Leotardo

Wikipedia, Entziklopedia askea
Leotardo
pantia
Strickstrumpfhose mit Webbund.JPG

Leotardoak oina eta zangoa gerriraino estaltzen duen jantzi estua da, gehienetan puntuzkoa izaten dena, pantiak baina artilezkoak, beste modu batean esanda. Hego Euskal Herriko hitza da, gaztelerazko erabileraren parekoa. Erabilera plurala du hizkuntzan (leotardoak janzten ditu batek)[1].

Erabilpena[aldatu | aldatu iturburu kodea]

1960ko hamarkadan jarri ziren modan Europan, diseinu eta kolore bizikoak izaten zirelarik sarri. Aldi berean, haurrentzako arropa moduan ere erabili izan ziren Europa aldean, 1990eko hamarkadan guztiz modaz pasatu ziren arte, negurako arropa moduan, bai neskato zein mutikoentzat (praken azpian). Gizonezkoentzakoak ere ekoiztu eta merkaturatu izan ziren 20. mendeko azken laurdenean, baina 21. mendean, ohituraz, emakumezkoentzako jantzia dela esan daiteke[2].

Nazioarteko erabileran, Ameriketako gazteleraz leotardo edo ingelesez leotard, beste produktu bat izan ohi da: dantzarako body bat, gerritik gora ere gorputza estaltzen duena sorbaldaraino, eta batzuetan galtzerdiak ere luzapen dituena[3].

Iruditegia[aldatu | aldatu iturburu kodea]

Erreferentziak[aldatu | aldatu iturburu kodea]

  1. Euskaltzaindiaren Hiztegia, Euskaltzaindia. «Leotardo» www.euskaltzaindia.eus (Noiz kontsultatua: 2021-02-14).
  2. (Alemanez) Strickstrumpfhose. 2021-01-26 (Noiz kontsultatua: 2021-02-14).
  3. (Ingelesez) «leotard» dictionary.cambridge.org (Noiz kontsultatua: 2021-02-14).

Kanpo estekak[aldatu | aldatu iturburu kodea]