Julie Dachez

Wikipedia, Entziklopedia askea
Julie Dachez

Bizitza
Jaiotza1985eko otsailaren 5a (39 urte)
Herrialdea Frantzia
Hezkuntza
HeziketaNantesko Unibertsitatea 2016) doctorate in France (en) Itzuli : Psikologia
TesiaQ116464728 Itzuli
Hizkuntzakfrantsesa
Jarduerak
Jarduerakblogaria, komiki gidoilaria, aktibista, idazlea eta ikertzailea
Lan nabarmenak
Izengoitia(k)Super Pépette
emoiemoietmoi.over-blog.com
Twitter: Julie_Dachez Youtube: UCF-njLWFsgM97UGvScZqH4Q Edit the value on Wikidata

Julie Dachez (ʒy.li da.ʃe; 1985eko otsailaren 5a) frantziar gizarte-psikologoa eta pertsona autisten eskubideen aldeko ekintzailea da. La Différence invisible eta Dans ta bulle! liburuen egilea da.

Bizitza[aldatu | aldatu iturburu kodea]

Negozio eskolan ikasi zuen eta lau urtez lan egin zuen sektore pribatuan. 2012an, 27 urte zituela, Asperger sindromea diagnostikatu zioten (gaur egun, diagnostiko hori ez da aintzat hartzen herrialde askotan eta autismo mota bat bezala besterik ez da hartzen)[1][2]. Ondoren, autismoari buruzko blog bat eta YouTubeko kanal bat sortu zituen eta gizarte psikologiako doktoretza programan izena eman zuen[2]. 2016an, Envisager l'autisme autrement: une approche psychosociale tesia defendatu zuen[3], Frantzian autismoari buruzko tesi bat defendatu zuen lehen pertsona autista ireki bihurtuz[2].

Autismoa «normaltasunarekin obsesionatuta dagoen gizarteak patologisatutako funtzionamendu-desberdintasun bat» bezala ikusten du[4] eta ikuspuntu sozialetik aztertzen du, batez ere autistek jasaten duten estigmatizazioari eta diskriminazioari dagokionez[1][4]. Bere ustez, autisten jokabide espezifikoak inguruneari aurre egiteko moduekin lotuta daude[2].

Autismoa diagnostikatzeko irizpideak kritikatzen ditu, batez ere gizonezkoengan ohikoagoak diren ezaugarrietarako diseinatuta daudelako[1][2]. Frantzian autismoari buruzko ezagutza eza ere kritikatzen du, batez ere emakume autistei buruzkoa[5].

Autismoaren inguruko bi liburu argitaratu ditu. Lehenengoa, La Différence invisible, Mademoiselle Carolinerekin batera idatzitako komiki autobiografikoa da[6][7]. Bigarrenak, Dans ta bulle! izenekoak, Josef Schovanecen hitzaurrea duenak, saiakera eta narrazioen forman hainbat pertsona autista helduren bizipenak biltzen ditu.

Autismoaren inguruko hitzaldiak ematen ditu eta, besteak beste, autistekin lotutako aurreiritziak gainditzeko kanpainak antolatzen ditu[1].

Lanak[aldatu | aldatu iturburu kodea]

Liburuak[aldatu | aldatu iturburu kodea]

  • La Différence invisible (Mademoiselle Carolinerekin batera, 2016)
  • Dans ta bulle ! (2018)

Artikuluak[aldatu | aldatu iturburu kodea]

  • French Validation of the Multidimensional Attitude Scale Toward Persons with Disabilities (MAS) : The case of Attitudes Toward Autism and Their Moderating Factors (Andre Ndobo et Anaïs Amelinerekin batera, 2015)
  • Représentation sociale de l'autisme (André N'Dobo eta Oscar Navarro Carrascalekin batera, 2016)

Erreferentziak[aldatu | aldatu iturburu kodea]

  1. ↑ a b c d (Frantsesez) «Autisme Asperger : en finir avec les préjugés» Franceinfo 2019-01-11 (Noiz kontsultatua: 2024-02-09).
  2. ↑ a b c d e (Frantsesez) Cabut, Sandrine. «Julie Dachez, une incarnation de l’autisme au féminin» Le Monde 2018-09-02 (Noiz kontsultatua: 2024-02-09).
  3. ↑ (Frantsesez) Dachez, Julie. «Envisager l'autisme autrement : une approche psychosociale» Theses (Noiz kontsultatua: 2024-02-09).
  4. ↑ a b (Frantsesez) Gambert, Philippe. «Julie Dachez, « l’autisme n’est pas une maladie »» Ouest France 2018-05-13 (Noiz kontsultatua: 2024-02-09).
  5. ↑ (Frantsesez) «Julie Dachez et les spécificités de l'autisme féminin» Brut (Noiz kontsultatua: 2024-02-09).
  6. ↑ (Frantsesez) Taugis, David. «La Différence invisible - Par Julie Dachez & Mademoiselle Caroline-Delcourt» Actua BD 2016-12-31 (Noiz kontsultatua: 2024-02-09).
  7. ↑ (Frantsesez) Fréour, Pauline. «L'éclosion à la vie d'une autiste qui s'ignorait» Le Figaro 2016-09-15 (Noiz kontsultatua: 2024-02-09).

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Julie_Dachez&oldid=9635911"(e)tik eskuratuta