Bermeo

Biztanleria-piramidea 2025; Guztira: 8.396 gizon, 8.720 emakume
	Iturria: Eustat / Instituto Nacional de Estadística

Bermeo
	Bizkaia, Euskal Herria
	Bermeoko portuaren ikuspegi orokorra.
Administrazioa
Estatua	Espainia
Erkidegoa	Euskal Autonomia Erkidegoa
Lurraldea	Bizkaia
Eskualdea	Busturialdea
Izen ofiziala	Bermeo
Alkatea	Nadia Nemeh Shomaly (EH Bildu)
Posta kodea	48370
INE kodea	48017
Herritarra	bermeotar
Kokapena
Koordenatuak	43°25′15″N 2°43′17″W / 43.420833333333°N 2.7213888888889°W
Azalera	34,12 km²
Garaiera	11 metro
Distantzia	33 km Bilbora
Demografia
Biztanleria	17.038 (2025: −4)
Dentsitatea	4,99 bizt/km²
Euskara
Euskaldunak	% 71.1 + % 12.5 hartzaile (2021)
Kaleko erabilera	% 29.4 (2021)
Etxeko erabilera	% 55.49 (2021)
Datu gehigarriak
Sorrera	1236. urtea
Webgunea	http://www.bermeo.org

Bermeo Bizkaiko kostaldeko udalerri bat da, Busturialdekoa, 1236an hiribildutzat sortua. 34,12 km² ditu, eta 2025. urtean 17.104 biztanle zituen.

Hiribilduak 1476tik 1602ra «Bizkaiko buru» titulua izan zuen, Bizkaiko Jaurerriko hiri nagusia zenez. Hori dela eta, hainbat pribilegio izan zituen eta Bizkaiko Batzar Nagusietan beste hiribilduen aurrean nagusitasuna zuen. Gainera, erregeak Bizkaira joaten ziren bakoitzean, Santa Eufemia elizan zin egiten zuten, Bermeoren nagusitasunaren erakusgarri.

Bermeok arrantza tradizio handia du, eta herriko ekonomia arrantzaren inguruko sektorean oinarritzen da, arrain-kontserbagintzan gehienbat.

Horrez gain, turismorako leku erakargarri ugari ditu, besteak beste Gaztelugatxeko Doniene, Ertzila dorretxea (Arrantzaleen museoa), Doniene atea, portua eta Alde Zaharra.

Herritarrak

Bermeoko herritarrari bermeotar esaten zaio (tokiko euskaran, bermiotar), baita erdara guztietan ere (gaztelaniazko antzinako bermeano, bermeana adjektiboa oso gutxi erabiltzen baita gaur egun).

Geografia

Bermeoko lurraldea Bizkaiko kostaldean kokatzen da, Urdaibaiko itsasadarreko sarreratik oso hurbil, Bizkaiko golkoan. Herriaren lur eremuak 34,12 km²-ko azalera hartzen du eta 11 metroko altuera ofizialean dago. Gainera, Bermeo Busturialdea eskualdeko bi gune nagusietako bat da.

Herri horretako lurretan daude Bizkaiko kostaldeko egitura geografiko garrantzitsuenetariko batzuk, Matxitxako lurmuturra (bertan Matxitxakoko itsasargia dago), Izaro uhartea, Aketx uhartea eta Gaztelugatxe uhartea, besteak beste. Herriak Aritzatxu eta Arriboleta hondartzak ere baditu.

Orografia

Bermeo lurralde menditsuan kokatzen da, Sollube mendiaren hegalak itsasora ematen duela. Lurra osatzen duten material gogorrek itsasalde guztian 100 metrorainoko itsalabar ugari sortu dituzte, baita itsasoan haitz sakabanatu batzuk ere, Gaztelugatxe, Aketx eta Izaro kasu. Itsasaldeak sakonune txikiak ere badauzka, Bermeoko portua hartzen duena esate baterako, baita irtenuneak ere, Matxitxako lurmuturra adibidez. Barrualdeko paisaia anitza da, aldats handiekin. Tontorrik garrantzitsuenak Sollube (696 m) eta Burgoa (452 m) dira.

Hidrografia

Itsasaldea hurbil egonik eta dauden aldats gogorren ondorioz, udalerri hau zeharkatzen duten errekek ibilbide laburra dute. Erreka aipagarrienak Akaga, Arronategi eta Etxebarria ditugu.

Herriguneak

Udalerriko herriburua Bermeoko herria bera da (itsas mailatik 25 metro gorago), hau da, portu ingurua, bertan bizi baitira biztanle gehienak (% 95).

Mugak

Hauek dira Bermeoren mugakideak:^[4]

Iparraldea: Bizkaiko golkoa
Mendebaldea: Bakio
Ekialdea: Mundaka
Hego-mendebaldea: Mungia eta Meñaka
Hegoaldea: Arrieta eta Busturia

Ipar-mendebaldea: Bizkaiko golkoa	Iparraldea: Bizkaiko golkoa	Ipar-ekialdea: Bizkaiko golkoa
Mendebaldea: Bakio		Ekialdea: Mundaka
Hego-mendebaldea Mungia eta Meñaka	Hegoaldea: Busturia eta Arrieta	Hego-ekialdea: Busturia

Mapa — Bermeo eta ondokoen arteko muga administratiboak.

Klima

Bermeo, kantauriar kostalde osoa bezala, klima ozeanikoaren eragin eremuan dago. Euria urte guztian egiten du, udaberrian eta udazkenean (azaroa eta abendua) ugariago izanik.

Tenperaturak oro har nahiko leunak izaten dira, negu ez hotzegi eta uda epelekin. Ingurunean jasotako tenperatura altuena 42 °C izan da; eta minimoa, aldiz, -8,6 °C. Urte osoko datuak hartuta, eguneko batez besteko tenperatura minimoa 9 °C inguruan ibiltzen da; eta maximoa, aldiz, 20 °C inguruan.

Datu klimatikoak (Bermeo)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	13.2	14.5	15.9	16.8	20.1	22.6	25.2	25.5	24.4	20.8	16.4	14	20.3
Batez besteko tenperatura minimoa (°C)	4.7	5.1	5.7	7.1	10.1	12.6	14.8	15.2	13.2	10.8	7.6	6	9
Pilatutako prezipitazioa (mm)	126	97	94	124	90	64	62	82	74	121	141	116	1195
Prezipitazio egunak (≥ 1 mm)	13	11	11	13	12	8	7	8	9	11	12	12	128
Eguzki orduak	86	97	128	128	160	173	188	179	157	123	93	78	1584
Hezetasuna (%)	72	70	70	71	71	72	73	74	73	73	74	73	72
Iturria: Espainiako Meteorologia Agentzia^[5]

Historia

Bermeori buruzko agiririk zaharrena Eneko Lopez Harokoa Bizkaiko lehen jaunak eta haren emazte Toda andreak Gaztelugatxeko, Bakioko eta Bermeoko etxalde batzuk San Juan de la Peña monasterioari eman zizkiotenekoa da.

Handik urte batzuetara, 1082an, berriro azaldu zen Bermeo izena, Lope Eneko, Bizkaiko bigarren jaunak eta haren emazteak, Tekla andreak, Donemiliaga Kukulako monasterioari eliza eman ziotenean, agiri hartan "Sancti Michaelis Arcangel in Portu de Vermelio" idatzi baitzuten. Agiriok Bermeoren antzinatasuna erakusten digute, baina askoz ere urrunagora joan gintezke.

Lope Diaz II.a Harokoak, Bizkaiko jaunak, eman zion Logroñoko Forua, eta hiribildu izendatu zuen; agiriak datarik ez du, baina badirudi 1236an egin zela. Alfontso Jakintsua erregeak, berriz, Orozko haraneko Untzueta gazteluaren setioan zegoela, 1277ko abuztuaren 12an, aurreko foru hori berretsi egin zuen. Geroago, 1285eko martxoaren 18an, Lope Diaz III.a Harokoak, Bizkaiko zortzigarren jaunak, zabaldu eta hobetu egin zuen foru hori. Jaun Tellok ere zabaldu zuen forua, 1366ko apirilaren 25ean eman zion pribilegioari esker.

Bizkaiko jaun batzuek, artean Gaztelako erregeak ere bazirela, Bermeoko Santa Eufemia elizan sinatu zituzten lege zaharrak edo foruak. Euren artean Fernando Errege Katolikoak, 1476ko uztailaren 31n. Horrexek eman zion Bermeori "Bizkaiko Buru" titulua, egun hartan emandako pribilegioaren bidez. Eta izen bera gorde zuen, legez eta merituz, 1602. urtera arte. Urte hartan, Bilboko eta Bizkaiko beste erakundeetako agintariek eta handikiek ezin zutenez jasan Bermeok zeukan gorentasuna, jarritako auzi luzearen ondorioz, Bizkaiko Buru izaten jarraitzeko ahalmena kendu zioten Bermeori.

Baina, Bermeok, zelanbait, beste uri eta elizateekiko lehentasuna edukitzen jarraitu zuen; izan ere, berak zeukan lehenengo botoa eta jarlekua Batzar Nagusietan. Bermeoko prokuradoreek Batzar Nagusietan berba egiten zutenean bertan zeuden guztiek txapela kentzen zuten. Gaur egun, berriz, armarrian den agure-buru bizardunak justizia osoz nabarmentzen eta iraunarazten du Bermeori ostu zioten titulua.

Bermeok garrantzia handia eduki zuen sasoi hartan, eta horren erakusgarri dira Bizkaiko jaunek eman zizkioten pribilegioak eta zerga-salbuespenak. Zoritxarrez, Bermeon izan ziren suteen ondorioz, dokumentu horiek guztiak erre egin ziren, baina, hala ere, dokumentu haien zenbaki zerrendak ondo baino hobeto dakizkigu, baita noiz eman ziren ere. Horrek erakusten du hiribildu honek prestigio handia eta jaunen aldekotasuna zeuzkala.

Bizkaiko bandokideen arteko borrokek erabat asaldatu zuten Bermeoko bizimodua XV. mendean, eta horren aurreko mendeetan jasan zituen suteen eraginez (1297, 1347, 1360 eta 1422. urteetan), lur jota geratu zen udalerria. Ondorioz, Bermeoko bizilagun kopuruak eten barik egin zuen behera. Beste alde batetik, 1300. urtean Bilbo sortu izanak ere handitu egin zuen Bermeoren gainbehera.

Geroago ere izan ziren sute gehiago, eta haietako batek oso-osorik erre zuen hiribildua. Sute horiek atsekabea eta zoritxarra ekarri zuten Bermeora, eta hiribilduaren biziraupena bera ere arriskuan jarri zuten. Jasandako guztia gorabehera, Bermeo bere garrantziari eusteko gai izan zen XVI. mendean ere, horren adibideak hauek izan daitezke: 1527ko apirilaren 7an Kofradiako ordenantzak berretsi zituela Karlos V.ak "zorragatik edo fidantzeagatik ez bada, ez bermeotarrik, ez bertako merkantziarik, ez Bermeora datorren atzerritarrik,ez beraren merkantziarik ez atxilotzeko" pribilegioa berrestea 1546ko martxoaren 10ean Madrilen, eta Paulo IV.a Aita Santuak, 1563ko buldaren bidez, San Frantzisko elizari eman zion jubileua.

Dena dela, esan behar da Bermeok, XVI. mende osoan, eta zoritxar ugari gainditu ostean, "arrantza-merkataritza" jarduera bikoiztu egin zuela eta penintsula osoko ontziteria garrantzitsuena eta handiena eduki zuela, hau da, Bilboko portuarekin zuen betiko borrokari eusteko gai izan zela. XVIII. mendearekin batera heldu zen Bermeora berpizkunde garaia, batez ere, arrantzaren garapenean oinarrituriko berpizkundea izan zen, ordura arte merkataritzarekin garatu zuena. Arrantza jarduerari ekin zion berriro ere eta, ondorioz, kaietako, kaleetako, eraikinetako, erreketako, harri-lubetako... eraikuntza jardun garrantzitsua egin zuten. Horren ondorioz, hirigintza ikaragarri garatu zen eta, horren eraginez, baita bizilagun kopurua handitu ere. Arraina gatzunetan ipintzeko lantegi asko eta asko sortu ziren, baita arrantzarekin zerikusia zeukaten industria eta ontziolak ere. Ontzioletan, era berean, erriberako arotzak eta itsasarotzak asko aritu ziren.

1872. urte inguruan, Napoleonen inbasioak eta karlistaldiek eragindako asaldurak gainditu ostean, goraldi ikaragarria izan zuen Bermeok, izan ere, arrain-harrapaketa handiei esker, ekonomiaren egoerak nabarmen egin zuen gora. Horri esker, azpiegitura- eta eraikuntza-obra garrantzitsuak egin ahal izan ziren, baita zerbitzu publikoetan ere, eta horietako asko zutunik daude gaur egun ere. Udaletxearen zaharberritzea, hiltegi zaharra eta Andra Mari eliza, esate baterako, sasoi haietakoak dira. Horri esker, Bizkaiko herririk jendetsuenetan bigarrena eta egoera ekonomiko onenekoa bihurtu zen Bermeo, Bilboren atzetik, jakina.

XX. mendean Bermeok inoiz baino kementsuago ekin zion itsasoari, aurrerapen teknologiko guztiak hartu zituen. Horri esker, loraldi garai ezin hobea bizi izan zuen, eta baxurako arrantzako abangoardian jarraitu zuen bertako flotak.Gaur egun ere alturako flota oso garrantzitsua da eta arrantza-industriarako egitura berealdikoa.

Bermeoko portu bereziak, alde zaharrak, bainurako kala txikiek, arrain fresko aukerakoarekin egindako sukaldaritzak eta negu epel eta uda ez oso beroek Bizkaiko turismo-leku trankil eta erakargarrienetakoa bihurtzen dute Bermeo, arrantzaren tradizioa sakon-sakon erroturik daukan euskal herria.

Ikus, gainera

Arrantza tradizioa

Bermeoko armarriak balea harrapatzeko unea adierazten du: sei marinelek eragindako ontzi batetik arpoia botatzen diote. Rondeletek dioenez, Bermeoko etxe asko balea‑hezurren gainean zimendatuta daude.

Herriko arrantza‑tradizioa argi eta garbi ageri da Juan Ruizek —Hitako artzapezak— Erdi Aroan idatzitako Libro del Buen Amor liburuan (1343). Izan ere, oturuntza baten berri ematean, egileak honela dio:

«

arenques et besugos vinieron de Bermeo

[Itzulpena: «sardinzarrak eta bisiguak, Bermeotik ekarriak»]

»

Antzinako garai haietan arrantzaleen, sardina-saltzaileen eta errekardarien San Pedro Kofradia sortu zuten. Kofradia horrek eragin handia izan zuen Bermeoko gizartean, eta herrian bazuten denetik: botikaria, kanpai‑jotzailea, zirujaua, talaiaria, portuko garbitzaileak eta zaintzaileak, eguraldia adierazten zutenak, laino itsutan itsasertza adierazten zutenak, saltzaileak, idazkaria, kontulariak eta kontu‑salataria.

Urtero, San Martin egunean, azaroaren 10ean, kofradiako kideei emaitza ekonomikoak jakinarazteko Santa Marina ermitan batzar irekia egiten zuten. Halaber, araudi berriak onesten zituzten, egoki irudituz gero. Batzuetan araudi horiek oso zorrotzak ziren:

«

que ningún cofrade ni vecino de Bermeo ni de los que de fuera llegasen a pescar, saliesen a la pesca y sardineo en las fiestas é días santos bajo la pena de 200 maravedís y pérdida de lo pescado

[Itzulpena: «kofradiako kiderik, bermeotarrik, eta kanpotik arrantzara etorritakorik ez dadila arrantzara edo arrainak saltzera irten jaiegunetan eta egun santuetan, 200 marabediko zigorra eta harrapatutakoa galtzea ezarriko baitzaio»]

»

Karguak urtebeterako hautatzen zituzten, honelako irizpideak oinarri hartuta:

«

se eligiesen personas mareantes experimentadas e sabidas en el arte de navegar y pescar que por ellos sean avisados de los semblantes e tiempo e de los peligros y tempestades e fuera de mar para que les fagan saber e avisar

[Itzulpena: «itsasoan nabigatzen eta arrantzan eskarmentua duten pertsonak hautatzea, itsasoko eguraldiaren, arriskuen eta ekaitzen berri emateko»]

»

Irizpide horiek talaiariak izendatzeko aintzat hartzen zituzten.

