Liber Linteus Zagrabiensis

Wikipedia, Entziklopedia askea
Liber Linteus Zagrabiensis
Linteus.jpg
Jatorria
Sorrera-urtea K.a. III. mendea
Ezaugarriak
Materiala(k) ehungintzarako lihoa
Hizkuntza Etruskoa
Kokapena
Lekua Zagreb
Oihalen argazkia.

Liber Linteus Zagrabiensis (euskaraz: Zagrebeko Lihozko Liburua), baita ere Liber Agramensis bezala ezagututa, etruskoz idatzita ezagutzen den testu luzeena da.

Historia[aldatu | aldatu iturburu kodea]

Dokumentu honen historia misterioz beteta dago. Dirudienez, Egipton idatzi zen eta oihalaren eta momiaren data antzekoak dira. Oihalarekin gorpua bildu zuten baina ez dago garbi testua horrekin lotuta ote zegoen. Karbono-14 bidezko datazioa erabiliz, testua K.a. III. mende ingurukoa dela baieztatu da. Egipton aurkitua izan zen, XIX. mendearen erdialdean.[1] Erabilia izan zen Ptolomeotar dinastiako emakume baten momia biltzeko. Gaur egun Zagrebeko Museo Arkeologikoan (Kroazian) dago jasota eta hortik datorkio izena; momia Egiptotik Mihail de Brariæ-k eraman zuen Kroaziara; dirudienez Alexandrian, 1848an erosi zuen. Testuak erritoen egutegi baten itxura du.

Ezaugarriak[aldatu | aldatu iturburu kodea]

Kalkulatu da 13 000 hitz dituela, 230 lerrotan antolatuta. Horietatik 1 200 irakur daitezke; besteak desitxuratuak daude. Hau da liho oihal gainean idatzitako liburu bakarra. Testua tinta gorriaz eta beltzaz idatzia dago. Idazketa zutabe bertikaletan dago antolatuta, oihal baten gainean, hogei laukietan.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Liber Linteus Zagrabiensis Aldatu lotura Wikidatan