Ondasun higiezin

Ondasun higiezinak —edo, besterik gabe, higiezinak— edo onibarrak lurrari atxikirik dauden ondasunak dira, hala nola lursailak, orubeak, etxeak, lantegiak eta, oro har, mugitu ezin daitezkeen gauzak. Ordenamendu juridiko zenbaitetan, ontziak eta hegazkinak ere ondasun higiezintzat hartzen dira eta horien ezaugarri zenbait jasotzen dituzte gutxienez. Herrialde bateko ondasun higiezinak Jabetza Erregistroetan, non ondasun horien gaineko eskubideak zehazten diren, eta katastroan, non ondasun horien deskribapen fisikoa egiten den, zerrendatzen dira.