Ibaietako San Martin tenplua
Ibaietako San Martin tenplua | |
---|---|
Eraikitako euskal ondasun nabarmena | |
Kostaldeko Donejakue bidea | |
Kokapena | |
Herrialdea | Euskal Herria |
Probintzia | Gipuzkoa |
Udalerria | Zarautz |
Koordenatuak | 43°17′06″N 2°08′46″W / 43.28491°N 2.14615°W |
Historia eta erabilera | |
Eraikuntza | XVI. mendea |
Ondarea | |
EJren ondarea | 56 |
Ibaietako San Martin tenplua[1] (erregistro batzuetan, Ibañetako San Martin gisa[2] edo Ibaetako San Martin izenarekin agertzen da[3]) Zarauzko baseliza txiki bat da, Donejakue bideari lotuta[4].
Historia[aldatu | aldatu iturburu kodea]
1520an jada existitzen zela badakigu, eta garai horretan "zaharra" deitzen zutela ere[3]. XVI. mendean Ibayeta, Ibaeta edo Ibaita familiarena zen; eurena zen ere erantzukina 12 meza ordaindu eta serora izendatzeko. 1643an pleitoa egon zen baldintza horiek ez betetzeagatik[1].
Lehen Karlistaldian karlistek kuartel gisa erabili zuten, eta sakonki hondatu zen[1]. 1983an berriro konpondu zuten, San Martin, San Roke eta Santa Katalinaren irudiak zituen erretaula kenduz[3].
San Martin santuaren egunean, baratxuria, artoa, babarruna eta bestelako haziak bedeinkatzen dira[1].
Eraikuntza[aldatu | aldatu iturburu kodea]
Ekialdera begira dagoen baseliza bat da, tamaina txikikoa. Egurrezko bilbadurak ditu eta arku-formako ataria. Bao txikiak ditu, eta horregatik oso iluna da barrutik. Absidearen aldean banku jarraitu bat dago, harrizkoa. Hiru karga-zutabe ditu[1].
Ondarea[aldatu | aldatu iturburu kodea]
Barruan gotzain jantzitako San Martinen eskultura bat dago, XVIII. mendekoa. Eusko Jaurlaritzan ondare babesa eman zion, Donejakue bidearen baitan.
Erreferentziak[aldatu | aldatu iturburu kodea]
- ↑ a b c d e «Zarautz Historikoa ~ Ibaietako San Martin [Baseliza | Zarautz - Gipuzkoa»] www.gurezarautz.net (Noiz kontsultatua: 2019-09-04).
- ↑ «Ibañetako San Martin tenplua. Ondarea. Euskal Ondare Kulturalaren Informazio Sistemaren hasiera orria» www.euskadi.eus (Noiz kontsultatua: 2019-09-04).
- ↑ a b c «Zarautz: Ermita de San Martin de Ibaeta - Guía de Ocio de Gipuzkoa - Gipuzkoako Aisialdi Gida» www.kulturweb.com (Noiz kontsultatua: 2019-09-04).
- ↑ «SANTIAGOKO BIDEA. Ondarea. Euskal Ondare Kulturalaren Informazio Sistemaren hasiera orria» www.euskadi.eus (Noiz kontsultatua: 2019-09-04).