Jasokundeko Andre Mariaren eliza (Iheltz)

Jasokundeko eliza
Kokapena
Herrialdea	Euskal Herria
Probintzia	Nafarroa Garaia
Udalerria	Lizoainibar-Arriasgoiti
Koordenatuak	42°47′52″N 1°30′45″W

Jasokundeko Andre Mariaren eliza Lizoainibarko Iheltz lekuan Aro Modernoko kristiau eliza bat da.

Eraikina

Herriaren erdian kokatua, garai batean herritik kanpo zegoen beste erromaniko baten lekua hartu zuen. Gaur egungoak oinplano angeluzuzena du eta dorrea oinaldean. Aurreko elizako hilobi-lauzaren bat duen atari batek erdi-puntuko arkudun portada babesten du. Barruan, erretaula nagusi barrokoa dago, hiru kaletan eta teilatupean atal bakarrekoa. Apaindura aberatsa da; lau zutabeetako fusteak girlandaz apainduta daude. San Bizente, San Kristobal, San Frantzisko Xabierrekoa eta Arrosarioko Ama Birjinaren tailuak ezagunak dira. Sagrarioa erromanista da, XVII. mendekoa, eta Erresuzituaren erliebeak ditu atean, eta Pedro eta Pablo santuak alboetan. Erromanistak dira, halaber, San Rokeren eta San Juanen bi tailu (kalbario batekoak), orain erretiratuta daudenak. Alboko beste erretaula bat, XVIII. mendekoa, landare-dekorazio ugariko nitxo batera mugatzen da. Parrokia honetakoa da prozesio-gurutze bat, zilarrezkoa, XVIII. mendekoa, rococo estilokoa, arrokailazko apaingarriekin, eta Lerruz herrian kontserbatzen dena. Atzealdean Arrosarioko Ama Birjina eta korapiloan Andres, Santiago, Joan Ebanjelari eta Pablo santuak.

Erreferentziak

• Nafarroako Entziklopedia Handia | IHELTZ. (Noiz kontsultatua: 2021-10-23).

Ikus, gainera

• Iheltz

Kanpo estekak

• Datuak: Q109301515