Errege-erregina Katolikoen garaian, Bermeoko portua Bizkaiko itsasertzeko ahaltsuena omen zen, eta garai hartakoak dira lehenengo moilak. Herriko ontzioletan uretaratutako ontziek portua dragatu behar zuten: sei batel harea atera behar zuten, hain zuzen.

1864an Bermeoko ontzidiak 56 txalupa handi, 39 txalupa txiki, 16 batel handi eta 10 batel txiki zituen. Legatza eta bisigua arrantzatzeko inguruko kala hauetara joan ohi ziren: Kalaberri (Izaroko paraleloan), Rekodo eta Santa Kruz (portutik 9 miliatara) eta Kupide Banku (Matxitxako paraleloan).

Bermeok ez du erraz ahaztuko 1878ko galerna, Kantauri itsasoko 300 arrantzaleren bizitza eten zuena. Ezbehar berriak saihesteko, marinelen kofradiaren estatutuetan agindu zuten neguan itsas zabaleko arrantzan arituko ziren ontziek 42 oin luze eta 8,5 oin zabal izan behar zutela gutxienez, eta ontzi txikiagoak ezin zirela Matxitxako lurmuturretik harantzago joan (alegia, Bizkaiko mapan Iparraldeko muturrean agertzen den puntu horretatik aurrera ezin zutela egin).

Gutxik obeditu zituzten ordenantzak, antza, aurrerapen teknikoek segurtasun handia ematen zutelakoan. 1912ko abuztuaren 13an, ordea, itsasoak Bermeoko 200 arrantzale eraman zituen. 1902an Bermeoko ontzidiak lehen lurrun‑itsasontzia eskuratu zuen. Donostian erosi zuten ontzia eta Lenbizikoa izena jarri zioten.

Gaur egun, ia galdu da Bermeoren gailentasun hura, XVI. mendean Pedro Texeirak Biscaya liburuan honela azaltzen zuena:

«

En toda la costa deste Señorío de Biscaia no hay lugar que represente grandeza y autoridad como la Villa de Bermeo, mostrando en su cerca mucha antigüedad. Es toda murada, de altos y fuertes muros guarnecidos con sus torres y almenas.

[Itzulpena: «Bizkaiko Jaurerri honen kostalde guztian ez dago lekurik, Bermeok adinako handitasuna eta agintea adierazten duenik, eta inguruan duen hesia oso antzinakoa da. Harresia du buelta guztian: orma garai eta sendoak, dorreez eta almenez hornituak.»]

»

Barruti antolakuntza

Jatorriz Bermeo gaur eguneko alde zaharra zen, baina urteak aurrera joan ahala hiria zabalduz joan da alde garaietara. Prozesu hori 1980ko hamarkadan eta 1990eko hamarkadan gauzatu da nagusiki.

Herrigunean hainbat auzo daude.

Herriguneko Zonaldeak

Alde Zaharra
Erribera
San Andres
San Martin
Tala
Kurtzio
San Migel
"Baratz-Eder" Urbanizazioa (Etxebizitza gunea)
Bastarre
Torrontero
Portu Zaharra
Lamera
Erreten

Landa auzoak

Hiria 10 landa-auzotan dago banatuta, eta horietako gehienek alkate propioa dute.

Auzoak	Garaiera (m)	Biztanleria (2007)
Arana	122 m	N/D
Artika	26 m	127
Agirre	109 m	78
San Andres	155 m	33
Almika	111 m	79
Arranotegi	340 m	19
San Migel	135 m	76
Demiku	112 m	53
Mañu	330 m	91
San Pelaio	262 m	280

Ekonomia

Bermeo Erdi Aroan hasi zen portu gisa garrantzia hartzen, eta geroztik herriko ekonomia arrantzaren inguruko jardueran oinarritu izan da nagusiki: portua izan da herriko diru-iturri nagusia. Bermeok itsas zabaleko arrantzako ontziteria nabarmena du, eta itsasbazterreko arrantzarako Euskal Herriko ontziteria handiena. San Pedro arrantzaleen kofradia Bizkaian dauden garrantzitsuenetarikoa da, eta jarduera eta arrain-salmenta handiak ditu.

Gaur egun, Eusko Jaurlaritzak egindako inbertsioei esker, bere merkataritza izaera berreskuratu du. Merkataritza kaiak ditu eta 2006tik aurrera, kirol-portua ere badu.

Horrez gain, arrain kontserbagintzan diharduten zenbait enpresa daude: Zallo, Serrats eta Salica dira garrantzitsuenak. Baina industria ez da arrain kontserbagintzan soilik oinarritzen, badaude arrantza sektoreari lotuta diesel motorrak eta ontzientzako gailuak zein energia sortzeko lurreko egiturak egiten dituzten enpresak ere, Wartsila Ibérica esate baterako, zeinen penintsulako egoitza nagusia Bermeon dagoen.

Portuan ez da soilik arrainarekin lan egiten, industria alde bat ere badago, han lehengaiak biltzen dira. Kai horretan ontzien kontsignazio enpresak daude, biltegi handiekin batera.Herrian,berriz, zenbait egur lantegi ere badaude.

Bestalde, DenokInn berrikuntza, ekimena eta negozio berriak garatzeko euskal zentroa aritzen da, berrikuntzaren euskal sistemaren parte dena. Erantzun berritzaile eta aktiboa sustatzen du. Ideiak eta teknologia berriak negozio berri bihurtzea du helburu, hau da, ezagutza merkatura egokitzea.

Beste instalazio aipagarri bat Gaviota gas-plataforma da, Repsol enpresarena eta gaur egun, Enagas enpresak kudeatzen duena. Plataforma horrek, 1986tik 1994ra arte, hamar milioi metro kubo gas natural atera zituen itsaspeko lurretatik. 1995etik aurrera, baina, gas biltegitzat darabilte. Gas biltegi erraldoi hori 106 metroko itsaso geruzaren azpian dago, kareharrizko ingurune batean, 2.100 - 2.700 metro bitarteko sakoneran. Udan gasa sartzen dute, eta neguan kontsumorako ateratzen dute.^[6]

Jarduera ekonomikoa

2012an Bermeoko langabezi tasa %14,44koa zen. ^{[Betiko hautsitako esteka]}

Lehen sektorea

Nekazaritza

2020ko Nekazaritza Erroldaren arabera, udalerrian 65 nekazaritza-ustiategi zeuden, eta guztira 406 hektarea nekazaritzako azalera erabilgarri (NAE) lantzen zuten^[7]^{[oh 1]}. Udalerriaren azalera 34,1 km² denez, NAE lurraldearen % 11,9 da^[8]. Lur-erabileraren arabera, NAEren % 93,3 larre iraunkorrak (379 ha, 62 ustiategitan), % 3,5 lur goldagarria (14,4 ha, 43 ustiategitan), % 2,3 arbolak (9,4 ha, 28 ustiategitan), % 0,7 berotegiak edo babes garai irisgarriak (2,9 ha, 11 ustiategitan) eta % 0,2 norberaren kontsumorako baratzeak (0,8 ha, 30 ustiategitan)^{[oh 2]}.

Nekazaritzako azalera erabilgarria (NAE)

NAE udalerriaren azaleran

12%

88%

NAE · 406 ha (% 11,9)Gainerako azalera · 3.006 ha (% 88,1)

NAE, lur-erabileraren arabera

93%

Lur goldagarria · 14,4 ha (% 3,5)Larre iraunkorrak · 379 ha (% 93,3)Arbolak · 9,4 ha (% 2,3)Baratzeak · 0,8 ha (% 0,2)Berotegiak · 2,9 ha (% 0,7)

Iturria: INE, Nekazaritza Errolda 2020; udalerriaren azalera: Wikidata.

Abeltzaintza

2020ko Nekazaritza Erroldaren arabera, udalerriko abeltzaintza-ustiategietan 432 behi, 1.663 ardi, 115 ahuntz, 6 txerri, 94 zaldi, 179 hegazti, 1 untxi eme eta 160 erlauntz zeuden^[9]^[10].

Ibilgailu-parkea

Trafikoko Zuzendaritza Nagusiaren (DGT) 2025eko datuen arabera, udalerrian 9.148 gidari zeuden erroldatuta: 5.303 gizon (% 58) eta 3.845 emakume (% 42)^[11]. Biztanleen % 53,4 gidatzeko gai zen.

Ibilgailu-parkea 9.709 ibilgailuk osatzen zuten: 7.103 turismo, 1.026 motozikleta, 521 kamioi, 512 furgoneta eta 235 ziklomotor^[11]. Motorizazio-tasa 1.000 biztanleko 415 turismokoa zen, probintziako batez bestekoaren (451) azpitik.

Turismoen batez besteko adina 13 urtekoa zen; turismoen % 8,9k 4 urte baino gutxiago zituen, eta % 9,4k 25 urte baino gehiago^[11]. Erregaiari dagokionez, ibilgailuen % 55,5 diesel zen eta % 43,1 gasolinazko; 74 ibilgailu elektrifikatu zeuden (% 0,8; probintzian % 1,2). Ingurumen-bereizgarriari dagokionez, ibilgailuen % 6k zuen 0 edo ECO etiketa, eta % 24,9k ez zuen etiketarik^{[oh 3]}.

Ibilgailu-parkea (2025)

Ingurumen-etiketa

38%

31%

25%

0 etiketa · 138 (% 1,4)ECO · 442 (% 4,6)C etiketa · 3.647 (% 37,8)B etiketa · 3.027 (% 31,4)Etiketarik gabe · 2.399 (% 24,9)

Turismoak, adinaren arabera

9%

17%

26%

39%

9%

< 4 urte · 634 (% 8,9)4–8 urte · 1.203 (% 16,9)8–15 urte · 1.813 (% 25,5)15–25 urte · 2.788 (% 39,3)≥ 25 urte · 665 (% 9,4)

Iturria: DGT, «Datos municipales general» (2025).

Biztanle aktiboen % 31k dihardute sektore honetan. Bermeo Bizkaiko lehen arrantza portua da, eta bigarrena, arrain kantitateari dagokionez. Arrantza sektorearen garrantzia nabarmena da, horretan diharduten 750 arrantzalek gobernatutako 80 ontzi daude. Nekazaritza sektoreari dagokionez, lurralde maldatsua izanik, laborantza lurrek azaleraren % 4,9 soilik hartzen dute (141 Ha). Zelaiek eta larreek, berriz, azaleraren % 34,8 hartzen dute (1.003 Ha), horrek abelburu ugari bazkatzen ditu (1.079 abelburu). Eremu nabarmenena Sollube mendiko maldetan dagoen baso-azalerak hartzen du: 1.494 Ha (% 51,9).

Bigarren sektorea

Industriak eta eraikuntzak biztanleria aktiboaren % 31 hartzen dute. Industria arrantza-sektoreari estuki lotua dago. Arrain kontserbek eta eratorritako produktuek ematen diete lana langile gehienei. Elikagai industria horiez gain, ontziola txikiek, egur lantegiek, motore eta ontzi gaietarako lantegiek eta gas plataformak ere lanpostu asko eskaintzen dute. Landabaso industriagunea herriaren mendebaldeko aldean kokatuta dago eta bi fase bereizten dira bere baitan, A Fasea eta B Fasea.

Hirugarren sektorea

Zerbitzuek biztanleria aktiboaren % 38 hartzen dute. Bermeok Bizkaiko edozein udalerrik dituen zerbitzuak ditu, baina barnealdeko udalerrietatik aldenduta egoteak beste herriengan eragitea galarazi dio, eta, batzuetan, beste herri batzuen eragina izaten du. Aipatzekoa da, hala ere, arrantzaleen eta ontzi-jabeen arrantzaren inguruko espezializazioa eta herriak dituen finantza entitate, gestoretza eta aseguru zerbitzuak.

Portua

Artikulu nagusia: «Bermeoko portua»

Artikulu nagusia: «Bermeoko kirol-portua»

Bermeok portu modura garrantzia Erdi Aroan hartu zuen. Garai hartan, arrantza eta komertzioa ziren protagonista. Portua Euskal Autonomi Erkidegoan garrantzitsuenetarikoa da, baxurako arrantza portu nagusia ere badela.

Gaur egun, Eusko Jaurlaritzak egindako inbertsioei esker, merkantzia jarduera berreskuratu du. Gainera, 2006. urtetik kirol-portua ere badu. Aipatzekoak dira merkataritza eta industria kaiak.

Datuak

Portuko sarrera:

Zabalera: 90 metro
Sakonera: 6 metro
Norabidea: Ekialde-ipar-ekialde

XIXILI KAIA

Kaia: 140 metro
Ur sakonera: 6 metro
Kaiaren azalera: 3.100 m²

ERROXAPE KAIA

Kaia: 520 metro
Ur sakonera: 6 metro
Kaiaren azalera: 60.000 m²
Estalitako biltegiak: 12.000 m²

Zerbitzuak

Ontziolak
Portu-trenbidea
Ainguralekuak.
Garabiak (12 tonakoak)
Konpontze tailerrak, aroztegiak
Ur hornitzaileak.
Erregai hornitzaileak: gasolioa
Elektrizitate hornitzaileak
Baskulak: 3 (40 eta 60 tonakoak)
Erabilitako olio bilketa

PORTUKO BULEGOA: Matxikorta kaia.
ITSAS KAPITAINTZA: Erroxape kaia.
BERMEOKO LEBAZALIEK y MENDIETA U.T.E: Fraile leku kalea 1.
ITSASOKO ETXEA (Itsasoko Gizarte Institutua): Arrantzaleen kofradia kalea 1.
Gurutze Gorria (ITSAS SALBAMENDUA): Matxikorta kaia.
BERMEOKO HERRI BABESA: Atalde kalea z/g

Horrez gain, portuan "San Pedro" arrantzaleen kofradia, izotz fabrikak, izozte fabrikak eta arrain haztegiak daude, besteak beste.

Diru-sarrerak

2023. urtean, biztanle bakoitzeko batez besteko errenta garbia 17.332 euro-koa zen^[12], eta etxegune bakoitzeko 40.225 euro-koa. Balio hori probintziako batez bestekoaren (18.738 euro) azpitik dago, eta Espainiako batez bestekoaren (15.036 euro) gainetik. Kontsumo-unitateko errentaren mediana (etxeguneen tamaina eta osaera kontuan hartzen dituen neurria) 22.050 euro zen. Errenta gordina 20.465 euro-koa izan zen pertsonako.

Eustaten datuen arabera, 2023. urtean udalerriko 18 urteko eta gehiagoko biztanleen errenta pertsonalaren mediana —biztanleen erdiek baino gutxiago eta beste erdiek baino gehiago jasotzen duten zenbatekoa— 18.520 eurokoa zen^[13]^{[oh 4]}: gizonena 22.558 eurokoa eta emakumeena 15.532 eurokoa; hau da, emakumeena gizonena baino % 31,1 txikiagoa. Bizkaia osoan, mediana 20.672 eurokoa zen. Familia-errentari dagokionez, udalerriko familien erdiek 37.127 euro baino gutxiago jaso zuten urtean; familien % 10ek 11.160 euro baino gutxiago jaso zuten, eta beste % 10ek 86.548 euro baino gehiago^[14].

Errenta-pertzentilak, sexuaren arabera

Errenta pertsonala (2023)

Bizkaiko mapa

◄ gizonakPemakumeak ►

6.007

P20

1.700

10.563

P25

5.113

13.375

P30

8.243

17.913

P40

11.981

22.558

P50

15.532

27.616

P60

19.346

34.174

P70

24.392

37.966

P75

27.749

42.016

P80

32.090

50.440

P90

42.464

63.984

P95

50.040

138.507

P99

83.982

18 urteko eta gehiagoko pertsonak, sexuaren arabera.

Familia-errenta (2023)

Bizkaiko mapa

◄ gizonakPemakumeak ►

13.527

P10

9.570

21.693

P20

13.830

25.229

P25

15.760

28.267

P30

17.986

34.933

P40

23.221

41.824

P50

29.793

47.978

P60

37.829

57.152

P70

46.462

63.140

P75

51.673

71.119

P80

58.766

91.350

P90

80.214

115.201

P95

99.303

232.852

P99

164.872

Familiak, diru-sarrera nagusien hartzailearen sexuaren arabera.

