J. R. R. Tolkien

Wikipedia, Entziklopedia askea
John Ronald Reuel Tolkien» orritik birbideratua)
Jump to navigation Jump to search
J. R. R. Tolkien
Tolkien 1916.jpg
Rawlinson and Bosworth Anglosaxoiera Katedra

1925 - 1945
William Craigie Itzuli - Charles Leslie Wrenn Itzuli
Bizitza
Izen osoa John Ronald Reuel Tolkien
Jaiotza Bloemfontein1892ko urtarrilaren  3a
Herrialdea  Erresuma Batua
Bizilekua Birmingham
Talde etnikoa Ingelesa
Lehen hizkuntza ingelesa
Heriotza Bournemouth1973ko irailaren  2a (81 urte)
Hobiratze lekua Oxford
Wolvercoteko hilerria
Heriotza modua : pneumonia
Familia
Ama Mabel Suffield
Ezkontidea(k) Edith Tolkien  (1916-03-22 -  1971-11-29)
Seme-alabak
Anai-arrebak
Hezkuntza
Heziketa St. Philip's School Itzuli
King Edward's School Itzuli
Exeter College Itzuli 1915) : ingeles
Oxfordeko Unibertsitatea
(urria 1911 - 1915) : ingeles, Ingelesezko literatura
Hezkuntza-maila irakaslea
Hizkuntzak ingelesa
Jarduerak
Jarduerak hizkuntzalaria, poeta, unibertsitateko irakaslea, haur literaturaren idazlea, itzultzailea, literatura-kritikaria, saiakeragilea, ofiziala eta autorea
Enplegatzailea(k) Oxford English Dictionary  (urtarrila 1919 -  maiatza 1920)
Leedsko Unibertsitatea  (1920 -  1925)
Oxfordeko Unibertsitatea  (1925 -  1959)
Lan nabarmenak Hobbita
Eraztunen Jauna
Silmarillion
Tree and Leaf Itzuli
Roverandom Itzuli
The Adventures of Tom Bombadil Itzuli
Beowulf: The Monsters and the Critics Itzuli
Jasotako sariak
Nominazioak
Influentziak George MacDonald Itzuli, Edward Wyke Smith Itzuli, Robert E. Howard, Jules Verne, Henry Rider Haggard, Lord Dunsany, Edward Burne-Jones, William Morris eta Gilbert Keith Chesterton
Kidetza Royal Society of Literature Itzuli
Mugimendua Inklingsa Itzuli
Genero artistikoa fantasia
haur literatura
Itzulpengintza
literary studiesa Itzuli
olerkigintza
Prosa
Zerbitzu militarra
Adar militarra Britainia Handiko Armada
Lancashire Fusiliers Itzuli
Gradua second lieutenant Itzuli
Parte hartutako gatazkak Lehen Mundu Gerra
Battle of Thiepval Ridge Itzuli
Sommeko gudua
Sinesmenak eta ideologia
Erlijioa Erromatar Eliza Katolikoa
IMDb nm0866058
tolkienestate.com
JRR Tolkien signature.svg

John Ronald Reuel Tolkien (Bloemfontein, Orangeko Estatu Librea, gaur egun Hegoafrika, 1892ko urtarrilaren 3a - Bournemouth, Ingalaterra, 1973ko irailaren 2a), J.R.R. Tolkien bezala ezagutzen dena, filologoa, irakaslea eta fantasia epikoko idazlea izan zen. Erdi Aroko literatura fantastikoan oinarritutako eleberri arrakastatsuak idatzi zituen: Hobbita (1937) eta Eraztunen Jauna trilogia (1954-1955), antzinako epikaren bertsio modernotzat jotzen direnak[1].


Bizitza[aldatu | aldatu iturburu kodea]

Familiak alemaniar jatorria bazuen ere, aspalditik Ingalaterran finkatua zegoen. Aitaren lanbidea zela-eta, idazlea Hegoafrikan jaio zen. Hiru urte zituela, bere osasun arazoengatik, amarekin eta anaiarekin batera Birminghamera joan zen bizitzera. 1896an, aitaren bapateko heriotzagatik eta egoera ekonomikoagatik, hiritik gertu zegoen Sarehole herrixkara joan behar izan zuten bizitzera.

Landa inguruak eragin handia izan zuen berarengan, Sareholen bizi zen garaian sortu baitzitzaion naturarekiko maitasuna eta erresptua, natura babestu eta zaindu behar dela konturatu baitzen. Naturarekiko maitasunak eragina izan zuen bere idazlanetan.

