Kōnin enperadorea

Kōnin enperadorea
Japoniako enperadorea 770 (egutegi gregorianoa) - 781 (egutegi gregorianoa) ← Kōken Enperatriza - Kanmu Enperadorea →
Bizitza
Jaiotza	709ko azaroaren 18a
Herrialdea	Japonia
Heriotza	Heijo-kyo, 782ko urtarrilaren 11 (72 urte)
Hobiratze lekua	Nara
Heriotza modua	berezko heriotza
Familia
Aita	Shiki no miko
Ama	Ki no Tochihime
Ezkontidea(k)	Inoe-naishinnō (en) Fujiwara no Ubuko (en) Takano no Niigasa (en) Fujiwara no Sōshi (en)
Seme-alabak	ikusi Kaijō (en) Noto-naishinnō (en) Prince Sawara (en) Kanmu Enperadorea Sakahito (en) Osabe-shinnō (en) Hieda-shinnō (en) Minuma-naishinnō (en)
Haurrideak	ikusi Kasugau-ō (en)
Leinua	Japoniako Leinu Inperiala
Hezkuntza
Hizkuntzak	japoniera
Jarduerak
Jarduerak	agintaria

Kōnin enperadorea (japonieraz: 光仁天皇, Kōnin-tennō, 709ko azaroaren 18a-782ko urtarrilaren 11) Japoniako 49. enperadorea izan zen oinordekotza ordena tradizionalaren arabera. 770 eta 781 bitartean gobernatu zuen. Krisantemoko Tronura iritsi baino lehen, bere izen pertsonala (imina) Shirakabe Printze Inperiala (Shirakabe-shinnō) zen.

Genealogia

Shiki Printze Inperialaren semea eta Tenji enperadorearen biloba zen. Hasiera batean, ez zegoen oinordekotza lerroan, baina Tenmu enperadoreak eta bere adarrak, tronua eskaini zioten. Ikami Printzesa Inperialarekin ezkondu zen, Shōmu enperadorearen alaba bat zena, honekin, alaba bat eta seme bat izan zituelarik

Konin enperadoreak, bost enperatriz eta zazpi seme-alaba izan zituen.

Biografia

Bere koinata zen Kōken Enperatriza 770ean hil ondoren, Shirakabe Printze Inperiala, bere oinordeko bezala izendatua izan zen. Arrazoia, goi gortetiarrek, enperatrizari, hau hil zorian zegoenean, printzea bere oinordekoa izan zitekeela esan baitzioten, anbizio politikorik gabeko gizon adeitsu bat baitzen. Enperadore, 60 urterekin bihurtzen da, Kōnin enperadorea izenarekin.

Bere erregealdian, estatuko erakunde finantzari eta administratiboak berreraikitzen saiatu zen, Shōtoku Enperatrizaren erregealdian ustelduak izan zirenak.

Hilabete batzuetan, Ikami Printzesa, Enperatriz bihurtu zen, eta honen semea, Printze Oinordekoa. Baina, handik gutxira, bere senarra, Konin enperadorea sorgindu izana leporatu zioten. Gaur egun, salaketa hau, bere semea errege bihur ez zedin lortzeko mendeku bat izan zela uste da. Honela, printzesa, ezkontide kargutik kendua izan zen, eta handik gutxira hil zen gaixotasun baten ondorioz, erregistro ofizialen arabera.

Printzesa hil ondoren, Yamabe printzea, enperadorearen eta Takano no Niigasaren semea, enperadorearen oinordeko izendatua izan zen. Shoku Nihongiaren arabera, Takano no Niigasa, Paektxeko Muryeong Erregearen ondorengo bat zen.

781ean, enperadoreak, kargua uzten du 71 urterekin bere seme Kanmu enperadorearen mesedatan. Hilabete batzuk beranduago, 782an, hil egin zen.

Kugyōak

• Sadaijin: Fujiwara no Nagate (714 – 771)
• Sadaijin: Fujiwara no Uona (721 – 783)
• Udaijin: Ōnakatomi Kiyomaro (702 – 788)
• Nadaijin: Fujiwara no Yoshitsugu (716 – 777)
• Dainagon: Fujiwara no Momokawa (732 – 779)

Aroak

• Hōki aroa (770-781)

Aurrekoa Kōken enperatriza

Japoniako enperadorea 770-781

Ondorengoa Kanmu enperadorea

• Datuak: Q958662