Errenkada bakoitzeko balioa muga bat da: adibidez, P20 errenkadan, pertsonen edo familien % 20k zenbateko hori baino gutxiago jaso zuten; P50 mediana da. Bi grafikoek eskala bera dute. Iturria: Eustat.

Diru-sarrera guztien artean % 56,5 soldatak dira^[15].

Desberdintasuna

Errentaren banaketaren desberdintasuna neurtzeko Gini indizea erabiltzen da^[16]^{[oh 5]}. Udalerrian indizea 30,2 da, probintziakoaren (29,6; Bizkaiko mapa) gainetik eta Espainiakoaren (32,1) azpitik. P80/P20 zatidurak, hau da errenta-banaketaren 80. eta 20. pertzentilen arteko zatidura, 2,6 da, probintziakoaren (2,5; Bizkaiko mapa) gainetik eta Espainiakoaren (2,8) azpitik.

Eustatek beste adierazle bat ematen du^{[oh 4]}: diru-sarrera txikienak dituzten familien % 20ren batez besteko errenta, handienak dituztenen % 20renaren ehuneko gisa adierazita; zenbat eta handiagoa izan, orduan eta berdinagoa da banaketa. 2023. urtean, udalerrian lehenengoek 9.382 euro jaso zuten batez beste, eta bigarrenek 106.205 euro; hau da, lehenengoen errenta bigarrenen % 8,8 zen^[17] (Bizkaia osoan, % 9,4; udalerriko banaketa desberdinagoa da). Pertsonen errentari dagokionez, diru-sarrera txikienak dituzten biztanleen erdiak batez beste 7.410 euro jaso zuen, eta handienak dituzten erdiak 39.585 euro; lehenengoen errenta bigarrenen % 18,7 zen^[18] (Bizkaia osoan, % 18,1).

Errentaren bilakaera

Errenta pertsonala

20. pertzentila, mediana eta 80. pertzentila.

Familia-errenta

20. pertzentila, mediana eta 80. pertzentila.

Iturria: Eustat.

Jarduera ekonomikoa

INEren 2024ko Biztanleria eta Etxebizitza Zentsuaren arabera, Bermeo udalerrian biztanleria aktiboa (okupatuak eta langabeak) 7.356 pertsona ziren, hau da, 16 urte edo gehiagoko biztanleriaren % 49,8; gainerako % 50,2 inaktibo zeuden (erretiratuak % 54,9, beste inaktiboak % 31,3 eta ikasleak % 13,8).^[19] Aktiboen artean, langabezia-tasa % 11,1 zen. Sexuaren arabera, gizonezkoen jarduera-tasa % 50,1 zen eta emakumezkoena % 49,6; langabezia-tasa, aldiz, % 9,9 eta % 12,3 zen, hurrenez hurren.^[19]

Okupatuen kopurua 6.323 zen 2023ean, 2021eko 6.153etik gora.^[20] Emakumeek okupatuen % 50,1 osatzen dute, eta gizonek % 49,9.

6.323okupatu, 2023+% 2,8 2021etik

% 50,1emakumeak okupatuen artean

% 49,8jarduera-tasa, 2024

% 11,1langabezia-tasa, 2024

16 urte edo gehiagoko biztanleria jarduerarekiko loturaren arabera (2024)

% 44,3

% 27,5

% 15,7

Okupatuak · % 44,3Langabeak · % 5,5Ikasleak · % 6,9Erretiratuak · % 27,5Beste inaktiboak · % 15,7

16 urte edo gehiagoko biztanleria jardueraren eta sexuaren arabera, Bermeo, 2024
Egoera	Guztira	%	Gizonak	%	Emakumeak	%
Okupatuak	6.539	% 44,3	3.253	% 45,2	3.286	% 43,5
Langabeak	817	% 5,5	356	% 4,9	461	% 6,1
Inaktiboak	7.407	% 50,2	3.592	% 49,9	3.815	% 50,4
Guztira	14.763	% 100,0	7.201	% 100,0	7.562	% 100,0

Jarduera-sektoreak

Jarduera-sektoreei dagokienez, okupatuak honela banatzen dira: zerbitzuak (% 71,6), industria (% 15,9), eraikuntza (% 6,9) eta nekazaritza, abeltzaintza eta arrantza (% 5,6).^[20] Xeheago, jarduera-adarrik handiena manufaktura-industria da (% 15,0), ondoren osasuna eta gizarte-zerbitzuak (% 12,3) eta merkataritza (% 11,6) datoz.

Okupatuak jarduera-sektorearen arabera (2023)

Bizkaiko mapa

% 15,9

% 71,6

Nekazaritza, abeltzaintza eta arrantza · % 5,6Industria · % 15,9Eraikuntza · % 6,9Zerbitzuak · % 71,6

Jarduera-adar zehatzak

Manufaktura-industria

% 15,0

Osasuna eta gizarte-zerbitzuak

% 12,3

Merkataritza

% 11,6

Hezkuntza

% 9,7

Administrazio publikoa

% 7,2

Eraikuntza

% 6,9

Ostalaritza

% 6,9

Nekazaritza, abeltzaintza eta arrantza

% 5,6

Gainerako 13 jarduera-adarrak

Administrazio-jarduera lagungarriak

% 5,0

Jarduera profesionalak

% 4,5

Garraioa eta biltegiratzea

% 3,7

Beste zerbitzu batzuk

% 3,1

Informazioa eta komunikazioak

% 2,2

Etxeetako jarduerak

% 2,2

Finantza- eta aseguru-jarduerak

% 1,5

Jarduera artistikoak eta aisialdikoak

% 1,5

Erauzketa-industriak

% 0,4

Ur-hornidura eta hondakinak

% 0,3

Energia elektrikoa eta gasa

% 0,2

Higiezinen jarduerak

% 0,2

Lurraldez kanpoko erakundeak

% 0,0

Okupazioa eta lan-egoera

Okupazio-mailari dagokionez, langile kualifikatuak eta maila baxuko ofizialak dira talderik ugariena, okupatuen % 50,8; ondoren, zuzendariak eta goi eta erdi mailako teknikariak daude (% 32,8), eta oinarrizko okupazioak % 12,4.^[21] Bi sexuetan langile kualifikatuak dira nagusi (gizonen % 53,2 eta emakumeen % 48,3).

% 32,8

% 50,8

% 12,4

Zuzendariak eta goi eta erdi mailako teknikariak · % 32,8Langile kualifikatuak eta maila baxuko ofizialak · % 50,8Oinarrizko okupazioak · % 12,4Ez dago jasota · % 4,1

Okupatuak okupazioaren eta sexuaren arabera, Bermeo, 2023
Okupazioa	Guztira	%	Gizonak	%	Emakumeak	%
Zuzendariak eta goi eta erdi mailako teknikariak	2.072	% 32,8	966	% 30,6	1.106	% 34,9
Langile kualifikatuak eta maila baxuko ofizialak	3.210	% 50,8	1.681	% 53,2	1.529	% 48,3
Oinarrizko okupazioak	782	% 12,4	359	% 11,4	423	% 13,4
Ez dago jasota	259	% 4,1	152	% 4,8	107	% 3,4
Guztira	6.323	% 100,0	3.158	% 100,0	3.165	% 100,0

Okupatuen % 83,1 besteren konturako langileak dira, eta % 16,9 norberaren konturakoak.^[22]

% 14,0

% 63,1

% 20,0

Norberaren kontura, langileak dituena · % 2,8Norberaren kontura, langilerik gabe · % 14,0Besteren kontura, finkoa/mugagabea · % 63,1Besteren kontura, aldi baterakoa · % 20,0

Okupatuak lan-egoeraren eta sexuaren arabera, Bermeo, 2023
Lan-egoera	Guztira	%	Gizonak	%	Emakumeak	%
Norberaren kontura	1.066	% 16,9	606	% 19,2	460	% 14,5
Besteren kontura	5.257	% 83,1	2.552	% 80,8	2.705	% 85,5
Guztira	6.323	% 100,0	3.158	% 100,0	3.165	% 100,0

Jaiolekuaren arabera

Jarduera

16 urte edo gehiagokoen % 86,9 estatuan jaio zen, eta % 13,1 atzerrian.^[19] Jarduera-egoerak alde nabarmenak ditu jatorriaren arabera. Estatuan jaiotako gizonen artean, % 44,9 okupatuak dira, % 35,6 erretiratuak, % 7,6 bestelako inaktiboak, % 7,4 ikasleak eta % 4,5 langabeak; atzerrian jaiotakoen artean, berriz, % 42,3 okupatuak dira, % 32,8 bestelako inaktiboak, % 11,3 langabeak, % 7,6 ikasleak eta % 6,0 erretiratuak. Emakumeen kasuan, estatuan jaiotakoen artean % 43,2 okupatuak dira, % 25,8 erretiratuak, % 19,2 bestelako inaktiboak, % 6,7 ikasleak eta % 5,1 langabeak; atzerrian jaiotakoen artean, berriz, % 37,3 bestelako inaktiboak dira, % 36,1 okupatuak, % 14,0 langabeak, % 9,3 ikasleak eta % 3,4 erretiratuak.

Gizonak

Estatua

Atzerria

% 44,9

Okupatuak

% 42,3

% 4,5

Langabeak

% 11,3

% 7,4

Ikasleak

% 7,6

% 35,6

Erretiratuak

% 6,0

% 7,6

Beste inakt.

% 32,8

Emakumeak

Estatua

Atzerria

% 43,2

Okupatuak

% 36,1

% 5,1

Langabeak

% 14,0

% 6,7

Ikasleak

% 9,3

% 25,8

Erretiratuak

% 3,4

% 19,2

Beste inakt.

% 37,3

Ehuneko bakoitza jatorri-taldearen barnekoa da.

Okupazioa

Okupatuen % 88,2 estatuan jaio zen, eta % 11,8 atzerrian.^[21] Okupazio-egiturak alde nabarmenak ditu jatorriaren arabera. Estatuan jaiotako gizonen artean, % 51,7 langile kualifikatu edo maila baxuko ofizial dira, % 33,6 zuzendari edo goi eta erdi mailako teknikari eta % 9,9 oinarrizko okupazioetakoak; atzerrian jaiotakoen artean, berriz, % 64,0 langile kualifikatu edo maila baxuko ofizial dira, % 21,6 oinarrizko okupazioetakoak eta % 9,6 zuzendari edo goi eta erdi mailako teknikari. Emakumeen kasuan, estatuan jaiotakoen artean % 47,8 langile kualifikatu edo maila baxuko ofizial dira, % 37,9 zuzendari edo goi eta erdi mailako teknikari eta % 10,8 oinarrizko okupazioetakoak; atzerrian jaiotakoen artean, berriz, % 52,1 langile kualifikatu edo maila baxuko ofizial dira, % 34,0 oinarrizko okupazioetakoak eta % 11,0 zuzendari edo goi eta erdi mailako teknikari.

Gizonak

Estatua

Atzerria

% 33,6

Goi eta erdi maila

% 9,6

% 51,7

Langile kualifikatuak

% 64,0

% 9,9

Oinarrizko okup.

% 21,6

% 4,8

Ez dago jasota

% 4,8

Emakumeak

Estatua

Atzerria

% 37,9

Goi eta erdi maila

% 11,0

% 47,8

Langile kualifikatuak

% 52,1

% 10,8

Oinarrizko okup.

% 34,0

% 3,4

Ez dago jasota

% 2,8

Ehuneko bakoitza jatorri-taldearen barnekoa da.

Jarduera-sektoreak

Jarduera-egituran badira aldeak jatorriaren arabera.^[23] Estatuan jaiotako gizonen artean, % 55,9 zerbitzuetan ari dira, % 23,6 industrian, % 11,4 eraikuntzan eta % 9,2 nekazaritzan; atzerrian jaiotakoen artean, berriz, % 50,0 zerbitzuetan ari dira, % 23,1 eraikuntzan, % 14,2 industrian eta % 12,7 nekazaritzan. Emakumeen kasuan, estatuan jaiotakoen artean % 87,6 zerbitzuetan ari dira, % 9,7 industrian; atzerrian jaiotakoen artean, berriz, % 91,5 zerbitzuetan ari dira, % 6,8 industrian.

Gizonak

Estatua

Atzerria

% 9,2

Nekazaritza

% 12,7

% 23,6

Industria

% 14,2

% 11,4

Eraikuntza

% 23,1

% 55,9

Zerbitzuak

% 50,0

Emakumeak

Estatua

Atzerria

% 1,7

Nekazaritza

% 0,3

% 9,7

Industria

% 6,8

% 1,0

Eraikuntza

% 1,4

% 87,6

Zerbitzuak

% 91,5

Ehuneko bakoitza jatorri-taldearen barnekoa da.

Demografia

Demografian sakondu:
Bizkaiko mapa interaktiboak

1960ko hamarkadako industrializazioaren ondorioz, biztanleria handitu egin zen, nahiz eta aldaketa ez izan Bizkaiko beste herri batzuetan bezain handia. 1980ko hamarkadako krisialdi ekonomikoak biztanleriaren gutxitzea eragin zuen. 2000. urtetik aurrera populazioa egonkortu egin da.

Biztanleriaren bilakaera

Oharra: grafiko hau Wikidatan jasotako datuetatik egin da, automatikoki. Daturen bat aldatu edo eguneratu behar izanez gero, egizu Wikidatan bertan.

Hazkunde begetatiboa

Urtea	1975	1976	1977	1978	1979	1980	1981	1982	1983	1984	1985	1986	1987	1988	1989	1990	1991	1992	1993	1994	1995	1996	1997	1998	1999	2000	2001	2002	2003	2004	2005	2006	2007	2008	2009	2010	2011	2012	2013	2014	2015	2016	2017	2018	2019	2020	2021	2022	2023	2024	2025
Hazkunde begetatiboa	125	130	138	119	76	85	44	18	65	−11	2	0	−22	−58	−45	−24	−40	−59	−59	−74	−64	−111	−74	−94	−37	−55	−42	−36	−34	−18	−41	−65	−39	−15	−10	−49	−55	−45	−17	−17	−25	−67	−57	−81	−78	−78	−103	−119	−90	−103	−113

Honakoa hazkunde begetatiboa erakusten duen grafiko bat da, hau da, urte batean jaiotakoei hildakoak kentzearen emaitza. Datuak Eustat erakundeak eskaintzen ditu^[25] eta Wikimedia Commonsen daude eskuragarri. Aldaketaren bat egin behar bada, bertan egin beharko da.

Bizirik jaiotakoak sexuaren arabera

Urtea	1996	1997	1998	1999	2000	2001	2002	2003	2004	2005	2006	2007	2008	2009	2010	2011	2012	2013	2014	2015	2016	2017	2018	2019	2020	2021	2022	2023	2024	2025
Bizirik jaiotakoak	101	112	111	145	135	142	150	165	164	156	127	154	168	158	149	151	146	141	164	169	155	126	124	111	122	99	99	93	89	83

Honakoa bertan erroldatutako amaren batetik bizirik jaiotako haurrak erakusten duen grafiko bat da. Datuak Eustat erakundeak eskaintzen ditu^[26] eta Wikimedia Commonsen daude eskuragarri. Aldaketaren bat egin behar bada, bertan egin beharko da.

Jatorria

Jaiolekuari dagokionez, 2025. urtean biztanleen % 54,5 udalerri berean jaioak ziren^[27], probintziako batez bestekoaren (% 37,6) gainetik. Beste erkidego batzuetan jaiotakoak (Nafarroa barne) % 7,7 dira, eta espainiar estatutik kanpo jaiotakoak % 14,5 —probintzian % 13,9—.

Biztanleria jaiolekuaren arabera

Bizkaiko mapa

Udal

Prob

Esta

Udalerri berean · % 54,5Probintzia berean · % 22,2Erkidegoan · % 1,2Beste erkidegoa · % 7,7Estatutik kanpo · % 14,5

Jaiolekua bizilekuarekin alderatuta (2025). Iturria: INE.

Euskal Autonomia Erkidegoko probintziei dagokienez, biztanleen % 76,6 Bizkaian, % 1 Gipuzkoan, eta % 0,2 Araban jaio ziren^[28].

Jaioterria, lurralde historikoka

Bizk

EAEt

Bizkaia · % 76,6Gipuzkoa · % 1Araba · % 0,2EAEtik kanpo · % 22,2

Biztanleria jaiolekuko probintziaren arabera (2025). Iturria: Eustat.