Mabel Tolkien zuen izena bere amak, eta pertsonalki arduratu zen bi semeen heziketaz. Txikitatik bultzatu zituen gerora idazlea izango zen bere seme Ronalden hizkuntz-zaletasuna eta irakurzaletasuna. Latina zen bere irakasgairik gogokoena. [2]

1900. urtean Mabel Tolkien eta bere semeak katolizismora bihurtu ziren, eta horrek familiaren laguntza eta babes ekonomikoa galtzea ekarri zuen.

Birminghameko “King Edward” eskolan egin zituen ikasketak, eta bertan, erdi ezkutuan, elkarte bat sortu zuen beste hiru ikaskiderekin batera:Tea Club and Barrovian Society, T.C., B.S. laburdurdurekin adierazitakoa. [3]Geoffrey Smith kidearen agindupean jarduten zuten elkartekoek, helburu hau hartuta: Artearen bitartez, elkarteko lau kideen artean, aurkitu baino mundu hobeago bat utzi behar zuten.[4][5]

1904. urtean, 12 urte zituela, Ronald-ek ama galdu zuen. Harrezkeroztik, Birminghameko apaiza zen Xavier Morganen[2] babespean hezi ziren Ronald eta bere anai Hillary Arthur. Xavier Morganek eragin handia izan zuen Ronalden heziketan, hizkuntza ikasketak egitera sustatu baizuen. Berarekin ikasi zuen gaztelania, geroago naffarin hizkuntzaren sorkuntzan erabiliko duena.

Oxford unibertsitatean Ingelesa eta Literatura ikasketak hasi zituen 1908. urtean. 1914ean, 21 urte bete bezain pronto, Edith Barthi ezkon-hitza eman zion, eta handik urtebetera bukatu zituen ikasketak, ohorezko matrikulekin. Orduan, Edithekin ezkondu eta Frantziara bidali zuten.

Erresuma Batua Lehen Mundu Gerran sartuta zegoen, eta Rolandek Lancashire Fusiliers konpainian izena eman zuen. Somme batailan [3] egon zen, baina gaixorik itzuli zen etxera, lubaki sukarraz kutsatuta. Berriz gaixotu zen 1917an eta 1918an.

Gerra amaitu ondoren, Oxford English Dictionary proiekturako aukeratzen dute Tolkien, lexikografo laguntzaile bezala.

1920ko udan lortzen du ingelerazko irakasle-elkartuaren postua Leeds Unibertsitatean. E.V. Gordonekin lankidetzan, Sir Gawain and the Green Knight XIV. mendeko erromantze heroikoaren argitalpenean parte hartzen du. Ipuinak, istorioak eta poemak idazten jarraitzen du, adibidez, Ipuin galduen liburua. Garai honetan asmatu zituen, baita ere,elfoen hizkuntzak.

1925.urtean Pembroke-Oxford-eko Rawlinson-Bosworth katedra lortzen du eta Oxforrera itzultzen da. Gustuko zituen irakaskuntza, eztabaida eta ikerkuntza. Ikerkuntza lan gutxi batzuk besterik ez zituen argitaratu, baina hedapen handikoak izan ziren: Beowulf: The Monsters and the Critics hitzaldia batez ere.

Oxforden, lagun batzuekin batera, The Inklings taldea sortu zuen. Nevill Coghill, Hugo Dyson, Owen Barfield, Charles Williams eta C. S. Lewis zeuden taldekideen artean; maiz elkartzen ziren solas egin eta elkarren lanak irakurtzeko.

C.S. Lewis izan zen J.R.R. Tolkienen lagun hurbilenetako bat. Tolkienek eragin handia izan zuen C.S. Lewisen kristau-fedeari itzuleran[6], eta, era berean, C.S. Lewisek bultzatu zuen Tolkien Hobbita istorioa argitaratzera. Hasiera batean, bere seme-alabentzat bakarrik idatzi zuen Tolkienek Hobbita, baina izan zuen arrakasta ikusita, Bigarren Mundu Gerra garaian The New Hobbit obran lan egiten hasi zen, eta hortik atera zen Eraztunen Jauna trilogia.Ez idazleak, ez editoreak ez zuten espero horrenbesteko arrakasta izango zutenik.

1945. urtean Oxford’s Merton Professor of English Language and Literature katedra lortu zuen eta erretiroa hartu arte, 1959 urtera arte hain zuzen ibili zen unibertsitateko kontuetan parte hartuz, hango bizitza eginez.

Literatur Nobel Sarirako hautagaia izan zen, baina epaimahaiak ez zuen bere hautagaitza onartu, “prosa urriko” idazlea omen zen.

