Loiolatarren Oinetxea

Wikipedia, Entziklopedia askea
Jump to navigation Jump to search
Loiolatarren Oinetxea
Logotipo del Gobierno Vasco.svg Eraikitako euskal ondare nabaria
Loiolako Santutegia
Santuario de loyola. Recreación de la Casa Santa 2.JPG
Kokapena
Herrialdea  Euskal Herria
Probintzia  Gipuzkoa
Udalerria Azpeitia
Koordenatuak 43° 10′ 27″ N, 2° 16′ 58″ W / 43.1742440572°N,2.28284008729°W / 43.1742440572; -2.28284008729Koordenatuak: 43° 10′ 27″ N, 2° 16′ 58″ W / 43.1742440572°N,2.28284008729°W / 43.1742440572; -2.28284008729
Historia eta erabilera
Eraikuntza XVI. mendea
Arkitektura
Estiloa arkitektura gotikoa
Pizkundetar arkitektura
Ondarea
Eraikitako euskal ondare nabaria 31

Loiolatarren Oinetxea edo Loiolako Dorre Etxea San Inazio Loiolakoaren jaiotetxea da, Azpeitian kokatzen dena, erdi aroan eraikia. Jesusen Lagundiaren fundatzailea bertan jaio zen 1491an eta 1556. urtean Erroman hil zenean, haren jaiotetxearen entzutea piztu zen, 1567an barnealdean mezak egitea onartzeraino. 1609an, santu egiteko prozesua amaitu zenean, benetako Santutegi bihurtu zen. Tokiaren garrantzia handitu egin zen eta 1681. urtean Jesusen Lagundiak Carlo Fontanari eskatu zion arkitektura multzo berriaren proiektua. Horrela, Loiolako Santutegia eraiki zen Dorre Etxearen inguruan[1].

Ezaugarriak[aldatu | aldatu iturburu kodea]

Loiolatarren Oinetxea, santutegi barruan

Etxe-aurrea[aldatu | aldatu iturburu kodea]

Beheko erdia, harrizkoa, ia leihorik gabea. Inigoren erenaitonak, Loiolako Beltran Ibañezek, XIV.mende amaiera aldera eraikia. Goiko erdia, adreiluzkoa, leiho asko eta ertzetan apaintzeko lau zaitxol dituena, mudejar estilokoa. 1460an Inigoren aitonak, Loiolako Juan Perezek, eraiki zuen herbestetik itzuli zenean[1].

Ate nagusiaren gainean Loiolako armarria kokatzen da: lapikoa laratzetik zintzilika, albotan bi otso erpekari dituela. Azpeitiko armarria bilakatu zen eta horrela da gaur egun ere.

Barnealdea[aldatu | aldatu iturburu kodea]

Behesolairua[aldatu | aldatu iturburu kodea]

Ia bi metroko lodiera duten hormen artean tresnen biltegi edo upeltegia zena aurki daiteke (bertan aurkitzen diren sagardo kupel eta kutxek erakusten duten bezala)[2]. Zazpi kainoi-zulo ditu -haietako baten aurrean kanoi zahar bat dago kokatuta- eta harrian oinartutako egurrezko lau zutabe sendo diru erdian[3].

Bertan aurki daiteke ere Azkoitiko Erronka margolana.

Lehenengo solairua[aldatu | aldatu iturburu kodea]

Solairu hau behe erdiaren azken solairua da, honekin amaitzen da harrizko zatia. Etxeko eguneroko bizitzako guneak agertzen dira, hala nola, nagusi eta morroiak elkarrekin etxeko sutondoan biltzen ziren sukaldea. Morroi-neskame egonlekuak ere bertan aurkitzen dira.

Gaur egun bertan aurkitzen dira Iruña 1521an irudikatzen duen maketa eta Iñigoren ezpata, Montserrateko ama birginari eskainia.[2]

Bigarren solairua[aldatu | aldatu iturburu kodea]

Adreiluz berreginiko dorretxeko zatiari dagokio. Etxeko solairu dotorea da, nagusien gelak (armategia, logela eta lan edo idatz-gela), otoitz lekua (godo-erretaulu bat duena) eta ohorezko aretoa kokatzen dira bertan.

Loiolatar Anderearen gelan, Marina Sáenz de Licona andereak 1491n bere hamairugarren eta azken semea izan zuen, Loiolako Iñigo[2].

Hirugarren solairua[aldatu | aldatu iturburu kodea]

Azken solairu honetan seme-alabak eta bisitariak egoten ziren logelak zeuden. Bertan egin zioten ebakuntza Iñigori zaurituta itzuli zenean. Zaurituta egon zen tarte horretan, 1521eko ekainetik 1522ko otsailaren bitartean, egin zituen irakurketek bere fedea indartu zutela uste da eta, horregatik, Konbertsio Kapera bezala ezagutzen den gunea aurkitzen da bertan. [4]

Erreferentziak[aldatu | aldatu iturburu kodea]

  1. a b   «Santuario de Loyola Etxe Santua.» web.archive.org 2012-02-03 . Noiz kontsultatua: 2019-09-09 .
  2. a b c   «San inazioren jaiotetxea» loyola.global . Noiz kontsultatua: 2019-09-09 .
  3.   «Santuario de Loyola Behesolairua.» web.archive.org 2012-02-03 . Noiz kontsultatua: 2019-09-09 .
  4.   «San inazioren jaiotetxea» loyola.global . Noiz kontsultatua: 2019-09-10 .

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Loiolatarren Oinetxea Aldatu lotura Wikidatan