Iruñeko Udal Artxiboa

Iruñeko Udal Artxiboa
Datuak
Mota	artxiboa
Herrialdea	Espainia
Jarduera
Honen parte	Iruñeko Udala
Historia
Sorrera	1566ko martxoaren 8a
webgune ofiziala

Artxiboaren egoitza San Joan Bataiatzailearen eskola zen eraikinean dago.

Hiru giltzen kutxa. Urte askoan hor gordetzen ziren dokumentuak.

Iruñeko Udal Artxiboa da Iruñeko udalak sortzen eta jasotzen duen dokumentu-ondarea antolatzeaz, kontserbatzeaz, eskuragarri jartzeaz eta hedatzeaz arduratzen den zerbitzua, erakunde juridiko, politiko eta administratibo gisa, sortu zenetik gaur egunera arte. Arduratzen da, halaber, beste erakunde eta herritar partikular batzuek sortzen duten dokumentazioaz, bai eta udal-erakundeak bereganatutako ondare bibliografikoaz, ikus-entzunezkoaz, artistikoaz eta altzari-ondareaz, etnologikoaz eta industrialaz ere.

Historia

Udalerriak eskainitako udal-zerbitzu zaharrenetako bat da, Karlos III.a Nafarroakoak 1423an jada aurreikusi baitzuen, Burgoen Batasunaren ondoren Iruñeko hiriari antolaketa berria eman zionean, nahiz eta 1566an hasi zen. Gaur egun, 1986ko apirilaren 18tik, San Joan Bataiatzailearen apaizgaitegi zaharrak okupatzen zuen eraikinean du egoitza nagusia, Iruñeko Merkatu kalean dagoen XVIII. mendeko eraikinean.

Zerbitzuak

Zerbitzu hauek eskaintzen ditu:

• bi irakurketa-gela,
• kontsulta-gela bat,
• ikertzaileentzako liburutegi osagarri eta espezializatu bat,
• hemeroketa bat,
• fototeka bat eta
• erreprografia-sistemak (fotokopiagailua, mikrofilmen irakurgailu-erreproduzigailua eta abar).

Fondoak

Jasotako edukiak honela banatzen dira: historikoak eta administratiboak.

• Agiri historikoak
• Hemeroteka
• Fototeka
• Liburutegi osagarria

Artxibozainak

1896tik hauek izan dira:

• Mariano Arigita y Lasa (1896-1903). Arigita ere Iruñeko katedralaren eta Nafarroako Foru Aldundia artxibazaina izan zen.
• Carlos Martínez de Ubago (1903)
• Pascasio Sagredo Larraona (1905-1906)
• Leandro Olivier Insausti (1906-1946)
• Vicente Galbete Guerendiáin (1946-1973)
• Elías Martínez de Lecea (1973-1975)
• José Luis Molins Mugueta (1975-2010)
• Ana D. Hueso Pérez (2011-2023)
• Beatriz Markotegi (2023-gaur egun)

Harremanak

• Helbidea: Merkatuko kalea, 11 - 1. 31001, Iruña
• Ordutegia: astelehenetik ostiralera, 08:30etik 14:30era
• Telefonoa: 010, edo 948 420 100 (Iruñeaz kanpotik deituz gero)
• Bulegoetako telefonoa: 948420189
• Helbide elektronikoa: archivomunicipal@pamplona.es

Ikus, gainera

• Iruñeko Udala
• Nafarroako Artxibo Nagusia
• Pablo Sarasate museoa

Kanpo estekak

• [1] Artxiboaren webgune ofiziala.
• [2] Iruñeko Fototeka.
• [3] Iruñeko Hemeroteka.

• Datuak: Q116815382
• Multimedia: Archivo Municipal de Pamplona / Q116815382