Iheskide

Iheskide
	Fitxategi:Iheskide.jpeg iheskide taldea
Datuak
Jatorria	Elorrio
Musika mota	Rock ; Punk
Instrumentuak	ahotsa, gitarra, baxua, bateria
Urteak	2004 -
Produkzioa
Diskoetxea(k)	Musik Herria, Mauka Musikagintza
Taldekideak
	Ibaiko (Kruder's, bateria) Tronpi (baxua eta koroak) Kata (gitarra eta koroak) Xagu (ahotsa eta gitarra militarra)
Informazio gehigarria
	www.iheskide.org

Iheskide 2004. urtean Elorrion (Bizkaian) sortutako euskal punk rock musika taldea da.

Biografia[aldatu | aldatu iturburu kodea]

Iheskide 2004an elkartu ziren bostkote moduan, Elorrioko musika lokaletan. Antton ahotsean, Gaizka baxuaz eta koroetan, Kata eta Xagu kitarrekin eta petra bateriarekin. Ihesbideren funtsa gustatzen zitzaiena egiteaz aparte, jasaten ditugun injustiziak salatzea eta bizi ditugun egoera desberdinen aurrean gure iritzia azaleraztea izan zen, musika bozgorailu bezala erabiliz.2006an zazpi abestiz osatutako maketa bat kaleratu zuten, Elorrioko Ateneoan inprobisatutako estudioan grabatu zutena, Etxebaren laguntza ezinbestekoaz teknikari lenetan.

Fitxategi:Iheskide taldea.jpg

Iheskide taldea

Bestalde, Gazte sareak eta Xirikak kaleratutako “gazte sortzaileen eskutik okupazioaren aldeko ohiuak” bilduman kanta bat sartzeko aukera ere izan zuten. Aulestin “Txortx” eta “Iñi”-ren laguntzaz grabatu zutena, eta baita “Txirringaz 2006″ ekimenerako kanta egiteko.

Uda hartan ordea, Anttonek taldea utzi zuen bidaia baten ondorioz, eta geratzen ziren laurek jarraitzea erabaki zuten, Gaizka ahotsean jarriz eta xagu ta kata koroetan. Orduan kanta berriak sortzen hasi ziren eta 2008ko Martxoan “Dagokiguna” diska grabatu zuten, Ander (Shinova) teknikariarekin eta Maiatzaren hasieran kaleratu zuten, ondoren kontzertuei ekinez.

Urte hartako Uztailaren 22an, estatuaren aparatu errepresiboek, Tronpi eta beste hainbat lagun atxilotuak eraman zituzten, 5 egunez inkomunikaturik izanik eta tratu txarrak eta torturak jasanez.

Fitxategi:Xagu.jpg

Xagu: Ahotsa eta gitarra

Azkenik Espainiako salbuespen tribunalak espetxera bidali zuen Tronpi atxilotuetako beste batzuekin batera.

Iheskideek urte terdi inguruko geldiune egin zuten, denbora horretan kontzertu berezi pare bat soilik eskainiz, Kolditok Sermond’s baxuaz lagunduta.

Fitxategi:Tronpi.jpg

Tronpi: Baxua eta koroak

Geldiune hori igarota ordea, hainbat lagun, senide…i esker ulertu zuten aurrera ez jarraitzeak zapalkuntzaren garaipen bat suposatuko zuela eta zerbait egin behar zutela. 2009ko Abenduan eta 2010eko Urtarrila bitartean, Ander (Shinova) teknikariarekin, grabatu zuten “Iheskide”.

Otsailaren erdialdera kaleratu zuten eta bertan talde ezberdinetako partaideak hartu zuten parte Juanra (KOP), Ulli (Kañeria 13), Endi eta Mikel (Edan)…Azkenik Taldearen izen aldaketa egin zuten Ihesbidetik Iheskidera.

Fitxategi:Kata..jpg

Kata: Kitarra eta koroak

Ihesbide zuzenekoetan agertzen diren musikarietaz aparte, errepresioaren ondorioz beraien ondoan ezin duten hainbat lagunek eta atzeko lanetan aritzen diren hainbat pertsonek osatzen dutela aldarrikatuz, Iheskideak hain zuzen.

Egun, Tronpi espetxe Espainoletatik irten eta gero, aurreko laukotera itzuli eta Iheskidek Mauka disketxearekin kaleratuko dute diska berria. Taldearen laugarren diska izango da eta Martxoaren 12tik Apirilaren 18ra Usurbilgo HIGAIN estudioetan grabatu zuten Haritz Harreguyrekin.