Sunita Williams[aldatu | aldatu iturburu kodea]

Bizitza goiztiarra eta hezkuntza[aldatu | aldatu iturburu kodea]

Sunita Pandya Lyn Williams (Estatu Batuak, Ohio,1965ko irailaren 19a) Estatu Batuetako Itsas Armadako ofizial eta astronauta bat da. Bi marka garrantzistu bereganatzeagatik da oso ezaguna. Alde batetik, ibilaldi espazial gehien gauzatu dituen emakumea izan zen bere garaian (7 guztira) eta bestetik, ibilaldi espazial batean igarotako denbora-tarte luzeena eman zuen emakumea izan zen (50 ordu eta 40 minutu). Sunita, 14.Espedizioaren eta 15.Espedizioaren menbru izendatu zuten Espazioko Estazio Internazionalean (ingelesez International Space Station edo ISS). 2012an, 32.Espedizioan ontzigintza-ingeniari bezala aritu zen, eta geroago, komandante bezala aritu zen hurrengo espedizioan. Sunita Williams 2006ko espazio-estazioan zegoen Discovery izeneko transbordadore espazialean bidaiatu zuen eta 29 ordu eman zituen lanean espazioko estaziotik kanpo. Marka berri bat lortu zuen espazioan, 192 egun xahutuz.

Sunita Williams Eucliden (Ohio) jaio zen. Bere gurasoak Deepak Pandya neuroanatomista indo-amarikarra eta Ursuline Bonnie dira, eta Falmouthen (Massachusetts) bizi dira. Sunita hiru seme-alabetatik gazteena da, izan ere, bere anaia, Jay Thomas lau urte zaharragoa da, eta bere arreba, Dina Annadj, hiru urte zaharragoa. Bere aitaren familia Jhulasanekoa da, Indiako Mehsana en Gujarateko distritukoa. Bere amaren aldeko birramona aldiz, Lešen (Eslovenia) jaio zen eta Ameriketara emigratu zuen bere amarekin hamaika urte zituela. Williams Massachusettseko Needham en Needham institutuan graduatu zen 1983an.

1987an, zientzia fisikoetan graduatu zen Estatu Batuetako Itsas Akademian (ingelesez United States Naval Academy edo USNA) eta 1995an antolakuntza-ingenieritzan oinarritutako maisutza bat gauzatu zuen Floridako Teknologia Institutuan.

Karrera militarra[aldatu | aldatu iturburu kodea]

1987ko maiatzean, Estatu Batuetako Itsas Armadako (ingelesez Naval Air Training Command edo NATRACOM) alferez eginkizuna bete zuen. Kostaldeko komandoan 6 hilabetetako esleipen baten ondoren, Oinarrizko Urpeko Ofizial esleipena jaso zuen. Aurrerago, Aireko Ontzi Komandora aurkeztu zen, non ontzi-pilotu izendatu zuten 1989ko uztailean.

Lehen maratoia[aldatu | aldatu iturburu kodea]

2007ko apirilaren 16an, espazioko lehen maratoiean parte hartu zuen. Bostoneko Maratoian parte hartu zuen eta egin beharreko distanztia lau ordu eta hogeita lau minututan burutu zuen. Gainontzeko tripulatzaileek etengabe animatu zuten. Bere ahizpak eta Karen L. Nyberg izeneko bere astronauta kideak, maratoia Lurrean gauzatu zuten, eta Williamsek bere kontrol-misioaren aurrerapenen eguneratzeak jasotzen zituen. Urte bat beranduago, Bostoneko maratoiean parte hartu zuen berriro ere.

Bizitza[aldatu | aldatu iturburu kodea]

Michael J.Williams izeneko polizia federal batekin dago ezkonduta Sunita. Hogei urtez egon dira ezkonduta, eta elkarrekin bizi dira Texaseko behe-auzoetan. 2012an, Ahmedabad hiriko haur bat adoptatzeko desioa adierazi zuten. 2007ko irailean, Sunita Indiara joan zen eta bere herrixka izan zen Jhulasan en Gujarat bisitatu zuen. World Gujarati Society-k Sardar Vallabhbhai Patel Vishwa Pratibha sariarekin saritu zuen.

2007an, American Embassy School izeneko eskolan hitzaldi bat eman zuen eta gero Manmohan Singh ezagutu zuen, garai hartako Indiako Lehen Ministroa.

Ibilaldi espazialak[aldatu | aldatu iturburu kodea]

2012ko abuztutik aurrera, Sunitak zazpi ibilaldi espazial egin zituen, eta guztien iraunaldia batuz gero, berrogeita hamar ordu eta berrogei minutuko denbora tartea egon da espazioan. Denbora-tarte horrek, espazioko ibiltari trebatuenen zerrendan 9.postua hartzera eraman du. 2012ko abuztuaren 30ean, Nazioarteko Espazio Estaziotik (ingelesez International Space Station edo ISS) kanpora abiatu zen EVA-18 ontzi estatubatuetarra gidatzera Hoshide astronautarekin batera. Hondatuta zegoen Bus Nagusiaren Konmutaziozko Uniatea kendu eta aldatu zuten, eta hortaz aparte estalki termiko bat kokatu zuten egokitzaile nagusi batean.