Itsuki Irratia

Wikipedia, Entziklopedia askea
Itsuki Irratia
ITSUKI IRRATIA4 JPG.webp
Fitxa teknikoa
Hizkuntza euskera
Historia
Zuzendaria Ibon Etxebarria
https://itsukiirratia.wixsite.com/itsukiirratia/hasiera

Itsuki irratia Bermeon euskaraz emititzen duen irratia da. 1985. urteko ekainaren 5ean jaio zen, Bermeon Ibilaldia ospatzen ari zela. Udalarekin hitz egin ondoren eta toki bat aurkitu eta gero, lehen emisioak egiten hasi ziren, Ibon Etxebarriak zuzenduta. Hasiera bateko programazioa batik bat kulturala eta musikala izanik, gaur egun bide berdinetik jarraitzen du. Euskara hutsean igortzen den entretenimenduzko irratia da. Bermeo herriko euskalkia erabiltzen dute irratian hitz egiterako orduan. FM 105.2 frekuentziaren bidez entzun daiteke.[1]

Itsuki irratiaren hedapenari begira, bere emisioa Bizkaian entzun daiteke. Nahiz eta Bizkaia osoko hedapena izan, Bermeoko herritarrak dira Itsuki irratia gehien entzuten eta bertan parte hartzen dutenak. Urte hauetan, Itsuki Irratia hainbat lokaletatik igaro da. Lehen lokala Intxausti kalean zegoen eta Bermeoko Saltzaileen Elkarteak emandakoa zen. Lehen lokal haren azpiegitura oso txarra zenez, Udalak emandako beste lokal batean kokatu zuten gero irratia. Baina, hala ere, Askatasun Bideko lokal horretan, arazoak zirela-eta, ez zuten denbora luzea igaro, eta, hortik, Artike Bideko abere-hiltegiko bigarren solairura pasatu ziren. Baina, han ere, arazoak izan zituzten. Beraz, Udalak Teodoro Anasagasti kalean zegoen institutu zaharreko goiko solairuko gela batzuetan beharrezkoak ziren erreforma-lanak amaitu ondoren, han ezarri ziren Itsuki Irratikoak.

Programazioa[2][aldatu | aldatu iturburu kodea]

Programazioari dagokionez, astelehenetik iganderako programazioa ezberdina da. Sail ezberdinetan banatzen da irratiko programazioa. Alde batetik, astegunetako programazioa eta, bestetik, asteburuetako programazioa izanik.

Astelehenetik-Ostiralera:

  • 8:00-8:59 Zorion agurrak (dedikazioak, proposamenak, kantaren bat proposatzeko, norbaiti eskerrak emateko...)
  • 9:00-12:59 Goizeko Magazina (Tokiko informazioa, eguraldiaren iragarpenak, Agenda, Tertuliak, Elkarrizketak)
  • 13:00-13:29 Atzo gaur eta beti (Tangoak, Rantzerak, Boleroak)
  • 13:30-13:59 Egunez egun (Albistegiak)
  • 14:00-14:29 Kirolak
  • 14:30-16:59 Musiketan (70, 80, 90 eta gaur egungo musika)
  • 17:00-18:29 Magazina (Tokiko informazioa, eguraldiaren iragarpenak, Agenda, Tertuliak, Elkarrizketak)
  • 18:30-18:59 Euskal Musika
  • 19:00-19:59 Zorion agurrak (errepikapena)
  • 20:00-20:59 Kirolak (errepikapena)
  • 21:00-23:00 Musiketan

Asteburuetan:

  • 8:00-8:59 Musiketan
  • 9:00-9:59 Larunbatetan: Euskal Musika

Igandeetan: Berbetan (tertulia)

  • 10:00-12:49 Goizeko Magazina
  • 12:50-12:59 Zorion agurrak
  • 13:00-13:50 Atzo, gaur eta beti
  • 14:00-23:00 Musiketan

Negozio eredua[aldatu | aldatu iturburu kodea]

Diru-laguntzak[3] diru publikoak izatean, elkarte honetako kontuak publikoak izan behar direla mundu guztiarentzako erabaki zuen Ibon Etxebarria zuzendariak. Beraz, azken urteetako irratiaren kontuak eskuragarri daude nahi duenarentzat. Irratiaren diru sarrerak publizitatetik, Bermeoko Udaletik, Bizkaiko Foru Aldunditik eta Bazkideen ekarpenetatik eskuratzen dituzte. 2020.urtean, 2019 arekin alderatuz, diru sarrera gutxiago izan dituzte. izan ere, 2020.urtean ez dute Foru Aldunditik diru laguntzarik eskuratu. Horrez gain, gainontzekoen diru sarreren guztizko kopurua gutxitu egin da 2019ko urtearekin alderatuz.

Publizitateari dagokionez, hiru modu dituzte publizitatea sartzeko. Hiru aukera  hauetan prezioa aldatu egiten da. 15’’, 20’’ eta 25’’-ko kuñak sartu daitezke irratian.

Erreferentziak[aldatu | aldatu iturburu kodea]

  1. «itsuki irrratia» itsuki irrratia Noiz kontsultatua: 2021-05-01.
  2. (Gaztelaniaz) «Programazioa» Itsuki Irratia Noiz kontsultatua: 2021-05-01.
  3. «File PDF» dx.doi.org Noiz kontsultatua: 2021-05-01.

Kanpo estekak[aldatu | aldatu iturburu kodea]