Biztanleria atzerritarra

2025. urtean, biztanleen % 11,8k atzerriko nazionalitatea zuen^[29]. Atzerritarren artean, talde nagusiak Hego Amerika (% 32,6), Ekialdeko Europa (% 26,1), Saharaz hegoaldeko Afrika (% 12,8) ziren.

Jaiotza herrialde nagusiak Errumania, Kolonbia, Senegal dira.^[30]

Atzerrian jaiotakoak, eskualdeka

Amer

Euro

Afri

Amerika · % 54,2Europa · % 21,6Afrika · % 21,2Asia · % 2,8Ozeania · % 0,2

Espainiar estatutik kanpo jaiotakoak, eskualdeka (2025). Iturria: INE.

Jaiolekuko herrialde nagusiak, sexuaren arabera

◄ gizonezkoakjaioterriaemakumezkoak ►

183

Errumania

197

125

Kolonbia

193

189

Senegal

50

88

Argentina

86

112

Maroko

62

80

Peru

77

50

Nikaragua

106

56

Bolivia

87

67

Venezuela

66

12

Paraguai

44

32

Aljeria

23

12

Honduras

38

13

Brasil

33

30

Pakistan

4

17

Portugal

11

13

Ekuador

14

9

Ukraina

16

9

Errusia

15

7

Frantzia

11

7

Kuba

11

5

Txina

13

7

Dominikar Errepublika

6

5

Ameriketako Estatu Batuak

6

Erresuma Batua

4

6

Italia

4

Nigeria

6

1

Mexiko

7

5

Txile

3

1

Belgika

5

2

Ginea Ekuatoriala

4

3

Kanada

3

1

4

1

4

1

4

Gambia

0

2

India

2

1

2

1

1

1

0

Bulgaria

1

0

Filipinak

1

0

1

0

1

0

1

Jaiolekuko herrialde nagusiak, sexuaren arabera (2025). Iturria: INE.

Etxebizitza

Eustaten 2024ko Biztanleriaren eta Etxebizitzen Erroldaren arabera, udalerrian 9.293 etxebizitza zeuden: 7.416 (% 79,8) nagusiak eta 1.871 (% 20,1) gainerakoak (bigarren egoitzak edo hutsik).^[31] 2021eko Zentsuaren kontsumo elektrikoaren arabera, 1.097 (% 11,9) noizbehinkako erabilerakoak ziren eta 627 (% 6,8) hutsik zeuden.^[32] Etxebizitza nagusien % 84,8 jabetzan zegoen eta % 13,2 alokairuan.^[31] INEren estatistika esperimentalaren arabera, 2026ko maiatzean 197 etxebizitza turistiko zeuden udalerrian, guztira 709 plazarekin (3,6 plaza etxebizitzako).^[33]

9.293etxebizitza

7.416nagusi

197etxebizitza turistiko (2026)

Bizkaiko mapa

Etxebizitza multzoa Bizkaiko mapa (2024)

7.416

1.871

Nagusiak (7.416)Gainerakoa (bigarrena edo hutsik) (1.871)

Erabilera-intentsitatea (kontsumo elektrikoa, 2021) Bizkaiko mapa (2021)

7.523

1.097

Okupatuak (7.523)Noizbehinkakoak (1.097)Hutsik (627)

Jabetza egoera (etxebizitza nagusiak) Bizkaiko mapa (2024)

6.287

979

Jabetzan (6.287)Alokairuan (979)Beste modu batean (150)

Guztira 7.416 etxegune zeuden, batez beste 2,3 egoiliarrekoak; horietatik 2.491 (% 33,6) pertsona bakarrekoak ziren.^[31]

Etxeguneak egoiliar kopuruaren arabera Bizkaiko mapa (2024)

2.491

2.136

2.664

Egoiliar 1 (2.491)2 egoiliar (2.136)3-5 (2.664)6-9 (120)10 edo gehiago (5)

Etxebizitzen batez besteko azalera erabilgarria 89,8 m²-koa zen eta batez besteko antzinatasuna 55,8 urtekoa.^[31] Etxebizitzen % 4,1 etxebizitza bakarreko eraikinetan zeuden eta % 16,0 21 etxebizitza edo gehiagoko eraikinetan.^[31] Etxebizitzen % 67,1 igogailua zuten.

Eraikineko etxebizitza kopurua

3.461

3.743

1.398

Etxebizitza 1 (384)2 (212)3-10 (3.461)11-20 (3.743)21-40 (1.398)41 edo gehiago (89)

Gela kopurua

2.056

4.209

1.994

1-3 gela (645)4 (2.056)5 (4.209)6 (1.994)7 edo gehiago (383)

Bainugela kopurua

5.841

3.439

Bainugela 1 (5.841)2 edo gehiago (3.439)

Berokuntzari dagokionez, etxebizitza nagusien % 11,3 berokuntza zentrala zuten, % 64,8 banakakoa eta % 22,0 noizean behingoa.^[31] Horrez gain, % 43,0 hodien bidezko gasa zuten eta % 71,2 igogailua.

Berogailu mota

% 11,3

% 64,8

% 22,0

Zentrala (% 11,3)Banakakoa (% 64,8)Noizean behingoa (% 22,0)

Bestelako ekipamenduak (etxebizitza nagusiak)

Hodien bidezko gasa% 43,0

Ur bero zentrala% 18,3

Igogailua% 71,2

Hezkuntza-maila

INEren 2024ko Biztanleria eta Etxebizitza Zentsuaren arabera, udalerrian 15 urte edo gehiagoko 14.941 biztanle zeuden. Lortutako ikasketa-mailarik altuenari dagokionez, goi-mailako ikasketak zituztenak % 37,5 ziren; bigarren hezkuntzako bigarren etapa (batxilergoa edo erdi-mailako lanbide-heziketa) zutenak % 25,0; bigarren hezkuntzako lehen etapa (DBH edo antzekoa) zutenak % 23,0; eta lehen hezkuntza edo gutxiago zutenak % 14,5.^[34] Goi-mailako ikasketak zituztenen proportzioa % 34,8 zen 2021ean eta % 37,5 2024an; beraz, 2,7 puntu igo zen 3 urtean. Lehen hezkuntza edo gutxiago zutenena, berriz, % 16,8 izatetik % 14,5 izatera pasatu zen. Sexuaren arabera, goi-mailako ikasketak zituztenak emakumeen artean % 34,3 ziren, eta gizonen artean % 40,9; 6,6 puntuko aldea, gizonen alde. Lehen hezkuntza edo gutxiago zutenak, berriz, emakumeen % 16,8 eta gizonen % 12,0 ziren. Azken alde hori, neurri handi batean, adin-egituraren isla izan ohi da: adineko biztanleen artean emakumeak gehiago dira, eta belaunaldi horietan ohikoagoa zen ikasketak goiz uztea.

14.941biztanle 15 urte edo +, 2024

% 37,5goi-mailako ikasketak+2,7 puntu 2021etik

mapa

% 14,5lehen hezkuntza edo gutxiago−2,3 puntu 2021etik

mapa

% 12,0ikasten ari dira, 2024

% 14,5

% 23,0

% 25,0

% 37,5

Lehen hezkuntza edo gutxiago · % 14,5Bigarren hezkuntzako lehen etapa (DBH) · % 23,0Bigarren hezkuntzako bigarren etapa · % 25,0Goi-mailako ikasketak · % 37,5

Lortutako ikasketa-mailarik altuena, 15 urte edo gehiagoko biztanleen artean (2024).

Bizkaiko mapa

Xeheago, goi-mailako ikasketak zituztenen % 58,6 unibertsitate-tituludunak ziren (gradua, diplomatura, lizentziatura, masterra edo doktoretza), eta % 41,4 goi-mailako lanbide-heziketakoak. Guztira, 101 pertsonak zuten doktore-titulua. Bigarren etapakoen artean, batxilergoa zutenak % 47,5 ziren, eta erdi-mailako lanbide-heziketa zutenak % 52,5. Ikasketarik gabekoak, azkenik, 15 urte edo gehiagoko biztanleen % 1,6 ziren.^[34]

Ikasketa-maila xehatua

Ikasketarik gabe

% 1,6

Lehen hezkuntza

% 12,9

DBH eta antzekoak

% 23,0

Batxilergoa

% 11,9

Erdi-mailako LH

% 13,1

Goi-mailako LH

% 15,5

Graduak (≤240 ECTS), diplomaturak

% 10,2

Graduak (>240 ECTS), lizentziaturak

% 8,0

Masterrak eta espezialitateak

% 3,0

Doktoretzak

% 0,7

Ehunekoak 15 urte edo gehiagoko biztanle guztien gainekoak dira; koloreak goiko barrako lau maila nagusiei dagozkie.

Sexuaren araberako banaketa

15 urte edo gehiagoko biztanleria ikasketa-mailaren eta sexuaren arabera, Bermeo, 2024
Ikasketa-maila	Guztira	%	Gizonak	%	Emakumeak	%
Goi-mailako ikasketak	5.601	% 37,5	2.980	% 40,9	2.621	% 34,3
Bigarren hezkuntzako bigarren etapa	3.732	% 25,0	1.841	% 25,2	1.891	% 24,7
Bigarren hezkuntzako lehen etapa (DBH)	3.443	% 23,0	1.594	% 21,9	1.849	% 24,2
Lehen hezkuntza edo gutxiago	2.165	% 14,5	878	% 12,0	1.287	% 16,8
Guztira	14.941	% 100,0	7.293	% 100,0	7.648	% 100,0

Urtez urteko bilakaera

Ikasketa-mailaren bilakaera (%), Bermeo, 2021–2024
Urtea	Goi-mailakoak	Batx. / erdi LH	DBH	Lehen H. edo gutx.	15 urte edo +
2021	% 34,8	% 22,8	% 25,6	% 16,8	14.630
2022	% 35,4	% 23,5	% 25,0	% 16,1	14.605
2023	% 36,7	% 24,7	% 23,3	% 15,3	14.744
2024	% 37,5	% 25,0	% 23,0	% 14,5	14.941

Ikasten ari direnak

2024an, 15 urte edo gehiagoko biztanleen % 12,0 ikasten ari zen (1.790 pertsona).^[35] Ikasten ari zirenetatik, % 45,7 goi-mailako ikasketetan zebilen, % 22,9 erdi-mailako lanbide-heziketan, % 19,4 batxilergoan eta % 9,7 DBHn edo antzekoetan. Sexuaren arabera, ikasten ari ziren emakumeen % 47,8 goi-mailako ikasketetan zebilen, eta gizonen % 43,4; erdi-mailako lanbide-heziketan, aldiz, gizonen % 25,6 eta emakumeen % 20,3. Adinaren arabera, 15–19 urtekoen % 92,1 ikasten ari zen, 20–24 urtekoen % 53,1 eta 25–29 urtekoen % 13,9; 30 urtetik gorakoen artean, berriz, % 3,4 baino ez.^[36] 20–24 urtekoen artean, emakumeen % 54,5 ari zen goi-mailako ikasketak egiten, eta gizonen % 38,0.

Ikasten ari direnak, adin-taldeka

15–19 urte

% 92,1

20–24 urte

% 53,1

25–29 urte

% 13,9

30–34 urte

% 8,6

35–39 urte

% 6,1

40–44 urte

% 5,6

45–49 urte

% 4,6

50–54 urte

% 3,9

55 urte edo +

% 1,6

Egiten ari diren ikasketa-maila

Maila zehaztu gabe

% 1,7

Goi-mailako ikasketak

% 45,7

Erdi-mailako LH

% 22,9

Batxilergoa

% 19,4

DBH eta antzekoak

% 9,7

Lehen hezkuntza edo beheragokoa

% 0,5

Ezkerrean, adin-talde bakoitzean ikasten ari direnen ehunekoa; eskuinean, ikasten ari direnen banaketa mailaren arabera (2024).

Jaiolekuaren arabera

2024an, 15 urte edo gehiagoko biztanleen % 85,7 estatuan jaio zen, eta % 14,3 atzerrian.^[34] Ikasketa-egiturak alde nabarmenak ditu jatorriaren arabera. Estatuan jaiotako gizonen artean, goi-mailako ikasketak zituztenak % 44,8 ziren eta lehen hezkuntza edo gutxiago zutenak % 10,0; atzerrian jaiotakoen artean, berriz, % 17,6 eta % 24,4, hurrenez hurren. Estatuan jaiotako emakumeen artean, goi-mailako ikasketak zituztenak % 36,7 ziren eta lehen hezkuntza edo gutxiago zutenak % 15,5; atzerrian jaiotakoen artean, berriz, % 19,6 eta % 24,7, hurrenez hurren.

Gizonak

Estatua

Atzerria

% 44,8

Goi-mailakoak

% 17,6

% 24,3

Batx. / erdi LH

% 31,0

% 21,0

DBH

% 27,0

% 10,0

Lehen H. edo gutx.

% 24,4

Emakumeak

Estatua

Atzerria

% 36,7

Goi-mailakoak

% 19,6

% 23,6

Batx. / erdi LH

% 31,6

% 24,2

DBH

% 24,1

% 15,5

Lehen H. edo gutx.

% 24,7

Ehuneko bakoitza jatorri- eta sexu-taldearen barnekoa da (2024).

Ikasten ari zirenei dagokienez, 2024an estatuan jaiotako 15 urte edo gehiagokoen % 12,3 ari zen ikasten, eta atzerrian jaiotakoen % 10,2.^[35] Ikasten ari zirenen artean, goi-mailako ikasketetan zebiltzanak % 48,0 ziren estatuan jaiotakoetan eta % 29,4 atzerrian jaiotakoetan. Konparazio hauek ez daude adinaren arabera doituta: talde bakoitzaren adin-egiturak (gazteen proportzioak, batez ere) eragin handia du emaitzan.

Politika

Artikulu nagusia: «Bermeoko politika»

2016ko Eusko Legebiltzarreko hauteskundeak

2016ko Eusko Legebiltzarreko hauteskunde emaitzak Bermeon

2016ko Eusko Legebiltzarreko hauteskundeak

Data:	2020ko irailaren 25a eta 2016ko irailaren 25a
Hauteslegoa:	13.259
7.963	60.06٪
7.936	26 27

Alderdia¹	Boto kopurua	Baliozko botoen ehunekoa
Euzko Alderdi Jeltzalea	4.271	53.82٪
Euskal Herria Bildu	2.395	30.18٪
PSE-EE	232	2.92٪
Elkarrekin Podemos	723	9.11٪
Euskadiko Alderdi Popularra	128	1.61٪
Herritarrak - Herritarron Alderdia	50	0.63٪
Alderdi Animalista Ingurumenarekin	44	0.55٪

¹Alderdien hurrenkera emaitza orokorraren arabera eskaini da

2020ko Eusko Legebiltzarreko hauteskundeak

2020ko Eusko Legebiltzarreko hauteskunde emaitzak Bermeon

2020ko Eusko Legebiltzarreko hauteskundeak

Data:	2020ko uztailaren 12a
Hauteslegoa:	13.124
7.356	56.05٪
7.321	44 35

Alderdia¹	Boto kopurua	Baliozko botoen ehunekoa
Euzko Alderdi Jeltzalea	4.015	54.84٪
Euskal Herria Bildu	2.517	34.38٪
PSE-EE	262	3.58٪
Elkarrekin Podemos	311	4.25٪
PP+Cs	57	0.78٪
Vox	30	0.41٪
Alderdi Animalista Ingurumenarekin	21	0.29٪
Equo	37	0.51٪

¹Alderdien hurrenkera emaitza orokorraren arabera eskaini da

Kanpo estekak

Datuak: Q695444
Multimedia: Bermeo / Q695444
Liburuak: Euskal Herriko bidaia-gida/Herriz herri/Bermeo

Udal hauteskundeak

2011ko hauteskundeetan bi alderdik soilik (Bilduk eta EAJk) eskuratu bazuten ordezkaritza, 2015ekoetan boto galera nabarmena izan zuten biek, eta bi herri plataformak lortu zituzten zinegotziak: Guzan eta Izartu Bermeo.

2019ko hauteskundeetan, berriz, Eusko Alderdi Jeltzalea aise gailendu zitzaien gainerako alderdiei, eta EAJko Aritz Abaroa hautatu zuten alkate.

