Jeremiah Johnson

Jeremiah Johnson
Jatorria
Argitaratze-data	1972
Izenburua	Jeremiah Johnson
Jatorrizko hizkuntza	ingelesa; Crow (en) ; Salish–Spokane–Kalispel (en)
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	Westerna eta film dramatikoa
Iraupena	108 minutu
Kolorea	koloretakoa
Deskribapena
Oinarritua	Mountain Man (en)
Grabazio lekua(k)	Utah
Zuzendaritza eta gidoia
Zuzendaria(k)	Sydney Pollack
Gidoigilea(k)	Edward Anhalt; John Milius; David Rayfiel
Antzezlea(k)
	Robert Redford ; Will Geer ; Paul Benedict ; Stefan Gierasch ; Matt Clark ; Jack Colvin ; Charles Tyner (en) ; Tim McIntire
Ekoizpena
Ekoizlea	Joe Wizan
Konpainia ekoizlea	Warner Bros.
Edizioa	Thomas Stanford
Ekoizpen-diseinatzailea	Ted Haworth (en)
Bestelako lanak
Musikagilea	Tim McIntire
Argazki-zuzendaria	Duke Callaghan (en)
Fikzioa
Kontakizunaren tokia	Colorado
Argumentu nagusia	Ameriketako Estatu Batuetako amerindiarra

Jeremiah Johnson, Hego Euskal Herrian Jeremiah Johsonen Abenturak, 1972ko Sydney Pollack estatubatuarrak zuzendutako biziraupen eta abentura western film bat toda. Robert Redford, Will Geer, Stefan Gierasch, Delle Bolton eta Josh Albee aktoreek antzeztu zuten.

Raymond Thorp eta Robert Bunkerren Crow Killer: The Saga of Liver-Eating Johnson (Crow Hiltzailea: Johnson Gibeljalearen Saga) liburuan eta Vardis Fisherren Mountain Man (1965) eleberrian oinarritua dago.

Argumentua

1848 urtea, Mendebalde Urruna, Jeremiah Johnson (Robert Redford) Estatubatuar-Mexikar Gerrako soldadu ohia jendeaz eta gizarteaz asperturik Mendi Harritsuetara joango da, bertako lurralde basatian bakarrik bizirauteko asmoz.

Johnsonek basa eremuan eskarmenturik ez duenez hasieran larrialdi ugari pairatuko ditu, baina handik gutxira bera bezala bakarrik bizi den Chris Lapp (Will Geer) ehiztari eta tranpa-jartzaile zahar eta eskarmentudunak bizirauten lagunduko dio. Ondoren Swan (Delle Bolton) indiar emakumea eta semetzat hartuko duen Caleb (Josh Albee) mutikoarekin bizileku bat eraikiko du.

Crow tribuko indiarrek bere sendia erail ostean, Jeremiah mendekuaren bila irtengo da.

Aktoreak

Robert Redford: Jeremiah Johnson
Will Geer: Bear Claw / Chris Lapp
Stefan Gierasch Del Gue
Delle Bolton: Swan
Josh Albee: Caleb
Joaquín Martínez: Ator Gorridun
Allyn Ann McLerie: Emakume eroa
Paul Benedict: Lindquist erreberendoa
Jack Colvin: Mulvey tenientea
Matt Clark: Qualen

Kritika

Allmovie aldizkari eta webgunearen arabera: «1970eko hamarkadako estatubatuar kulturaren testuinguruan, Henry David Thoreauren idazlanean oinarritutako ingurugiroaren aldeko filma antisistema honek ikuslegoa bereganatu zuen»^[1]. Variety aldizkariak zioenez: «Filmak berezko indar eta edertasuna du, eragozpen bakarra bere antzezpenean datza, ez baita oso argia, bertako pertsonaia gehienak espiritu humanista eta askatasunaren alde borrokatzen baitira»^[2]. Eta New York Times egunkariaren arabera: «Sydney Pollack zuzendariaren Jeremiah Johnson filma kondaiaren dohaiaz bustia dago, honetan Robert Redford izarra da, bere izateko era eta sentipenengatik berarentzako paper oso erreala izango zelarik. Oso paper erakargarria da eta Redfordek zuhurtasun eta garbiki antzezten du, gizona nahiz antzezpena beratik irtena dela diruelarik».^[3].

Erreferentziak

↑ Jeremiah Johnson review. Allmovie.
↑ Jeremiah Johnson. Variety.
↑ Jeremiah Johnson (1972). New York Times.

Kanpo estekak

Jeremiah Johnson filma The Internet Movie Database webgunean (Ingelesez)
Jeremiah Johnson filma Rotten Tomatoes webgunean (Ingelesez)
Las aventuras de Jeremías Johnson filma Filmaffinity webgunean (Ingelesez)
Jeremiah Johnson filma Allmovie webgunean (Ingelesez)

Datuak: Q1325034

[1] Jeremiah Johnson review. Allmovie.

[2] Jeremiah Johnson. Variety.

[3] Jeremiah Johnson (1972). New York Times.

[1]

[2]

[3]