Laboratorium Bergara

Laboratorium Bergara
Laboratorium Bergara Museoa Errekalde jauregian. Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Bergara
Arkitektura
Deskribapena
Irekitze data	2015
Webgunea	https://www.laboratorium.eus

Laboratorium Bergara museoa Gipuzkoako Bergarako udal museoa da. Gizarte museoa da eta bere bilduma nagusiak zientzia-arlo hauetakoak dira: kimika, fisika eta zoologia. Bere egoitza Errekalde jauregian du. Bergarako errege mintegia izandakoaren bilduma jaso, ikertu, dokumentatu eta museo bilduma sortu du.

Historia

2015. urteko irailaren 25ean inauguratu zuen Bergarako Udalak. Urte askotako eta pertsona askoren lanen emaitza izan zen.

1981. urtean erabaki zuen udalak museoa egitea. Horretarako bildumak berreskuratzeko lan egin behar izan zen. Urte hartan museoaren proiektua gauzatzeko lehen saiakerak egin ziren, herritarren laguntzari esker –Promoción Cultural Bergaresa taldea; batzorde Irekia–; hala ere, 1991. urtera arte ez zen egitasmoa profesionalizatze bidean jarri.

Hain zuzen ere, urte honetan eman zitzaion hasiera bildumen urgentziazko kontserbazio, inbentario eta balorazio teknikoa egiteko faseari, museoan ikusten diren piezak ikertu, zaharberritu eta prestatuz. Lan horretan aritzeko ekipo profesional bat osatu zen: lehenbizi museologo bat kontratatu zen eta ondoren zoologo bat eta kimikari bat.

Egun, Rosa Errazkin kimikaria da museoaren zuzendaria.

Egoitza

Frantzizko Xabier Munibe, Peñafloridako kondearena izan zen etxebizitzan kokatuta dago, Errekalde Jauregi neoklasikoan. Eraikina IXX. mendeko lorategi erromantiko batez inguratuta dago, gaur egun erabilera publikoa duena.

Hiru solairu eta ganbara ditu. Lehenengoan arrera, takilen gela, laborategia eta aldi baterako erakusketen aretoak daude. Bigarrenean erakusketa iraunkorra dago eta hirugarrenean bulegoak daude. Horren gainetik ganbara dago. Erdian, argi patioa dauka eta estaldura gisa, kupula bitxia dauka: ispiluz osatutako azala duen danbor baten gainean kokatuta dago beirazko argizuloa.

Legezko aitortza

"Euskadiko museoa" izendapena aitortu zion Eusko Jaurlaritzako Hezkuntza, Hizkuntza Politika eta Kulturako sailburuak, 2015eko abenduaren 11ko agintean, eta Euskadiko Museo eta Bildumen Erregistroan sartu zuen. Euskal Herriko Agintaritza Aldizkarian 2016ko urtarrilaren 12an argitaratu zen.

Multimedia

• 
  Egoitzatik ikusten den lorategia.
• 
  Lehoinabarra disekatua. Zoologia bilduma. Zoologia bilduma.
• 
  1892an Charles Mildék asmatutako telefonoa. Zientzia eta teknologia- tresneriaren bilduma.
• 
  Giza eskuin begiaren igeltsuzko modeloa (GA-01). XIX. mende amaierakoa. Anatomia bilduma.

Bisitarientzako informazioa

Ordutegia

Urtaroaren arabera aldatzen dira irekitzeko eta ixteko orduak. Gaur egun, Bergarako turismo bulegoa ere bertan kokatuta dago, museoarekin zerbitzuak partekatuz. Bertan erreserbatzen dira, adibidez, herriaren alderdi monumentalak ezagutzeko ibilbide gidatuak.

Udatik kanpokoa

• Astelehenetik larunbatera: 10:00-14:00/16:00-19:00
• Igandeetan: 10:00-13:00

Udakoa

• Astelehen eta astearteetan itxita.
• Asteazken eta ostegunetan: 10:00-14:00
• Ostiral eta larunbatetan: 10:00-14:00/16:00-19:00
• Igandeetan: 10:00-13:00

Bibliografia

• Aranburu, Xabier; Errazkin, Rosa eta Irizar, Iñaki (2013): Bikaina, aberatsa, aurrera begira. Bergarako Errege Seminarioaren gida. Bergara: Bergarako Udala. ISBN 978-84-938106-2-7

Ikus, gainera

• Zerrenda:Euskal Herriko museoak
• Zerrenda:Euskal Herriko museoak gaika
• Bergarako Errege Mintegia
• Bergara

Kanpo estekak

• Laboratorium Bergara museoko web ofiziala

• Datuak: Q63171084
• Multimedia: Laboratorium Bergara / Q63171084

Artikulu hau zirriborroa da. Wikipedia lagun dezakezu edukia osatuz.