Bermeoko udalbatza
Alderdia		2023		2019
Alderdia		Zinegotziak	Boto kopurua	Zinegotziak	Boto kopurua
	Euzko Alderdi Jeltzalea (EAJ-PNV)	8 / 17	3.465 (% 42,02)	9 / 17	4.223 (% 48,42)
	Euskal Herria Bildu (EH Bildu)	5 / 17	2.393 (% 29,02)	5 / 17	2.501 (% 28,68)
	Guzan	4 / 17	2.064 (% 25,03)	3 / 17	1.715 (% 19,67)
Datuen iturria: Hauteskundeen emaitzak euskadi.eus webgunean

Grafiko hau ezin da une honetan ikusi, software arazo bat dela eta. Lanean ari gara ahalik eta lasterren grafikoak berriro erakutsi ahal izateko.

Alkateen zerrenda

Alkatea	Agintaldi hasiera	Agintaldi amaiera	Alderdia
Luis Bilbao Madariaga	1979	1983		Euzko Alderdi Jeltzalea
Javier Zabala Alboniga, Ramon Bilbao Uriarte	1983	1987		Euzko Alderdi Jeltzalea eta Eusko Alkartasuna
Jose Maria Ormaetxea Larandagoitia	1987	1991		Eusko Alkartasuna
Juan Karlos Goienetxea Beitia	1991	2007		Eusko Alkartasuna
Xabier Legarreta Gabilondo	2007	2011		Euzko Alderdi Jeltzalea
Idurre Bideguren Gabantxo	2011	2019		Euskal Herria Bildu
Aritz Abaroa Cantuariense	2019	2023		Euzko Alderdi Jeltzalea
Nadia Nemeh Shomaly	2023	Jardunean		Euskal Herria Bildu

Garraioak

Bermeok Mungiarekin (18 km) bat egiten du errepidearen bitartez, eta Gernika-Lumorekin (14 km) BI-2235 errepidearen bitartez. errepidea ere badu, Bakiorekin (12 km) bat egiteko. Bilborekin (33 km) komunikatuta dago eta BI-2235 errepideen bitartez, azken honek autobidearekin bat egiten duelarik. errepideko zati nagusia autobidez osatuta dago, Sollube mendiaren zatia izan ezik. Zati hau autobide bihurtzeko eta errepide osoa autobidez osatuta egoteko Bizkaiko Foru Aldundiak tunel bat eraikitzeko proiektua aurreikusita dauka, nahiz eta proiektua etengabean atzeratzen den. Horrez gain, Bermeoko sahiesbideak errepidea eta BI-2235 errepideak elkar lotzen ditu herriko hegoaldetik. ^[37]

ERREPIDEAK

Bermeo - Bilbo
BI-2235 Bermeo - Gernika
Bermeo - Bakio

Horrez gain, Bermeok autobus, tren, taxi eta hiri-autobus zerbitzuak ere baditu.

Bizkaibus

Bizkaibusek honako helmugak dituzten autobus lineak eskaintzen ditu:

A 3527 Bermeo - Mungia - Bilbo (Autobiatik ) (Astelehenetik ostiralera 6:50etik 21:50era ordu erdiro / larunbatetan 6:50etik 21:50era orduro, igande eta jaiegunetan 9:50etik 20:50era bi ordurik behin)
A 3515 Bermeo - Gernika - Zornotza - Bilbo BI-2235 (Astelehenetik ostiralera 6:30etik 22:00etara ordu erdiro / larunbat, igande eta jaiegunetan 6:30etik 22:30era orduro)

A 3528 Bermeo - Mungia - Derio - Loiu - Sondika - Erandio - UPV/EHU (Astelehenetik ostiralera 6:40an, 7:40an, 8:40an, 9:40an, 12.40an eta 13:40an / asteburu eta jaiegunetan ez dago zerbitzurik)

A 3524 Bermeo - Bakio (Astelehenetik ostiralera 7:15etik 19:15era bi ordurik behin / asteburu eta jaiegunetan ez dago zerbitzurik)

A 3517 Bermeo - Bakio - Mungia - Derio - Loiu - Sondika - Erandio - Bilbao / (Astelehenetik Igandera 7:30 a 20:30 orduro udako hilabeteetan {ekaina, uztaila, abuztua, iraila})

Euskotren

Sakontzeko, irakurri: «Bermeoko geltokia»

Euskotrenek Bermeoko geltokian zenbait trenbide sare eskaintzen ditu herria Bilborekin eta bidean dauden herriekin lotzen dutenak eta tren aldaketa eginez, berriz, Bizkaiko ekialdeko herriekin eta Gipuzkoarekin zerbitzua ematen dutenak.

Bermeo - Bilbo. (Astelehenetik ostiralera 6:18tik 20:48ra ordu erdiro eta 21:35ean eta 22:35ean / larunbat, igande eta jaiegunetan 7:43tik 21:43ra orduro)

Bermeo - Gernika - Zornotza (Larunbatetan gaueko zerbitzua 23:39an, 1:18an, 3:18an eta 5:18an)

Bermeo - Gernika. (Larunbatetan gaueko zerbitzua 22:43an eta 7:43an)

Taxiak

Taxi geraleku bat dago Lamera parkean. Geralekuak abisuak jasotzeko telefonoa du.

Bermibusa

Artikulu nagusia: «Bermibusa»

Herriko zenbait leku lotzen dituen herri-autobusa da. Goizez eta arratsaldez dabil, astelehenetik ostiralera.

Zerbitzuak

Osasuna

Bermeoko osasun zentroa (anbulatorioa)

Medikuntza orokorra
Pediatria
Analisi klinikoak
Ginekologia
Emagina
Erizaintza
Arreta Iraunkorreko Gunea AIG (24 ordu)

Itsasoko Gurutze Gorria (anbulantziak)
Bermeoko Ospitalea: ospitale psikiatrikoa
Osasun Mentalerako Zentroa
Ormabarrieta eguneko zentroa
Bermeoko Medikuntza Zentroa - Igualatorioa (IMQ)
Medikuntza Zentroa - Osasun Bulegoa

Hezkuntza

Nahitaezko hezkuntza eta batxilergoak

San Frantzisko herri ikastetxea

Haur Hezkuntza eta Lehen Hezkuntza
D eredua
Amara Berri sistema

Sagrado Corazón ikastetxea (Karmeldarrak)

Haur Hezkuntza eta Lehen Hezkuntza
Derrigorrezko Bigarren Hezkuntza (DBH)
D eredua

Luis Eleizalde ikastola

Haur Hezkuntza eta Lehen Hezkuntza
Derrigorrezko Bigarren Hezkuntza
D eredua

Ignacio Arozena - Benito Barrueta institutua

Derrigorrezko Bigarren Hezkuntza (D eredua)

Batxilergoak

Giza eta Gizarte Zientziak (A eta D ereduak)
Natur eta Osasun Zientziak (D eredua)
Teknologi Zientziak (D eredua)

Erdi Mailako prestakuntza zikloak

Administrazio Kudeaketa (D eredua), Kontsumoko Produktu Elektronikoak (D eredua)

Haur Eskolak

Haurreskola

Lanbide Heziketa

Itsas institutua (A eredua)
Lanbide Hastapena (Soldadura - Ostalaritza - Mekanika)

Bestelakoak

Hizkuntza Eskola Ofiziala (HEO)

Hizkuntzen ikasketak egiteko eta hizkuntzen jakintzako titulu ofizialak lortzeko eskola. (Euskara - Ingelesa - Frantsesa).
Honako herri hauetako bizilagunei ematen die zerbitzua: Ajangiz, Arratzu, Arrieta, Bakio, Bermeo, Busturia, Ea, Elantxobe, Ereño, Errigoiti, Forua, Fruiz, Gamiz-Fika, Gatika, Gautegiz-Arteaga, Gernika-Lumo, Ibarrangelu, Kortezubi, Laukiz, Maruri-Jatabe, Mendata, Meñaka, Morga, Mundaka, Mungia, Murueta, Muxika, Nabarniz eta Sukarrieta.

Helduen Heziketa Iraunkorra(HHI)

Alfabetatzea, bigarren mailako graduatua, 25 urtetik gorakoentzako unibertsitaterako prestakuntza, lantegiak.

Jose Antonio Egia udal musika eskola

Klarinetea, saxofoia, txirula, tronpeta, tronboia, bonbardinoa, txistua, silbotea, atabala, biolina, biolontxeloa, pianoa, gitarra, akordeoia, trikitia, panderoa, gitarra elektrikoa, baxu elektrikoa, bateria.

Kirola

Areneko Udal Kiroldegia

Frontoi laburra, igerilekuak, gimnasioa, aerobik gimnasioa, fitness gimnasioa, gimnasioa (Arkuzko tiroa), gimnasioa (Arte martzialak), 2 squash jokaleku, boleibol, eskubaloi, saskibaloi eta areto-futbolerako jokalekua, dantza pista, eskalada hormak, eta abar.
Kick boxing, boxeo, aerobik, spinning, igeriketa, kardiobox, pilates eta abarren klaseak ematen dira.
Kiroldegiak kafetegi bat ere badu.

Itsas Gane futbol zelaia (Bermeo Klubaren jokalekua)

Zelai Nagusia: Azalera 10.000 m², Eraikitako eremua 6.500 m², Belar naturala, argiteria, gradak, aldagelak eta dutxak.
Jesús Begoña Arroita "Penta" Zelaia: Luzera 55 m, Zabalera 30 m, Eraikitako eremua 1.650 m², Belar sintetikoa, argiteria.
Zelai txikia.
Saskibaloi zelaia.
Kafetegia - Jatetxea

Artza udal pilotalekua

Datuak: Luzera 48.5 m, Zabalera 13 m, Guztira 630.5 m.
Estalita, argiteria, gradak, aldagelak eta dutxak.
Kafetegia.

Udal Frontoia

Estalita, argiteriarekin.

Bermeoko Arraun Elkartea (Urdaibai Arraun taldea)

Ikasbide teknikorako jauslekua, gimnasioa, biltegia, batelen konponketarako tailerra, batzar gela.
Aldagelak eta dutxak.

Udal Probalekuak

Datuak: Luzera 15 m, Zabalera 4 m, Guztira 60 m².
Karrajua.

Kultura

Gizarte eta Kultura Etxea
"Nestor Basterretxea" Aretoa

Antzerkia, hitzaldiak, batzarrak, etab.
Zine Aretoa.
Erakusketa Aretoa.

Joxe Migel Barandiaran udal liburutegia

Euskadiko Liburutegien Sare Nazionalari atxikituta.

Gazteentzako Informazio Zerbitzua (GIZ)
Sexu Aholkularitza Zerbitzua (Bermesex)
Gaztelekua

12 eta 18 urte bitartekoentzako aisialdi zentroa.

Ludoteka

6 eta 12 urte bitartekoentzako aisialdi zentroa.

Udal Artxiboa

Kultura

Euskara

Bermeoko Pauli Aginaga eta Mari Erezuma hiztunen testigantza. Euskal Herriko Ahotsak^[38]^[39] proiekturako egindako elkarrizketa, ahozko ondarea jaso eta zabaltzeko.

Tokiko euskaran, herriaren izena Bermio ahoskatzen da.

Mendebaleko euskararen aldaera bat da herriko euskalkia^[40], tarteko bizkaieraren parte den Busturialdeko euskara^[41]^[42]. Euskal hiztunen ehunekoa handia da (% 72,7), baina erabilerak jaitsiera nabarmena jasan du, 2006ko % 60,3tik 2012ko % 36,4ra. 2016 eta 2021 urteetako datuek ere joera berdina erakusten dute; izan ere, urte horietan euskararen erabilera %33,6koa eta %29,4koa izan da, hurrenez hurren. ^[43]Jaitsiera adin tarte guztietako herritarren artean jazo da. Izan ere, 2012an adintsuen %59,8 k eta umeen % 42,4k erabiltzen zuten; gazteetan eta helduetan, berriz, % 19,1ek eta % 29,5ek. ^[44]

2016. urteko euskararen erabileraren gaineko datuei erreparatuz, erabilerak 3 puntuko atzerakada izan zuela ikus daiteke. Azken datu horien arabera, biztanleen %33,6k egiten zuen euskaraz. Horietatik %52 adinekoak ziren, %36,3 umeak, %27,8 helduak eta %14,8 gazteak. ^[45]

2021eko datuei erreparatuz, aldiz, erabileran eman zen atzerakada 4 puntukoa izan zen, hau da, biztanleen %29,4k erabitzen zuen euskara kalean. Adin-tarteen arabera, adintsuen %45,4k eta umeen % 39,3k erabiltzen zuen; gazteetan, heldu-gazteetan eta heldu-nagusietan, berriz, % 8,6k, %29,2k eta % 18,6k, hurrenez hurren.^[43]

Herria UEMA udalerri euskaldunen mankomunitatean sartuta egon zen, eta lau urtez bertatik kanpo gelditu zen. Dena den, 2011ko irailaren 2an jakinarazi zen berriro sartuko zela mankomunitatean.^[46] Gainera, urte berean, Bermeoko Udala Bizkaiko lehena izan zen Eusko Jaurlaritzak eta Euskalit Fundazioak ematen duten "Bikain" ziurtagiriko urrezko maila jasotzen, administrazioaren hizkuntza normalkuntzan lortutako emaitzengatik.^[47]

Elbira Zipìtria irakasle berritzailea (1906-1982) Bermeoko goiko lurretan mendebaldean dagoen Mañua auzoan lurperatu zuten. Elbira asko joaten zen Mañura eta bisita bakoitzean familia baten baserrian egiten zuen egonaldia. Halaxe ezagutu zuen amama Eskolastika. Emakume horrek asko omen zekien Euskal Herriaz eta kondairez, eta Zipitriak adi-adi entzuten zituen bere istorioak. Orduak eta orduak ematen zituzten elkarrekin hizketan mitologiaz, kondairez, bitxikeriez. Oso emakume jakintsua zen, ‘Bizkaiko amama’ deitzen zioten, eta 106 urterekin hil zen. Izugarri maite zuten elkar eta, hil aurretik, Zipitriak lagun minei argi utzi zien bere borondatea: Mañun izan nahi zuela hilobiratua, amama Eskolastikaren ondoan.^[48]^[49]

Jaiak eta ekitaldi nagusiak

Urtean zehar, jaiez gain, kultur zein kirol ekintza aipagarriak egiten dira (kasu batzuetan datak ez dira zehatzak):

Kultura agenda

Urtarrilean:

Errege Magoen kabalgata
Hiri lasterketa

Otsailean:

Aratusteak (Aratuste asteartea)

Martxoan:

Itsas gudari eguna (1.astean). Bermeoko EAk antolatuta.
Aste Santuko prozesioak (Aste Santuko barikuan)
Emakumeen Eguna

Apirilean:

Aberri Eguna (Pazko igangean)

Maiatzean:

ARRAIN AZOKA (Hileko azken aurreko asteburuan normalean)

Ekainean:

Eliza eta ermiten arteko martxa (sollube707 mendi taldeak antolatua)
"Magurios" moto topaketa (Izaro Bikers taldeak antolatuta)
San Juan Gaua (ekainak 23)
SAN JUAN EGUNA (ekainak 24): Gaztelugatxeko Doniene baselizarako erromeria.

Uztailean:

Jazzber jaialdia (1. astean): Getxoko jazz lehiaketaren musika taldeak barne.
HIESari buruzko topaketak (1-2. astean): Txo Hiesa taldeak antolatuta.
Gorefest (2. astean): Gore estiloko film laburrak.
Aritzatxu Rock Free: rock jaialdia. 2011-ean azken jaialdia izango zela iragarri zuten antolatzaileek.
Nazioarteko Folklore jaialdia (uztailaren erdian): Alkartasun dantza taldeak antolatua.
Madalen bezpera (uztailak 21)
MADALEN EGUNA (uztailak 22): itsas erromeria, Bermeo-Elantxobe-Mundaka-Bermeo artean.
Biking Maratoia (uztaileko larunbat batean): bizikleta estatikoen maratoia, portuan.

Abuztuan:

Nazioarteko Musika Astea
1912ko galernaren omenezko ekitaldia (Abuztuak 12)
San Roke eguna (abuztuak 16): Tala auzoan jai giroa.

Irailean:

Atalde kaleko jaiak: "Izarrako jaiak"

Skate Or Due: Skate jaialdia (1. astean)
BERMEOKO JAIAK, Andra Mariak edo Andramaidxek (irailaren 7tik 16ra)

Jai hauen baitan hainbat ekintza daude: estropadak, sukalki eguna, herri kirolak, kontzertuak, antzerkiak, danborradak, jaitsierak, azokak, play back txapelketak, su artifizialak eta ikuskizun bereziak, besteak beste.

