Karlos II.a burdin-jantziaz

Karlos II.a burdin-jantziaz
Jatorria
Sortzailea(k)	Juan Carreño de Miranda
Sorrera-urtea	1681
Mugimendua	Barrokoa
Ezaugarriak
Materiala(k)	olio-pintura eta Margo-oihala
Dimentsioak	232 () × 125,5 () cm ;
Genero artistikoa	erretratua
Telesaila	Charles II of Spain series (en)
Egile-eskubideak	jabetza publiko
Deskribapena
Kokapena
Lekua	Pradoko Museoa
Bilduma	Pradoko Museoa
Inbentarioa	P007101
Argumentu nagusia	Karlos II.a Espainiakoa

Karlos II.a burdin-jantziaz (gaztelaniaz: Carlos II con armadura) olio-pintura bat da, Juan Carreño de Miranda (1614-1685) margolari espainiarrak 1681. urtean egina. Karlos II.a Espainiakoa erregearen erretratua da. Erregeak kontrolpean zituen artisten kopurua hain handia zen Europako margolan bilduma handienetariko bat izateko aukera eman ziola. Margolan hau, jatorriz, El Escorialgo areto batean zegoen, egun Madrilgo Prado museoan dago eta honako inbentario zenbakia du: P07101.^[1]

Deskribapena[aldatu | aldatu iturburu kodea]

Margolaneko pertsonaia, Karlos II.a Espainiakoaren gorpu osoko erretratua da, ilea luzea eta burdin-jantzi itxura duen armadako ekipoa darama soinean. Burdin-jantzia Borgoinako gurutzearekin eta eguzki distiratsu batekin dekoratuta dago. Erregearen atzealdean lehoien gainean jarritako mahai bat ikus daiteke, honen gainean kaskoa eta eskularruak daude. Fondoan, balaustrada baten atzean, gerraontziak ikus daitezke kanoiak jaurtiaz.

Historia[aldatu | aldatu iturburu kodea]

Karlos II.a Espainiakoa, Espainian izandako azken Habsburgoa izan zen, jaiotzez, ezgaitasun fisikoak eta mentalak izan zituen eta zaintzaileen laguntza jaso zuen bizitza osoan. Margolariaren lana, erregea modu idealizatuan zein errealean aurkezteko, ez zen erraza izan^[2]. Irudiaren dataren arabera, erregeak 20 urte zituen. Armadako jantziaz irudikatu zuten lehen aldia da. Pinturaren atzealdeko gerra erreferentziak Frantziako Luis XIV. aren kontrako gerrarenak dira. Margolana X-izpiekin aztertu da eta, egungo geruzaren azpian, erregearen beste erretratu bat azaldu da, hamar urte zituela.^[3]