Ihes betea zilegi balitz

Ihes betea zilegi balitz
Mikel Laboaren musika-lana
Egilea(k)	Mikel Laboa
Sorrera-urtea	1985
Ezaugarriak
Hitzak	Xabier Lete

Ihes betea zilegi balitz Xabier Leteren olerki bat da,^[1]^[2] famatua bereziki Mikel Laboak musikatu eta abestutako bertsioagatik, Sei diskoan plazaratu zuena (1985).

Xabier Leteren olerkia
Mikel Laboak interpretatua

Ezintasuna, esperantza eta etsipenaren olerkia[aldatu | aldatu iturburu kodea]

Olerkiak egoera txarretatik ihes egitearen ezintasuna du gaitzat, esperantza eta etsipenaren arteko dantzan.

«Ihes betea zilegi balitz / nunbait balego bakea / ni ez nintzake etxe ertzeko / loredien maitalea...»

«... ni ez nintzake ontzi gabeko / itsasgizon ahalgea.»

Horrelako egoera etsigarriak deskribatzeko erreferentzia gisa erabili izan da abestia euskal kulturan gero. Protagonista batzuek «ihes betea zilegi izatea» bilatzen dutela esan da batzuetan, «Nunbait balego bakera» ihes egingo luketela gustura, baina munduan ez dagoela bakerik. Protagonistak ihes nahian eta ihes ezinean dabiltzala adierazi nahi da olerki hau aipatzen denean.^[3]^[4]

Olerkia Txoritokietako gotorlekuan. Atzean Urdaburu mendia.

Doinuaren historia[aldatu | aldatu iturburu kodea]

Mikel Laboaren abestiaren doinua Paco Ibañez abeslariaren Pello Joxepe kantan oinarritzen da. Ibañez-ek bere amari entzundako abestiak biltzen zituen Oroitzen diskoan jaso zen. Horretan oinarrituta, Naomi Shemer israeldar konposagileak hebreerazko Yerushalaim shel Zahab abestia konposatu zuen, Israelen aski ospetsua den abestia. Israeldar konposagileak 2005 urtean aitortu zuen doinu horretan oinarritu zela, ordura arte ukatu bazuen ere.^[5]