Bezpera eguna (irailak 7): txupinazoa eta mozorro jaitsiera Almika auzotik.
Andra Mari eguna (irailak 8): umeen danborrada eta esku pilota partida nagusiak.
Arrantzale eguna (irailak 9)
Andra Mari Hirugarrena (irailak 10)
Santa Eufemia eguna (Irailak 16): baserri giroko azoka Bermeoko Andra Mari jaietako azken egunean.

(Jaiak irauten duten asteko larunbatean Sukalki txapelketa antolatzen da Tala Auzoan)

Estropadak "Bermeo Hiriko Ikurriña" (Jaiak bukatu eta geroko larunbatean)

Urrian:

BERMISTORIAN - ERDI AROKO AZOKA ( 3. edo 4. astean): Erdi Aroko azoka eta Bermeoren historiarekin lotutako ekintzak.

Azaroan:

San Martin azoka (San Martin egunaren asteko igandean): Txerriaren hilketa ospatzeko egindako baserriko produktuen azoka da. Odoloste Txapelketa ere egiten da.

Abenduan:

Euskararen Eguna (abenduaren 3an)
Olentzeroren desfilea

Azoka eta merkatuak

Arrain Azoka

Arrain Azoka maiatzeko 3. asteburuan antolatzen da. Hiru egun (ostirala, larunbata eta igandea) irauten duen azoka da, eta bertan, arrantza sektoreko enpresek euren produktuak ikusgai eta salgai jartzen dituzte. Azokak bisitari ugari erakartzen du (urtero 100.000 lagun inguru) eta probintzia osoan nahiko ezaguna da. Azokak irauten duen asteburuan zehar hainbat ekintza antolatzen dira, hala nola, arrain-kontserba lantegietara bisita gidatuak, arrantzaleen kofradia zaharrean arrain salmenta nola egiten den erakusten da, haurrentzat jolas eta tailerrak antolatzen dira eta arrain mota desberdinak dastatzeko karpa bat zabaltzen da. Azoka honen baitan Hegaluze Saria ematen zaio herritarrek aukeratzen duten Bermeoko erakunde edo pertsona bati, Bermeoko izena ezagutzera emateagatik.

Santa Eufemiako nekazaritza azoka

Azoka hau urtero irailaren 16an antolatzen da, herriko jaietako azken eguna izanik, Santa Eufemia eguna hain zuzen. Azoka honetan euskal baserrietan landutako produktuak eskaintzen dira, gaztak, Bizkaiko txakolina, lekaleak, pastel eta tartak, barazkiak eta frutak esate baterako. Horrez gain, eskuz landutako produktuak ere eskaintzen dira.

Erdi Aroko azoka (Bermistorian)

Urriko azkenaurreko asteburuan edota azken-hereneko asteburuan antolatzen da eta bertan Bermeoko historiari lotutako zenbait ekintza antolatzen dira. Azokako postuetan hestebete desberdinak, pastel, tarta zein pasta desberdinak dasta daitezke eta eskuz egindako artikulu desberdinak aurki daitezke.

Merkatua

Astero, martitzenetan, Atalde kalean ipinitako postuek oinetako, arropa, gozoki, fruta, barazki, musika edota etxeko tresneria eskaintzen dituzte.

Udal Azoka

Azoka honek, urte guztian zehar mota desberdinetako produktuak eskaintzen ditu eta harategiek, urdaitegiek, arrandegiek, lora-dendek, fruitategiek, arraultza-dendek, osagarri dendek, loteria administrazioak, ileapaindegiak eta kafetegiak osatzen dute.

Kirola

Urdaibai Arraun osatzen duten arraunketa taldeetariko bat Bermeokoa da, eta zaletasun handia dago herrian.

Bestalde,bola-jokoaren aldaera bereizia jokatu izan zen Bermeon, galdu arte baserri-auzoetan gorde izan zena.

Pilotan, Artza Pilota Elkartea da esku pilota sustatzen ari den taldea.

Futbolean, Bermeo Kluba da herriko talde nagusia.

Hedabideak

Itsuki Irratia (105.2 FM)

Herriko irratia zen. Albistegiak, musika saioak, zorion-agur saioak eta lehiaketak antolatzen zituen.

Oizmendi Telebista

Eskualdeko telebista katea. Eskualdeko albisteak, zorion-agurretarako saioak, magazinak, dokumentalak, eta abar eskaintzen ditu.

Busturialdea, Lea-Artibai eta Mutrikuko Hitza

Busturialdea, Lea-Artibai eta Mutrikuko albisteak biltzen dituen egunkaria.

Ondasun nabarmenak

Armarria

Bermeoko armarria herriaren historiaren oinarrizko kontakizunei ezarritako irudikapen alegorikoa da. Sinbologia egokia erabiliz eta heraldikaren arauak betez, herriaren historian jazotako gertakizunik garrantzitsuenak islatzen dira bertan. Hori guztia kontuan izanda berregin da Bermeo uriaren armarria, haren osatze eta antolatze heraldikoa onartzen duen ekainaren 6ko 1373/1968 Dekretuaren sarreran esaten den moduan. Otsoak, bizardun buruak, baleontziak eta balea, testuak... Bermeoko historiaren gertakizunak eta zertzeladak agertzen ditu era enblematikoan: herribildu modura eratu zela, Bizkaiko Buru izan zela, arrantzari lotuta egon dela beti eta gure lurralde historikoko herri guztien artean lehentasuna izan zuela. Udalerriko armarria legez 1968. urtean onartu zen.^[50]

Deskribapena

Urre koloreko atzealdearen gainean ihes egin nahian dabilen balea bat kolore urdin eta zilarrezko itsaso batean, lau arrantzale atzetik dituela eta batelaren aurreko aldean arpoia duen marinela dagoela. Goiburutzat, uri izendatu zuen Lope Diaz II.a Harokoaren familiako sinbolo diren bi otso, eta erdian bizardun buru bat. Armarrian ondoko esaldi hau ageri da: "Stemma Proderi in Primis Bermei".

Balea, batela arraunlariekin eta balea arrantzatzen doan arrantzalea bermeotarrek antzina jarduten zuten lanbidearen erakusgarri dira, hots, balearen arrantzaren erakusgarri. Jarduera horrek XI. mendetik XV. mendera arte iraun zuen gutxi gorabehera.

Otsoak Bizkaiko armarriaren sinbolo eta Haro leinuaren adierazpena dira. Izan ere, X. eta XIV. mendeen artean familia horretatik zetozen Bizkaiko jaurerriko ordezkari nagusi guztiak. Haro familiak fundatu zuen lehen hiribildua dugu Bermeo.

Agure bizardunaren buruak Bermeok Bizkaiko gainerako herrien aurrean izan zuen nagusitasuna adierazten du. Horrela bada, Bizkaiko Batzar Nagusietan Bermeori ordezkatutako beste herri guztien artean lehenengo eserlekua zegokion eta Bermeoko alkateak hitz egiten zuen bakoitzean, gainerako herrietako ordezkariek kapelak eranzten zituzten herri horri zioten errespetuaren erakusgarri.

Armarrian agertzen den esaldiari dagokionez, Stemma Proderi in Primis Bermei, Bermeok duen antzinatasuna erakusten du, izan ere, latin oso zaharrean dago idatzita. Horrek esaldiaren esanahia ulertzeko zailtasunak dakartza. Honako zerbait esan nahi duela uste da: "Lehendabizi aurkezten dena Bermeo" edo "Bermeoko armarria da lehenengoa". Edozelan ere, Bermeok Bizkaiko gainerako herrien artean izan zuen gorentasuna adierazten du esaldi horrek ere.^[51]

Leku interesgarriak

Gaztelugatxeko Doniene

Bakiorako errepidetik heltzen da Gaztelugatxera; Bermeotik joanez gero, Matxitxako igaro ondoren. Gaztelugatxe, lurrera zubi baten bitartez lotuta dagoen uhartea da. XIV. mendean gaztelu bat egon zen haren gainean; gaur egun, Gaztelugatxeko Doniene edo San Joan Gaztelugatxekoa deritzon ermita dago, San Joan (Done Ibane) santuari eskainitako santutegia. Uhartearen ekialdea da Bermeokoa; mendebaldea, berriz, Bakiokoa da.

Urtero, ekainaren 24an, Bermeotik eta Donienerainoko erromeria ospatu ohi da, hainbat lekutatik etorritako erromesen parte hartzearekin. Abuztuaren 29an santuaren omenezko meza ospatzen da, San Joan Lepamoztuaren egunean eta Bermeoko udalak uhartearen jabetza berresten du. Abenduaren 31n ere meza ospatzen da, urte berria agurtzeko.

Gaztelugatxe Euskal Herriko leku turistiko aipagarrienetakoa da, urtero milaka bisitari izaten dituena. Gainera, inguru hori guztia babestutako erreserba da.

Matxitxako lurmuturra

Matxitxako lurmuturrean izen bereko itsasargia dago; edo, zehazkiago, bi itsasargi: itsasargi zaharra, gaur egun erabilerarik ez duena, eta berria, lanean dabilena. Lekuak Bizkaiko kostaldearen ikuspegi paregabea eskaintzen du eta itsas ugaztunak ere ikus daitezke bertatik.

Aketx uhartea

Gaztelugatxeren ipar-ekialdean dagoen uhartea da. Akatz izenaz ere ezaguna da.^[52] Landaredi urria du, eta txorien bizileku da. Hara igotzea zaila gertatzen da.

Izaro uhartea

Izaro Urdaibaiko natura erreserbaren atea dugu. Uharteko alde garaian frantziskotarren komentu bat egon zen XIII. mendera arte. Bizkaiko Jaunek berebiziko debozioa zioten Izaroko komentuari. Henrike IV.a (1457), Fernando Katolikoa (1476) eta haren emazte Elisabet Katolikoa (1483) joan ziren uhartera. Guztiek mesede eta opariak eman zizkioten komentuari.

Izaron zeuden fraideak uhartean bertan hartzen zituzten frutekin elikatzen ziren. Frantziskotarrek laguntza ematen zieten arrantzaleei seinaleak ipinita edo suak piztuta, beraz, harreman onak zituzten euren artean. Une latzetan, fraideek zapi zuria jartzen zuten kanpai-horman, bermeotarrak laguntzera etor zitezen.

Sasoiko itsas lapurren erasoren bat jaso ondoren, uhartea betiko utzi eta Forura joan ziren 1719an. Komentua bota eta Maria Magdalenari eskainitako baseliza eraiki zuten bertan. Horren aztarnak ikusten dira oraindik, baita komentuarenak eta Elisabet Katolikoak eginarazi zituen eskailerenak ere. Gaur egun, Urdaibaiko itsasadarrarekin batera babestutako leku ekologikoa da, bertan hegazti ugarik beren kumeak izaten dituzte.

Alde Zaharra

Kolore askotako arrantzale-etxez osatuta dago.

Aritzatxu hondartza

Aritzatxu tamaina txikiko hondartza da, udaberrian edo udan eguzkitan egoteko edo bere ur garbietan bainu bat hartzeko aproposa. Sorospen zerbitzua, komunak, hondartzaina eta taberna dauzka. Bizkaiko hondartzen erabiltzaileen iritziz, Bizkaiko hondartza onena da, 4,6 puntu eman baitzizkioten, gehienez 5 puntu zituen eskala batean, 2011. urtean.^[53]

Arriboletako hondartza

Harri-bolez osatutako 5 km luzedun hondartza da. Ez du sorospen zerbitzurik. Hondartza bereziki ona da urpekaritzan aritzeko.

Eraikinak

Ertzila dorretxea (Arrantzaleen Museoa)

Erdi Aroan Bermeo defendatzen zuten 30 dorreetariko bat zen, eta gaur egun zutik dirauen bakarra da. XV. mende amaieran eraiki zen eta Portu Zaharraren gainean estrategikoki kokatuta dago. Dorretxea da, eta Ertzillatarren etxebizitza izan zen. Etxe horretako pertsonaia famatuak dira Fortun Gartzia de Ertzilla eta La Araucana poema epikoaren idazle Alonso Ertzilla Zuñiga.

Mendeetan zehar, etxebizitzak funtzio ezberdinak bete izan ditu, bere betebehar militarraz gain: lonja moduan erabili zen, arrantzaleen etxea ere izan zen eta arrain biltegi izatera ere heldu zen. 1948. urtean fatxada berritu zuten, eta lan haietan arku gotikoak eta gezi-leihoak aurkitu zizkioten. Gainera, Arrantzaleen Museo bihurtu zuten. 1984an eta 1985ean berrikuntza gehiago egin zizkioten fatxadan, eta harlandua aldatu zioten.

Kasinoa

Severino Atxukarrok eraiki zuen, 1894an. 1983an, berriz, erori egin zen uholde batzuen ondorioz. Berreraikia izan zen eta harrez gero, eklektizismoaren barruan sartzen den obra dugu. Lamera parkean dago. Eraikinaren alde desberdinak zeregin askotarako erabiltzen dira. Alde batean erakustoki eta hitzaldi zein zinema aretoa den Nestor Basterretxea aretoa dago. Eraikinaren erdialdeko espazioa, berriz, jatetxe batek hartzen du. Eraikinaren beste aldean, "irlandar estilo"ko taberna bat eta kafetegi bat daude.

Bermeoko udaletxea

Sabino Arana Goiri enparantzan kokatua, 1732an eraiki zuen Domingo Kafrangak.Hasieran bi solairu zituen, soilik, baina XX.mendean hirugarren solairua altxatu zen. Haren fatxadan bi eguzki erloju daude, eta monumentu historiko artistikoa da.

Kikunbera etxea

Euskal Herriko arkitektura arrazionalistaren aleetako bat. Itsasontzi itxura dauka, eta 1995ean monumentu historiko artistiko izendatu zuten.

Batzokia

Estilo modernistako eraikina da, eta Pedro Ispizuak eraiki zuen.

Ormaza kontserba fabrika

Elizak eta monumentuak

Frantziskotarren eliza eta klaustroa

San Frantzisko komentua 1357ko urtarrilaren 30etik darama harresitik kanpo. Komentua eliza gotiko batek, klaustro batek eta etxebizitza batek osatzen dute. Urte batzuk geroago, garaiko aita santuak komentua itxi nahi izan zuen baina ez zuen lortu.

Eliza: Elizak laukizuzen itxura du, eta 12 metro zabal, 48 metro luze eta 21 metro garai da. XVI. mendeko nabe gotiko bakarra du. Nabeak zazpi tarte ditu gurutze-gangez osatuak, eta hainbat kapera ere baditu. Haren erretaula barrokoa da. Abesbatzaren lekuan (koruan) 1914ko organoa eta dimentsio txikiko arrosetoia daude. XIX. mendean ingelesek erre zuten, eta berreraiki egin behar izan zen.

Klaustroa: Lekurik aipagarriena da eta 14 x 14 metroko lauki batek osatzen du. Eliza baino zaharragoa, elementurik zaharrena da eta politena ere bai. Edena irudikatzen duen lorategia arkupe ojibal batez dago inguratuta. Gangak izan beharrean, goiko solairuak sostengatzen dituzten egurrezko xaflak besterik ez du. Mendeetan zehar, etxebizitzak eraldaketa ugari izan ditu kuartela, eskola nautikoa, epaitegia... izan dela, bertan merkatua ere egin izan da. Orain dela urte batzuk, udalak erosi eta eraberritu egin zuen. Bertan katekesi klaseak ere ematen dira gaur egun, goiko pisuan elizgizonentzako zaharren egoitza dagoen bitartean.

Santa Eufemia Eliza

Santa Eufemia eliza portuaren ondoan kokatutako eliza da, herriko eliza zaharrena eta garrantzitsuena. Izan ere, antzina erregeek horrarteko bidaia egiten zuten zin egiteko, zin-eliza izatea dugu, beraz, bere garrantziaren erakusle nagusia. XIII. mendekoa da, ematen du herria sortu zenekoa dela. 26 metro luze, 12 metro zabal eta 20 metro luze da. XVIII. mendeko dorre barrokoa eta erretaula neogotikoa ditu. Haren altzarien artean Mendozatarren hilobia da esanguratsuena. Herriak izandako suteen ondorioz, gaur egun dagoen eraikina XV. mendekoa da, aurretik zegoen eliza erromaniko baten gainean eraikia. Horri portiko bat erantsi zitzaion, baina 2000. urtean bota egin zuten elizak bere betiko itxura gorde zezan, hots, portikorik gabekoa.

