Linux Mint

Linux Mint
Jatorria
Sorrera-urtea	2006
Argitaratze-data	2006
Jatorrizko herrialdea	Irlandako Errepublika
Azken bertsioa	LMDE 4
Honen izena darama	Linux kernel (en) eta Menda
Ezaugarriak
Euskarria	x86_64 (en) , x86 (en) eta IA-32 (en)
Telesaila	Linux
Pakete kudeaketa	dpkg (en) eta Advanced Packaging Tool
GUI tresnak	Cinnamon, Xfce, MATE, LXDE eta KDE
Lizentzia	GNU General Public License
Deskribapena
Oinarritua	Ubuntu; Debian; Kubuntu
Euskaraz
Euskaraz	bai
	linuxmint.com

Linux Mint Debian eta Ubuntun oinarritutako Linux banaketa da. Debian-en bakarrik oinarrituriko banaketa alternatibo bat ere badu, Linux Mint Debian Edition (LMDE) deitua.

Historia[aldatu | aldatu iturburu kodea]

Linux Mint 2006an sortu zen. Lehen argitalpenak "Ada" izena zuen eta Kubuntun oinarritzen zen. Hurrengo argitalpena, 2.0 "Barbara", oinarri bezala Ubuntu erabili zuen lehena izan zen. Linux Mint-ek erabiltzaile gutxi zituen 3.0 "Cassandra" bertsioa argitaratu arte.

2010ean Linux Mint Debian Edition argitaratu zuten.

Ezaugarriak[aldatu | aldatu iturburu kodea]

Linux Mint software librean oinarritzen da. 18 bertsiora arte, salbuespen bezala, software jabeduna instalatzen zuen modu lehenetsian, hala nola, Adobe Flash, MP3 eta DVDen erreprodukziorako plugin eta codec-ak.^[1] Aukera hau ezohikoa da, Linux banaketa gehienek ez baitute software jabedunik ekartzen modu lehenetsian.

Linux Mint-ek garatutako softwarea[aldatu | aldatu iturburu kodea]

Cinnamon: Mint Gnome Shell Exttensions-en (MGSE) egindako berrikuntzetan oinarritutako GNOME Shellen fork bat da. Linux Mint 12an gehigarri bezala argitaratu zen. Linux Mint 13tik aurrera mahaigain ingurune lehenetsietako bat da MATErekin batera.

MintTools: Linux Mint-entzat garatutako tresna multzoa da.
- mintInstall: software kudeatzailea.
- mintUpdate: eguneraketa kudeatzailea.
- mintMenu: menu nagusia.
- mintBackup: babeskopiak egiteko tresna.
- mintUpload: karga kudeatzailea.
- mintNanny: domeinu blokeatzailea.
- Mahaigaineko ezarpenak: Mahaigainaren konfigurazioa kudeatzeko tresna.
- mintWelcome: Linux Mint 7tik aurrera, instalazioa amaitu ondoren lehen aldiz saioa hastean abiarazten den aplikazioa da. Erabiltzaileari sistema erabiltzen hasteko informazioa eskaintzen dio.