Iletsuak (Eraztunen Jauna)

Iletsuak Tolkienen legendarium ospetsuan eta Eraztunen Jauna eleberrian Eskualdean bizi ziren hobbiten azpiarraza bat ziren.

Talderik ugariena osatzen zuten, eta larruazal ilunagoa eta gorputz txikiago eta argalagoa izateagatik bereizten ziren, ez zuten oinetakorik eramaten eta euren oinak oso erresistenteak ziren ileez estalita zeuden. Ez hala euren aurpegia, ilerik gabekoa zena, bekain sendoak zituzten arren.

Lurralde garaiak eta muinoak gogoko zituzten, eta beraz beti bizi izan ziren leizezulo edo tuneletan, nanoen lagun handiak zirelarik.

Jatorrian Mendi Lainotsuen adarretan bizi ziren, Anduinen haranetan, Gladio ibaia eta beranduago Arranodia edo Apal Handia bezala ezagutuko zen eskualdearen artean, Pasabide Garaitik gertu.

Hobbit arrazen artean mendebalderantz bidaian abiatu zen lehena izan zen. Pasabide Garaia Eguzkiaren Hirugarren Aroko 1050. urte inguruan igaro zuten, denbora batez Denboraren Muinoetatik gertu zeuden lurraldeetan ezarriz. Aro horretako 1300. urte inguruan, Breen ezarri ziren.

Eriadorren Iparraldeko Dunedainek ezagutu zituzten, Perianath izena eman zietenak, oestronez Ertain esan nahi duen sindarinezko hitza. Euren anaia Alboak hobe eta gaiago bezala hartzen zituzten, eta beraz horietako asko euren buruzagi bezala aukeratu zituzten, eta hauetako askok euren bidaian zehar zuzendu zituzten.