Santa Maria eliza

Bermeoko eliza berriena da, XIX. mende erdialdean Silvestre Perez arkitektoak eraikia.

Eliza hau Talako Santa Maria eliza bota egin behar izan zutelako eraiki zen, haren egoera kaxkarra zelako, eta Bermeoko fededun kopuru handia hartzeko beste bi elizak ez zirelako nahikorik. Obrak 1823an hasi ziren eta 1858an bukatu baziren ere, ez zuten inauguratu 1866. urtera arte. Hala eta guztiz, estrainekoan bukatu gabe zegoen bai kanpotik bai barrutik. Dorrea esate baterako, 1899an bukatu zuten.

Eraikina neoklasikoa da, bi dorre dituena albo bietan, eskumakoan kapandorrea du baina bigarrena eraiki barik gelditu zen. Portikora zutabe erreskada bat igaroz sartzen da. Eraikin honek erromatar edo greziar tenplu baten antza handiagoa du, eliza katoliko batena baino. Gurutze greko baten itxura du eta erdialdean kupula oktogonala dago. Sarreran bi kapera daude albo banatan eta kupula sostengatzen duten zutabeen artean lau erretaula ditugu.

Talako Andra Mari eliza

1310. urtean eraiki zen eta XVIII. mendean bota zuten, bere egoera txarra zela eta. Gaur egun ospitale psikiatrikoa dagoen lekuan egon zen eraikita, antzinako harresietatik at. XIII. mendean, etengabeko hazkundean ari zen herriarentzat Santa Eufemia eliza txiki gelditu zen eta berau baino handiagoa izango zen Talako Andra Mari eliza eraiki zuten. Tamaina handiko eliza zen, hiru nabe eta fatxadan bi dorre zituena, baita 13 aldare eta hainbat kapera ere. Eraikina eraitsi zutenean bere barnean zituen altxorrak Santa Eufemia elizara eraman zituzten.

Aita Guria baleontzia: bale-arrantzaren interpretazio zentroa

XVII. mendeko baleontzi baten birsortzea da eta Artza kaian dago kokatuta. Baleontzia bisitatzeko bisita gidatuak daude.

Doniene atea

XIV. mendean, Bermeoren osperik handieneko garaian, harresia ipini zuten herriaren inguruan, defentsarako. Harresiak zazpi ate zituen, baina gaur egun Doniene ateak edo San Juan portalea deritzonak baino ez dirau. Honen izena Gaztelugatxera zeraman bidea hemendik hastetik dator. Oso deigarriak dira harresiaren zabalera eta egitura.

Bestelakoak

Bermeon badira hiribilduan garrantzitsuak izan diren arrantzaleak, baserritarrak eta bestelako pertsonaiak omentzeko zenbait eskultura:

Itzulera: Herriko arrantzaleei eskainitako eskultura da eta Farol Berdea kaian dago kokatuta.
Benito Barruetaren omenez: Benito Barrueta margolari bermeotarrari eskainitako monumentua da, Talan dago.
Badatoz: 1912ko abuztuaren 12an izandako galernari begira dagoen familia baten irudikapena da. Torrontero enparantzan dago kokatuta.
Baserritarrak: Baserritarrek bere produktuak saltzeko herrira egiten zituzten bisiten omenezko bi figurek osatzen dute. Eurei eskainita daude eta euren lana omentzeko egina dago. Taraska enparantzan dago.
Matxitxakoko Guda: Doniene inguruan eraikitako eskultura da.
Olatua: Nestor Basterretxea artistaren lana, Bermeoko herriari eta bertako bizilagunei eskainita dago. Portu Zaharrean kokatzen da.
Xixili: Herriko lamia famatuaren irudia da. Haren izena daraman kaian kokatzen da, Bermeoko portuari sarrera ematen dion kaian hain zuzen.
Arrain saltzaileak: Arrain saltzaileek egiten zuten lanaren omenezko eskulturak dira. Doniene atearen inguruan daude.
Azken olatua, azken arnasa: Portu Zaharrean kokatutako Enrike Zubiaren eskultura dugu.
Alonso Ertzillaren eskultura: Alonso Ertzillari eskainitako bustoa da. Alontso Ertzillak idatzi zuen La Araucana poema epikoa, eta haren gurasoak Bermeokoak ziren.
Euskal kosmogonia: Nestor Basterretxea artistaren eskultura sorta da. Lamera parkean dago.

Argazki galeria

Portu zaharra
Kirol portua
Portu zaharra, gaur egun kirol-portua dena
Kirol portuaren ikuspegi orokorra
Merkataritza portua
Gaztelugatxeko Doniene
Gaztelugatxeko doniene
Aketx uhartea
Izaro uhartea
Izaro uhartea
Matxitxakoko gudan hildakoen omenezko monumentua
''Olatu'' eskultura
Xixili
''Badatoz'' eskultura
Santa Eufemia eliza
Santa Maria eliza
San Frantzisko eliza eta Klaustroa
"Aita Guria" baleontzia
Ertzilla dorretxea
Bermeoko udaletxea
Bermeoko ospitale psikiatrikoko sarrera
San Juan portalea
Portu Komertziala eta Arrantzaleen Kofradia
Aritzatxu Hondartza
Aritzatxu Hondartza
Kikunbera etxea
Bermeo olatu ormatik ikusita
Alonso Ertzilla Zuñigaren irudia
Bermeoko ikuspegia Burgoa ganatik.
Bermeoko planoa

Bermeotar ospetsuak

Juan Akurio, Nao Victoria ontziko pilotua, Magallanesen espediziotik bizirik itzuli zenetariko bat.
Fermin Mundaka (1825-1880), Kariben ibilitako pirata eta beltzen trafikatzailea.
Santos Domínguez y Benguria (1841- 1905), arkitektoa, diplomatikoa eta politikaria.
Amama Eskolastika, Muñoa auzoko oso emakume jakintsua zen, ‘Bizkaiko amama’ deitzen zioten. Elbira Zipìtriak asko ikasi zuen beragaz Euskal Herriaz eta kondairez.^[48]^[49]
Benito Barrueta (Bermeo, 1873 - 1953), margolaria.
Teodoro Anasagasti (1880-1938), arkitektoa.
Salvador Ruiz de Anduiza (Txo de Bermeo) (1950-2012), esku-pilotaria.
Francisco Basterretxea (1889-1975), politikari eta abokatua.
Pedro Ispizua (1895-1975), arkitektoa.
Gregorio Solabarrieta (1900-1978), musikaria.
Jose Maria Uzelai (Bermeo 1903 - Busturia 1979), margolaria.
Gonzalo Nardiz (1905-2003), politikaria, Eusko Jaurlaritzako sailburu izana.
Nestor Basterretxea (1924-2014), margolari, eskultore eta zinegilea.
Seber Ormaza, (1925-2010), politikaria, EAE-ANVko lehendakari historikoa, Herri Batasuneko mahai nazionaleko kidea.
Juan Ramon Rementeria, (Bermeo, 1955 - ), puntista aurrelaria eta zesta konpontzailea Gernikako Jai Alai Eskolan.
Alex Hormaetxea, (Miami, 1983 - ), puntista aurrelaria.
Javier Hormaetxea, (Bermeo, 19xx - ), puntista.
Ignacio Arozena Etxebarria (1931-2003), idazle eta historia irakaslea.
Begoña Bilbao (1932-2005), idazle eta filologoa.
Jose Juan Castillo (1945), sukaldaria, Euskal Sukaldaritza Berriko (Nueva Cocina Vasca) sukaldarien taldeko partaidea.
Juan Karlos Goienetxea Beitia (1949), politikaria, 16 urtez alkate, eta Eusko Alkartasunako Bizkaiko lehendakari ohia.
Analupe Fernandez (1960??), abeslaria eta rapsoda.
Josu Erkoreka (1960-), politikaria, EAJren eleduna Espainiako Kongresuan.
Izaskun Bilbao (1961), politikaria, Eusko Legebiltzarreko presidente ohia. 2009ko uztailaz geroztik, Europako Parlamentuko parlamentaria.
Martin Lejarraga (1961), arkitektoa.
Ricardo Odriozola (1965), biolinista eta musikaria.
Izortz Zabala (1967), traineruetako patroia.
Antonio Karmona Herrera (1968), futbolaria (Deportivo Alavés eta Eibar).
Bingen Fernández (1972), txirrindularia (Euskaltel-Euskadi eta Cofidis).
Amaia Gabantxo (1973), idazlea, flamenko abeslaria eta itzultzailea.
Ilaski Serrano (1976), kazetaria, irrati esataria eta telebista aurkezlea.
Agurne Anasagasti (1978), telebista aurkezlea.

Oharrak

↑ INEk ustiategi baten lur guztiak ustiategia kokatuta dagoen udalerriari egozten dizkio, nahiz eta lur horietako batzuk beste udalerri batzuetan egon. Horregatik, udalerri batzuetan NAE udalerriaren azalera baino handiagoa izan daiteke.
↑ Ustiategi batek lur-erabilera bat baino gehiago izan ditzake; horregatik, erabilera bakoitzeko ustiategi-kopuruen batura ustiategi guztien kopurua baino handiagoa izan daiteke.
↑ DGTren ingurumen-etiketak ibilgailuen isurien araberakoak dira: 0 (elektrikoak eta autonomia handiko entxufagarriak), ECO (hibridoak eta gasezkoak), C (Euro 4tik aurrerako gasolina-ibilgailuak eta Euro 6ko dieselak), B (Euro 3ko gasolina-ibilgailuak eta Euro 4-5eko dieselak); zaharrenek ez dute etiketarik.
1 2 INEk eta Eustatek metodologia desberdinak erabiltzen dituzte errenta kalkulatzeko, eta, horregatik, haien zifrak ez dira zuzenean alderagarriak. INEren Etxeguneen Errentaren Banaketaren Atlasak etxegune bakoitzaren errenta haren kide guztien artean banatzen du, adingabeak barne, eta haren P80/P20 zatidura kontsumo-unitateko errentaren 80. eta 20. pertzentilen arteko zatidura da (zenbat eta handiagoa, orduan eta desberdintasun handiagoa). Eustatek, berriz, 18 urteko eta gehiagoko pertsona bakoitzaren errenta eta familia bakoitzarena neurtzen ditu, eta haren 20/80 ratioak diru-sarrera txikienak dituzten % 20ren batez besteko errenta handienak dituztenen % 20renarekin alderatzen du, ehunekotan (zenbat eta handiagoa, orduan eta berdintasun handiagoa).
↑ 0 balioak berdintasun osoa adierazten du eta 100 balioak desberdintasun handiena; zenbat eta baxuagoa, orduan eta banaketa berdinagoa.

Erreferentziak

Artikulu honen edukiaren zati bat Euskal Herri Enblematikoa entziklopediako Itsasoko Historia. Euskal Kostaldeko Gida. liburutik txertatu zen 2014-12-18 egunean. Egile-eskubideen jabeak, Eusko Jaurlaritzak, liburu hori eta entziklopedia horretako beste zenbait Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.

Anton Erkoreka Barrena, Etnografia de Bermeo, Doniene argitaletxea, 2003. ISBN 84-931626-0-4.
2008 Asier Romero Andonegi, Documentación tardomedieval de la villa de Bermeo: edición y estudio. Taller Digital; Biblioteca Virtual Miguel de Cervantes, Alicante. Tesis Doctoral.] ISBN 978-84-691-3008-7.
2007 Asier Romero Andonegi, Bermeo en sus documentos. Siglos XV y XVI. Bermeoko Udaletxea, Bermeo. ISBN 978-84-606-4185-8.

↑ Euskararen Adierazle Sistema. Euskara-gaitasuna adinaren eta sexuaren arabera. EAE (eskualdeka/udalerrika). Eusko Jaurlaritza.
↑ «Kaleko erabilera herrialdez herrialde» Euskararen erabilera (Wikipedia).
↑ «Etxeko erabilera» Euskararen erabilera (Wikipedia).
↑ Bermeoren mugakideak erakusten dituen mapa. Google maps (Bermeo).
↑ «Balio klimatologiko normalak: Bilbao Aeropuerto», Espainiako Meteorologia Agentzia. Eskuratze data: 2011-06-22.
↑ Jesús L. ORTEGA: «Una isla de metal frente a Bermeo», El Correo, 2009-02-27.
↑ INE, «Explotaciones por tipo de cultivo», Nekazaritza Errolda 2020. Datuak: INE nekazaritza-azalera Bizkaia.tab (Wikimedia Commons).
↑ Udalerriaren azalera: Wikidata, Q695444.
↑ Eustat, «Nekazaritza-ustiategietako abelburuak, udalerriaren eta espeziearen arabera». Datuak: EUSTAT abeltzaintza.tab (Wikimedia Commons).
↑ INE, «Explotaciones ganaderas por tipo de ganado», Nekazaritza Errolda 2020. Datuak: INE abeltzaintza Bizkaia.tab (Wikimedia Commons).
1 2 3 DGT, «Datos municipales general» (2025). Datuak: DGT ibilgailuak Bizkaia.tab (Wikimedia Commons).
↑ INE, «Indicadores de renta media y mediana» (ADRH), ADRH errenta Bizkaia.tab.
↑ Eustat, «Pertsona- eta familia-errentaren estatistika», Errenta pertsonalaren pertzentilak EUSTAT.tab.
↑ Eustat, «Pertsona- eta familia-errentaren estatistika», Errenta familiarraren pertzentilak EUSTAT Bizkaia.tab.
↑ INE, «Distribución por fuente de ingresos» (ADRH), ADRH fuente Bizkaia.tab.
↑ INE, «Índice de Gini y distribución de la renta P80/P20» (ADRH), ADRH gini erreferentziak.tab.
↑ Eustat, «Pertsona- eta familia-errentaren estatistika», Errenta familiarraren adierazleak EUSTAT.tab.
↑ Eustat, «Pertsona- eta familia-errentaren estatistika», Errenta pertsonalaren adierazleak EUSTAT.tab.
1 2 3 (Gaztelaniaz) «Población de 16 y más años por sexo, lugar de nacimiento (España/extranjero) y relación con la actividad (agrupado) (Municipios de 500 habitantes o más)» Biztanleria eta Etxebizitza Zentsua (INE).
1 2 (Gaztelaniaz) «Ocupados de 16 y más años por sexo y actividad económica (1 letra) (Municipios de 500 habitantes o más)» Biztanleria eta Etxebizitza Zentsua (INE).
1 2 (Gaztelaniaz) «Ocupados de 16 y más años por sexo, lugar de nacimiento (España/extranjero) y ocupación (agregada) (Municipios de 500 habitantes o más)» Biztanleria eta Etxebizitza Zentsua (INE).
↑ (Gaztelaniaz) «Ocupados de 16 y más años por sexo y situación profesional (Municipios de 500 habitantes o más)» Biztanleria eta Etxebizitza Zentsua (INE).
↑ (Gaztelaniaz) «Ocupados de 16 y más años por sexo, lugar de nacimiento (España/extranjero) y rama de actividad (Municipios de 500 habitantes o más)» Biztanleria eta Etxebizitza Zentsua (INE).
↑ Población por sexo, edad (grupos quinquenales) y nacionalidad (española/extranjera). .
↑ «Euskal AEko hazkunde begetatiboa, lurralde eremuka. 1975 - 2023-PxWeb» PxWeb (kontsulta data: 2026-07-29).
↑ «Euskal AEko jaiotza biziak, lurralde-eremuen eta sexuaren arabera. 1996 - 2024-PxWeb» PxWeb (kontsulta data: 2026-07-30).
↑ INE, «Población por relación entre lugar de nacimiento y de residencia» (Padroia), Jatorria Bizkaia.tab.
↑ Eustat, «Biztanleria jaioterriaren arabera», Jaioterria - Euskal Autonomia Erkidegoa - udalerriak.tab.
↑ Eustat, «Biztanleria nazionalitatearen herrialde-taldearen arabera», Nazionalitatea - Euskal Autonomia Erkidegoa - udalerriak.tab.
↑ INE, «Población por país de nacimiento» (Padroia), Jaioterria Bizkaia.tab.
1 2 3 4 5 6 «Etxebizitzen parkea» Biztanleriaren eta etxebizitzen errolda. Etxebizitzak (Eustat).
↑ (Gaztelaniaz) «Etxebizitzak erabilera-intentsitatearen arabera (kontsumo elektrikoa)» 2021eko Biztanleria eta Etxebizitza Zentsua (Espainiako Estatistika Institutua).
↑ (Gaztelaniaz) «Etxebizitza turistikoak, plazak eta plazak etxebizitza turistiko bakoitzeko. Udalerriak» Etxebizitza turistikoen kopuruaren neurketa (estatistika esperimentala) (Espainiako Estatistika Institutua).
1 2 3 (Gaztelaniaz) «Población de 15 y más años por sexo, lugar de nacimiento (España/extranjero) y nivel de estudios (Municipios de 500 habitantes o más)» Biztanleria eta Etxebizitza Zentsua (INE).
1 2 (Gaztelaniaz) «Población de 15 y más años por sexo, lugar de nacimiento (España/extranjero) y nivel de estudios en curso (Municipios de 500 habitantes o más)» Biztanleria eta Etxebizitza Zentsua (INE).
↑ (Gaztelaniaz) «Población de 15 y más años por sexo, edad (grupos quinquenales) y nivel de estudios en curso (Municipios de 500 habitantes o más)» Biztanleria eta Etxebizitza Zentsua (INE).
↑ Bizkaiko Foru Aldundia: , Plan de Accesibilidad Sostenible, 2011-08-29
↑ «Ahotsak.eus, Euskal Herriko hizkerak eta ahozko ondarea» www.ahotsak.eus (kontsulta data: 2018-06-27).
↑ «Bermeon euskaraz beti - Ahotsak.eus» ahotsak.eus (kontsulta data: 2018-06-27).
↑ zital. (2021-12-22). Bermiotarra - Berbak eta esamoldiek. (kontsulta data: 2022-04-08).
↑ «Busturialdekoa - Ahotsak.eus» ahotsak.eus (kontsulta data: 2018-06-27).
↑ «Bermeo - Ahotsak.eus» ahotsak.eus (kontsulta data: 2018-06-27).
1 2 «Hizkuntzen erabileraren kale neurketa. Udalerriak, 2021» Soziolinguistika Klusterra (kontsulta data: 2025-01-27).
↑ ^{[Betiko hautsitako esteka]}, Bermeoko Hitza, 2012-07-12.
↑ 2017-03-19^{[Betiko hautsitako esteka]}
↑ «Bermeok atzera bota du Uema uzteko erabakia, eta ordezkariak izendatu ditu»^{[Betiko hautsitako esteka]}, Berria, 2011-09-02.
↑ «Bermeo, primer pueblo de Bizkaia en tener certificado "Bikain de Oro"», Deia, 2011-11-24.
1 2 Larretxea, Oihane. (2022-12-25). «Elbira Zipitriak andereño ugari formatu zituen frankismoan, ezkutuan» naiz: (kontsulta data: 2022-12-27).
1 2 «Elbira Zipitria Mañun dago lurperatuta - Ahotsak.eus» ahotsak.eus (kontsulta data: 2022-12-27).
↑ , Armarria, 2011-08-05
↑ [Bermeoko Jaietako Gida 2009], El Escudo Heráldico de Bermeo, 2011-09-29
↑ Euskaltzaindiak onartutako ponte izenen zerrendan hauxe ageri da: «Aketx, Gaztelugatxe ondoko Bermeoko uhartea». Bizkaiko Foru Aldundiak argitaratutako Bizkaiko maparen 2009ko eta 2005eko^{[Betiko hautsitako esteka]} edizioetan ere Aketx ageri da.
↑ Aitziber ATXUTEGI: «Ereaga y Aritzatxu, las mejores playas»^{[Betiko hautsitako esteka]}, Deia, 2011-10-04.

