Louis Perceau

Louis Perceau
	; Irudi gehiago
Bizitza
Jaiotza	Coulon, 1883ko irailaren 22a
Herrialdea	Frantzia
Lehen hizkuntza	frantsesa
Heriotza	Paris, 1942ko apirilaren 20a (58 urte)
Hobiratze lekua	Crématorium-columbarium du Père-Lachaise (en) ; Grave of Perceau (en)
Hezkuntza
Hizkuntzak	frantsesa
Jarduerak
Jarduerak	poeta, saiakeragilea, idazlea eta Frantziako Erresistentziako kidea
Izengoitia(k)	Helpey, Ludovico Hernandez eta Alexandre de Vérineau

Louis Perceau (Coulon, Frantzia, 1883 – Paris, 1942) idazle eta ekintzaile frantziarra izan zen.

Biografia[aldatu | aldatu iturburu kodea]

Louis Perceau jostun lanbidearekin bizi izan zen Parisen 1901etik. 1905ean Association internationale antimilitariste (AIA) elkartearen izenean idazki antimilitarista sutsu bat sinatu zuen, beste zenbait burkiderekin, tartean Miguel Almereyda, Victor Camus, Amilcare Cipriani, Émile Coulais, Charles Desplanques, Auguste Garnery, Louis Grandidier, Jules Le Guéry, Eugène Merle, Félicie Numietska, Émile Pataud, Lazare Rogeon, Han Ryner, Roger Sadrin, Laurent Tailhade eta Georges Yvetot. Hauetarik batzuk epaitu egin zituzten manifestuagatik eta Perceauk sei hilabeteko espetxe zigorra jaso zuen.^[1]

Bere ekintzailetza politikoaren barruan, La Guerre Sociale eta La Vie socialiste aldizkarietako erredaktore izan zen eta horien bidez Jean Jaurès, Gustave Hervé eta Albert Thomas ezagutu zituen. 1920an Frantziako Alderdi Sozialistaren erreforman aktiboki parte hartu zuen.

Poesia satirikoan eta idazki erotikoetan ere interesa zuen Perceauk.^[2] Bere bi lanik ospetsuenak azken hori lantzen dute, hain zuzen: Enfer de la Bibliotheque nationale Guillaume Apollinairerekin, 1913an argitaratua; La Redoute des Contrepèteries, 1934an argitaratua.

Bere lanetan sarritan ezizenak erabili zituen, poliziak poema edo liburu erotikoak argitaratzea eragotzi ziezaiokeelako. Erabili zituenen artean daude Helpey bibliographe poitevin, Dr Ludovico Hernandez, Alexandre de Vérineau, Un vieux journaliste, Radeville et Deschamps, marquis Boniface de Richequeue... Hauetako izen batzuk partekatu zituen Fernand Fleuretekin.

1942 hasieran, Frantziako Erresistentzian sartu zen baina handik gutxira hil zen.^[3]

Idazlanak[aldatu | aldatu iturburu kodea]

Guillaume Apollinaire eta Fernand Fleuretekin: L'Enfer de la Bibliothèque nationale, Mercure de France, Paris, 1913 [berrargitalpena 1919an]
Fernand Fleuretekin: Les Œuvres satyriques du sieur de Sigogne : première édition complète, d'après les recueils et manuscrits satyriques, avec un discours préliminaire, des variantes et des notes, Paris, Bibliothèque des curieux, 1920
Ludovico Hernandez [Perceau eta Fleureten goitizena] : Les Procès de bestialité aux XVIe et XVIIe siècles,, Paris : Bibliothèque des Curieux, 1920.
Ludovico Hernandez: Le Procès inquisitorial de Gilles de Rais (Barbe-Bleue), maréchal de France, avec un essai de réhabilitation, Paris, Bibliothèque des curieux, 1921, 210,
Fernand Fleuretekin : Les Satires françaises du XVIe siècle, recueillies et publiées, avec une préface, des notices et un glossaire, Paris, Garnier frères, 1922 -Jean de Boyssièresen olerkietan pinarritua.
Alexandre de Vérineau (goitizena), Gerda Wegener ilustratzailearekin, Douze sonnets lascifs pour accompagner la suite d'aquarelles intitulée les délassements d'Eros. (1925).
[Fernand Fleuret eta Louis Perceau] : Contes saugrenus, Pierre Sylvain Maréchal, notice et bibliographie par le chevalier de Percefleur, Paris, Bibliothèque des Curieux, 1927
Helpey [goitizena] : Le Cabinet secret du Parnasse, recueil de poésies libres, rares ou peu connues pour servir de supplément aux œuvres dites complètes des poètes français, Au Cabinet du livre, 1928
Helpey: Bibliographie du roman érotique au XIXe siècle: donnant une description complète de tous les romans, nouvelles et autres ouvrages en prose, publiés sous le manteau, en français de 1800 à nos jours, et de toutes leurs réimpressions, G. Fourdrinier, 1930
Helpey: Vie anecdotique de Jean de La Fontaine, G. Briffaut, 1933
Louis Perceau, La Redoute des contrepèteries, illustratzailea: Jacques Touchet. G. Briffaut, Le coffret du bibliophile illustré, 1934.
Geneviève Thibaultekin, Bibliographie des poésies de Ronsard mises en musique au XVIe siècle, Paris, Société française de musicologie, 1941.
Hil ondorengoa: Contes de la Pigouille, éditions du Marais, 1967 - ilustratzailea: Pierre Bugeant. 20 ipuin 1916-1920 tartean idatziak.
Histoires raides pour l'instruction des jeunes filles, illustrazioekin, datarik gabea.

Erreferentziak[aldatu | aldatu iturburu kodea]

↑ «AIA_ (Association Internationale Antimilitariste : 1904-ca1909) = Internationale Anti-Militaristische Vereeniging (IAMV) - Ficedl - Affiches» placard.ficedl.info (Noiz kontsultatua: 2023-06-18).
↑ Christie's. (2006-04-27). [WEGENER -- [PERCEAU, Louis (1883-1942) sous le pseudonyme de:] VÉRINEAU, Alexandre de.. ] Christie's (Noiz kontsultatua: 2023-06-19).
↑ (Frantsesez) «Louis Perceau» Histoirecoulon (Noiz kontsultatua: 2023-06-18).