Kaskezur (musika taldea)
| Kaskezur | |
|---|---|
| Datuak | |
| Jatorria | Baztan, Nafarroa (Euskal Herria) |
| Musika mota | rock |
| Urteak | 2004 - |
| Taldekideak | |
| Imanol Zubieta Mikel Sanchez Ion Minde Iñigo Iturria | |
| Lehengo taldekideak | |
| Lander Santamaria Ainara Ibarra Luismi Garcia Phillipe Santamaria | |
  | |
Kaskezur 2004an Baztanen sorturiko taldea da.
Ibilbidea
[aldatu | aldatu iturburu kodea]2008an eman zituen lehen pausoak Kaskezurrek, Baztango bailararen lasaitasuna, haien Noise eta Rock soinuekin aztoratzea erabaki zutenean.
90. hamarkadako rock musikak gordetzen duen askatasunaren bidean kantak egiten hasi ziren. Sonic Youth eta Pixies bezalako taldeen soinuaren garrantzia nabarmena zen. Hasieratik 4 partaidek osatzen dute taldea, gaur egun Ion, Mikel, Imanol eta Iñigok segitzen dutelarik; 2 ahots, 2 gitarra, baxua eta bateria formatuan beti.
2013an, Ilgora (Autoekoizpena) argitaratu zuen, taldearen soinua aldatu eta, aldi berean, euskal eszena alternatiboaren ateak ireki zizkion diska. Aurretik, rock klasikoaren eta psikodelian ausnartzen duten Gure Jokua (Labatelkueyo Records, 2010) eta Itzulera… (Autoekoizpena, 2008) lehendabiziko lanak argitaratu zituzten.
Azpisugeak lanak (Mukuru, 2017) harrera ona izan zuen bai kritikaren bai publikoaren aldetik, eta Euskal Herriko musikaren eszenan berezko lekua finkatzea ahalbidetu zion taldeari. Komunikabide desberdinek harrera ona eman zioten diskoari, urteko diska onenen hainbat zerrendetan sartuz.
Ihesi doaz animaliak (Mukuru,2019) aurreko diskoarekin landutako soinu eta erritmo berriak lantzen jarraitu zuten, han eta hemen kontzeryuak egiten 2020ko pandemiak geldialdia eragin zuen arte. Orduztik, mantxo eta poliki egin dituzte gauzak. “Mendiak 1976” dokumentalerako egindako kantua izan delarik argitaratutako gauza bakarra.
Orain “Deus” (Usopop, 2024) diskoarekin bueltan dira.
Diskografia
[aldatu | aldatu iturburu kodea]- maketa (2005, autoekoizpena)
- Itzulera kapsularik gabe espaziora bidalitako azken zakurrak (2008, autoekoizpena)
- Gure jokua (2010, Labatelkueyo)
- Ilgora (2013, autoekoizpena)[1]
- Azpisugeak (2017, autoekoizpena Mukuru)[2]
- Ihesi doaz animaliak (2019, autoekoizpena Mukuru)[3]
- 1976 (2022, autoekoizpena).[4]
Erreferentziak
[aldatu | aldatu iturburu kodea]- ↑ «Ilgora» www.badok.eus (Noiz kontsultatua: 2019-10-26).
- ↑ «Azpisugeak» www.badok.eus (Noiz kontsultatua: 2019-10-26).
- ↑ «Ihesi doaz animaliak» www.badok.eus (Noiz kontsultatua: 2019-10-26).
- ↑ 1976. .
Kanpo estekak
[aldatu | aldatu iturburu kodea]
Datuak: Q31189098