, Finnboda ontziola eta Svindersviken-eko petrolio portuak ezarri ziren. Finnboda ontziolen eremutik ekialdean dagoen badia batean itsasartearen aztarna txiki bat ikus daiteke (gaur egun kirol portua dagoen lekuan).

Hästholmen eta Hästholmssundet, mapa historikoak

• 
  Svindersviken, Hästholmssundet eta Hästholmen 1642
• 
  Svindersviken, Hästholmssundet eta Hästholmen 1774
• 
  Svindersviken, Hästholmssundet eta Hästholmen 1897
• 
  Svindersviken, Hästholmssundet eta Hästholmen 1901-1906

Etorkizuneko planak

Kvarnholmen-en hirigintza planaren baitan, Nacka udalerriak 2005eko maiatzean aurkeztu zuen Kvarnholmen, Hästholmssundet eta Östra Gäddviken-erako programa, non besteak beste Hästholmssundet kanal batekin irekitzea eta berriro ere Kvarnholmen uharte bihurtzea proposatzen den. Sortu berri den itsasartearen gainean bi zubi berri aurreikusten dira, motordun txalupa txikiak igarotzeko altuerarekin. Itsasartearen / kanalaren bi aldeetan oinezkoen eta bizikleten pasealekuak aurreikusten dira, eta Kvarnholmen aldetik, etxebizitza-eraikin berriak.

Kanpo estekak

• Datuak: Q78185608