Kanpo estekak

Udalaren webgunea
(Gaztelaniaz) BERMEO Auñamendi entziklopedian (Euskomedia fundazioa)
Bermeokue
Arrantzaleen museoa
Bermeoko ospitalea
Bermeoko Erdi Aroren gaineko dokumentuak, artikuluak eta hitzaldiak
Bermeoko euskararen egoerari buruzko erreportajea, Argia astekarian (2008-11-30).

Turismo enpresak

Hegaluze: ibilaldi turistikoak Urdaibain.
Matxitxako nautika: itsas bidaiak.
Atuntxo Itsas bidaiak.
Turdaibai: Urdaibaiko Turismo Iraunkorreko Elkartea.

Datuak: Q695444
Multimedia: Bermeo / Q695444
Liburuak: Euskal Herriko bidaia-gida/Herriz herri/Bermeo

[ine-nekazaritza-kokapena-8] INEk ustiategi baten lur guztiak ustiategia kokatuta dagoen udalerriari egozten dizkio, nahiz eta lur horietako batzuk beste udalerri batzuetan egon. Horregatik, udalerri batzuetan NAE udalerriaren azalera baino handiagoa izan daiteke.

[ine-nekazaritza-ustiategiak-10] Ustiategi batek lur-erabilera bat baino gehiago izan ditzake; horregatik, erabilera bakoitzeko ustiategi-kopuruen batura ustiategi guztien kopurua baino handiagoa izan daiteke.

[dgt-etiketak-14] DGTren ingurumen-etiketak ibilgailuen isurien araberakoak dira: 0 (elektrikoak eta autonomia handiko entxufagarriak), ECO (hibridoak eta gasezkoak), C (Euro 4tik aurrerako gasolina-ibilgailuak eta Euro 6ko dieselak), B (Euro 3ko gasolina-ibilgailuak eta Euro 4-5eko dieselak); zaharrenek ez dute etiketarik.

[ine-eustat-17] 1 2 INEk eta Eustatek metodologia desberdinak erabiltzen dituzte errenta kalkulatzeko, eta, horregatik, haien zifrak ez dira zuzenean alderagarriak. INEren Etxeguneen Errentaren Banaketaren Atlasak etxegune bakoitzaren errenta haren kide guztien artean banatzen du, adingabeak barne, eta haren P80/P20 zatidura kontsumo-unitateko errentaren 80. eta 20. pertzentilen arteko zatidura da (zenbat eta handiagoa, orduan eta desberdintasun handiagoa). Eustatek, berriz, 18 urteko eta gehiagoko pertsona bakoitzaren errenta eta familia bakoitzarena neurtzen ditu, eta haren 20/80 ratioak diru-sarrera txikienak dituzten % 20ren batez besteko errenta handienak dituztenen % 20renarekin alderatzen du, ehunekotan (zenbat eta handiagoa, orduan eta berdintasun handiagoa).

[gini-21] 0 balioak berdintasun osoa adierazten du eta 100 balioak desberdintasun handiena; zenbat eta baxuagoa, orduan eta banaketa berdinagoa.

[1] Euskararen Adierazle Sistema. Euskara-gaitasuna adinaren eta sexuaren arabera. EAE (eskualdeka/udalerrika). Eusko Jaurlaritza.

[2] «Kaleko erabilera herrialdez herrialde» Euskararen erabilera (Wikipedia).

[3] «Etxeko erabilera» Euskararen erabilera (Wikipedia).

[4] Bermeoren mugakideak erakusten dituen mapa. Google maps (Bermeo).

[5] «Balio klimatologiko normalak: Bilbao Aeropuerto», Espainiako Meteorologia Agentzia. Eskuratze data: 2011-06-22.

[6] Jesús L. ORTEGA: «Una isla de metal frente a Bermeo», El Correo, 2009-02-27.

[ine-nekazaritza-azalera-48-7] INE, «Explotaciones por tipo de cultivo», Nekazaritza Errolda 2020. Datuak: INE nekazaritza-azalera Bizkaia.tab (Wikimedia Commons).

[wd-azalera-9] Udalerriaren azalera: Wikidata, Q695444.

[eustat-abeltzaintza-11] Eustat, «Nekazaritza-ustiategietako abelburuak, udalerriaren eta espeziearen arabera». Datuak: EUSTAT abeltzaintza.tab (Wikimedia Commons).

[ine-abeltzaintza-48-12] INE, «Explotaciones ganaderas por tipo de ganado», Nekazaritza Errolda 2020. Datuak: INE abeltzaintza Bizkaia.tab (Wikimedia Commons).

[dgt-48-2025-13] 1 2 3 DGT, «Datos municipales general» (2025). Datuak: DGT ibilgailuak Bizkaia.tab (Wikimedia Commons).

[ine-errenta-15] INE, «Indicadores de renta media y mediana» (ADRH), ADRH errenta Bizkaia.tab.

[eustat-pert-pct-16] Eustat, «Pertsona- eta familia-errentaren estatistika», Errenta pertsonalaren pertzentilak EUSTAT.tab.

[eustat-fam-pct-48-18] Eustat, «Pertsona- eta familia-errentaren estatistika», Errenta familiarraren pertzentilak EUSTAT Bizkaia.tab.

[ine-fuente-19] INE, «Distribución por fuente de ingresos» (ADRH), ADRH fuente Bizkaia.tab.

[ine-gini-20] INE, «Índice de Gini y distribución de la renta P80/P20» (ADRH), ADRH gini erreferentziak.tab.

[eustat-fam-adi-22] Eustat, «Pertsona- eta familia-errentaren estatistika», Errenta familiarraren adierazleak EUSTAT.tab.

[eustat-pert-adi-23] Eustat, «Pertsona- eta familia-errentaren estatistika», Errenta pertsonalaren adierazleak EUSTAT.tab.

[ine-harremana-24] 1 2 3 (Gaztelaniaz) «Población de 16 y más años por sexo, lugar de nacimiento (España/extranjero) y relación con la actividad (agrupado) (Municipios de 500 habitantes o más)» Biztanleria eta Etxebizitza Zentsua (INE).

[ine-jarduera-25] 1 2 (Gaztelaniaz) «Ocupados de 16 y más años por sexo y actividad económica (1 letra) (Municipios de 500 habitantes o más)» Biztanleria eta Etxebizitza Zentsua (INE).

[ine-okupazioa-26] 1 2 (Gaztelaniaz) «Ocupados de 16 y más años por sexo, lugar de nacimiento (España/extranjero) y ocupación (agregada) (Municipios de 500 habitantes o más)» Biztanleria eta Etxebizitza Zentsua (INE).

[ine-egoera-27] (Gaztelaniaz) «Ocupados de 16 y más años por sexo y situación profesional (Municipios de 500 habitantes o más)» Biztanleria eta Etxebizitza Zentsua (INE).

[ine-jarduera-jaiolekua-28] (Gaztelaniaz) «Ocupados de 16 y más años por sexo, lugar de nacimiento (España/extranjero) y rama de actividad (Municipios de 500 habitantes o más)» Biztanleria eta Etxebizitza Zentsua (INE).

[29] Población por sexo, edad (grupos quinquenales) y nacionalidad (española/extranjera). .

[30] «Euskal AEko hazkunde begetatiboa, lurralde eremuka. 1975 - 2023-PxWeb» PxWeb (kontsulta data: 2026-07-29).

[31] «Euskal AEko jaiotza biziak, lurralde-eremuen eta sexuaren arabera. 1996 - 2024-PxWeb» PxWeb (kontsulta data: 2026-07-30).

[ine-jatorria-32] INE, «Población por relación entre lugar de nacimiento y de residencia» (Padroia), Jatorria Bizkaia.tab.

[eu-jatorria-33] Eustat, «Biztanleria jaioterriaren arabera», Jaioterria - Euskal Autonomia Erkidegoa - udalerriak.tab.

[eu-nazionalitatea-34] Eustat, «Biztanleria nazionalitatearen herrialde-taldearen arabera», Nazionalitatea - Euskal Autonomia Erkidegoa - udalerriak.tab.

[ine-herrialdea-35] INE, «Población por país de nacimiento» (Padroia), Jaioterria Bizkaia.tab.

[EUSTAT-etxe-36] 1 2 3 4 5 6 «Etxebizitzen parkea» Biztanleriaren eta etxebizitzen errolda. Etxebizitzak (Eustat).

[INE-59531-37] (Gaztelaniaz) «Etxebizitzak erabilera-intentsitatearen arabera (kontsumo elektrikoa)» 2021eko Biztanleria eta Etxebizitza Zentsua (Espainiako Estatistika Institutua).

[INE-39363-38] (Gaztelaniaz) «Etxebizitza turistikoak, plazak eta plazak etxebizitza turistiko bakoitzeko. Udalerriak» Etxebizitza turistikoen kopuruaren neurketa (estatistika esperimentala) (Espainiako Estatistika Institutua).

[ine-ikasketa-maila-39] 1 2 3 (Gaztelaniaz) «Población de 15 y más años por sexo, lugar de nacimiento (España/extranjero) y nivel de estudios (Municipios de 500 habitantes o más)» Biztanleria eta Etxebizitza Zentsua (INE).

[ine-ikasten-40] 1 2 (Gaztelaniaz) «Población de 15 y más años por sexo, lugar de nacimiento (España/extranjero) y nivel de estudios en curso (Municipios de 500 habitantes o más)» Biztanleria eta Etxebizitza Zentsua (INE).

[ine-ikasten-adina-41] (Gaztelaniaz) «Población de 15 y más años por sexo, edad (grupos quinquenales) y nivel de estudios en curso (Municipios de 500 habitantes o más)» Biztanleria eta Etxebizitza Zentsua (INE).

[42] Bizkaiko Foru Aldundia: , Plan de Accesibilidad Sostenible, 2011-08-29

[43] «Ahotsak.eus, Euskal Herriko hizkerak eta ahozko ondarea» www.ahotsak.eus (kontsulta data: 2018-06-27).

[44] «Bermeon euskaraz beti - Ahotsak.eus» ahotsak.eus (kontsulta data: 2018-06-27).

[45] zital. (2021-12-22). Bermiotarra - Berbak eta esamoldiek. (kontsulta data: 2022-04-08).

[46] «Busturialdekoa - Ahotsak.eus» ahotsak.eus (kontsulta data: 2018-06-27).

[47] «Bermeo - Ahotsak.eus» ahotsak.eus (kontsulta data: 2018-06-27).

[Izenik_gabekoa_2-20251116205731-48] 1 2 «Hizkuntzen erabileraren kale neurketa. Udalerriak, 2021» Soziolinguistika Klusterra (kontsulta data: 2025-01-27).

[49] {[Betiko hautsitako esteka]}, Bermeoko Hitza, 2012-07-12.

[50] 2017-03-19^{[Betiko hautsitako esteka]}

[51] «Bermeok atzera bota du Uema uzteko erabakia, eta ordezkariak izendatu ditu»^{[Betiko hautsitako esteka]}, Berria, 2011-09-02.

[52] «Bermeo, primer pueblo de Bizkaia en tener certificado "Bikain de Oro"», Deia, 2011-11-24.

[Izenik_gabekoa-1ž7bP-1-53] 1 2 Larretxea, Oihane. (2022-12-25). «Elbira Zipitriak andereño ugari formatu zituen frankismoan, ezkutuan» naiz: (kontsulta data: 2022-12-27).

[Izenik_gabekoa-1ž7bP-2-54] 1 2 «Elbira Zipitria Mañun dago lurperatuta - Ahotsak.eus» ahotsak.eus (kontsulta data: 2022-12-27).

[55] , Armarria, 2011-08-05

[56] [Bermeoko Jaietako Gida 2009], El Escudo Heráldico de Bermeo, 2011-09-29

[57] Euskaltzaindiak onartutako ponte izenen zerrendan hauxe ageri da: «Aketx, Gaztelugatxe ondoko Bermeoko uhartea». Bizkaiko Foru Aldundiak argitaratutako Bizkaiko maparen 2009ko eta 2005eko^{[Betiko hautsitako esteka]} edizioetan ere Aketx ageri da.

[58] Aitziber ATXUTEGI: «Ereaga y Aritzatxu, las mejores playas»^{[Betiko hautsitako esteka]}, Deia, 2011-10-04.

[1]

[2]

[3]

[4]

[5]

[6]

[7]

[oh 1]

[8]

[oh 2]

[9]

[10]

[11]

[oh 3]

[12]

[13]

[oh 4]

[14]

[15]

[16]

[oh 5]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]

[33]

[34]

[35]

[36]

[37]

[38]

[39]

[40]

[41]

[42]

[43]

[44]

[45]

[46]

[47]

[48]

[49]

[50]

[51]

[52]

[53]