Tolkien's grave.jpg

J. R. R. Tolkien 1973ko irailaren 2an Oxforden hil zen, 81 urterekin. Oxfordeko Wolvercote hilerrian lurperatu zuten, Edith bere emaztearen hilobi berean, zeina 1971. urtean zendu zen. Hilobietan, bikotearen benetako izenak jarri beharrean, "Beren” eta “Lúthien” izenak azaltzen dira, eta Silmarillioneko kondaira batean azaltzen den bezala, elkar maite duten bi pertsonaia dira, baina izatez desberdinak direnak: elfoen arteko dontzeila da Lúthien, gizon hilkorra da Beren.

Asmatutako hizkuntzak[aldatu | aldatu iturburu kodea]

J.R.R. Tolkienek fikziozko mundu bat eraikitzeaz gain, zenbait hikuntz berri ere asmatu zituen. Garrantzitsuenak Quenya eta Sindarin dira.

Quenya[aldatu | aldatu iturburu kodea]

Hainbat izenez deitu izan zaio hizkuntza honi: Quenya, qnya, quendya, Valinor-eko elfo hizkuntza...Tolkienek asmatutako hamabost hizkuntzetatik, Sindarin hizkuntzarekin batera hau da gehien zabaldu dena. Gaztaroan sortu eta bizitza osoan zehar landu zuen.

Sindarina[aldatu | aldatu iturburu kodea]

Sindarina Tolkienek sortutako hizkuntza da, Arda munduari buruzko istorioetan agertzen dena eta Erdialdeko Lurraldean gehien hitz egiten den elfoen hizkuntza. Sindarina quenyarekin batera Tolkienek gehien garatu zuen hizkuntzetako bat da. Hizkuntzaren jatorrizko izena edhellen izango litzateke (elfoarra). 1917-1930 urteen artean sortua.

Idazlanak[aldatu | aldatu iturburu kodea]

Hobbita, Eraztunen Jauna eta Silmarillion (J. R. R. Tolkien hil eta gero, haren hirugarren semeak, Christopher Tolkienek argitaratua) idazteagatik ezaguna da. Hiru lan hauek urrutiko lurralde baten mitologia osoa kontatzen dute; Silmarillion lehenengo atala zen, Hobbita bigarrena eta Eraztunen Jauna hirugarrena. Hirurak kokatzen dira Arda mundu mitologikoan.

Silmarillion Tolkien hil eta gero argitaratu zen, liburuaren formatu komertzial urriarengatik eta egileak bere idazkiei egiten zizkien etengabeko aldaketak zirela medio. Silmarillion-en istorioetako asko ez zeuden amaituta, Tolkienek hitzari ematen zion zentzuan.

Euskaratuak[7][aldatu | aldatu iturburu kodea]

Sakontzeko, irakurri: J. R. R. Tolkien bibliography.

Zinema egokitzapenak[aldatu | aldatu iturburu kodea]

Erreferentziak[aldatu | aldatu iturburu kodea]

  1. Lur entziklopedietatik hartua.
  2. a b (Gaztelaniaz)  Pearce, Joseph Tolkien. Hombre y mito (Tolkien: Man and Myth) Minotauro 28. orrialdea ISBN 84-450-7330-3 .
  3. a b (Gaztelaniaz)  Román, Celso J.R.R. Tolkien Señor de magias, creador de universos Panamerican editorial 49. orrialdea ISBN 958-30-1306-4 .
  4. (Ingelesez)  Garth, John Tolkien and the Great War. The Threshold of Middle-earth. Mariner Books Houghton Muffin Harcorut 105. orrialdea ISBN 978-0618574810 .
  5. (Gaztelaniaz)  Carpenter, Humphrey Los Inklings : C.S. Lewis, J.R.R. Tolkien, Charles Williams y sus amigos (The Inklings : C.S. Lewis, J.R.R. Tolkien, Charles Williams and their friends ) Homo Legens ISBN 978-84-936433-8-6 .
  6. (Ingelesez)  Lewis, C.S. Mere Christianity. London: Collins 6. orrialdea ISBN 978-0060652920. .
  7.   «NorDaNor | EIZIE» nordanor.eus http://nordanor.eus/bilatu?n=l&e_or=&e_xt=&e_st=&e_eg=Tolkien&e_it=&e_ar=&e_ge=&e_sh=&e_xh=&e_sd1=&e_sd2=&e_xd1=&e_xd2=. Noiz kontsultatua: 2018-11-13 .

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: J. R. R. Tolkien Aldatu lotura Wikidatan


Bibliografia[aldatu | aldatu iturburu kodea]