Maialen Beloki

Gehitu loturak
Wikipedia, Entziklopedia askea
Maialen Beloki
Bizitza
JaiotzaDonostia, 1983 (40/41 urte)
Herrialdea Gipuzkoa, Euskal Herria
Jarduerak
Enplegatzailea(k)Donostiako Zinemaldia  (2016 -

Maialen Beloki Berasategi (Donostia, 1983) Donostiako Zinemaldiaren zuzendariordea da 2016tik.[1][2] Elias Kerexeta Zine Eskola martxan jartzen parte hartu zuen, eta eskolako Zuzendaritza Akademikoko kide da. Komunikazioko irakaslea izan da HUHEZI Fakultatean, Mondragon Unibertsitatean.

Zinema-ikertzailea[aldatu | aldatu iturburu kodea]

Ikus-entzunezko Komunikazioa ikasi zuen Nafarroako Unibertsitatean 2002 eta 2005 urteen artean, Iruñean. 2010ean Zinema teoria, analisia eta dokumentazioan doktore-titulua lortu zuen Euskal Herriko Unibertsitatean, Antxon Ezeizaren lan zinematografikoa eta ibilbide profesionala aztertuta.[3][4][2][5] Ezeizari egokitu zaion testuinguru historiko, politiko, industrial eta kulturalean kokatzen ditu haren ekarpena. Eta, osagarri gisa, autorearen teoriak bere zinema-produkzioan noraino eta nola gauzatzen diren aztertu zuen. Ildo horretan, 60ko hamarkadatik 90ekora bitarteko espainiar zinemako hiru mugarri garrantzitsu ikertu zituen: errealismo kritikoa edo dialektikoa, Espainiako Zinema Berria eta Euskal Zinema Nazionala. Horretan kokatuta, Ezeizaren bizi-esperientzia ere aztertu zuen, batez ere, politikarekin zuen harreman eta konpromiso estua; zinemagintzaren eta politikagintzaren artean ibili zen, eta, antza, Antonio izatetik Antxon izatera pasa zen.

Idazlanak[aldatu | aldatu iturburu kodea]

2010ean Euskadiko Filmategiak argitaratu zuen Antxon Eceiza, cine, existencialismo y dialéctica liburuaren egileetako bat izan zen Jesús Angulo, José Luis Rebordinos, eta Antonio Santamarina-rekin.[6][7] 2015eko Euskal zinema: zinemagileen hiru belaunaldi liburuan ere parte hartu zuen.[8] Eusko Jaurlaritzako Kulturaren Euskal Kontseiluko kidea da.

Donostiako Zinemaldiko zuzendariordea[aldatu | aldatu iturburu kodea]

Urte Osoko Zinemaldiaren kontzeptuaren koordinatzailea Donostiako zinemaldiaren barruan. Hori da, hain zuzen, erakundearen apustu estrategikoetako bat, eta Zinemaldiaren apustu estrategiko horretan funtsezko jarduera-ildo hauek landu nahi dituzte:[5]

  • talentu berriak bilatzea eta garatzea eta horiei lagun egitea (Ikusmira Berriak, Nest),
  • prestakuntza eta zinemari buruzko ezagutzak transmititzea (Elias Kerexeta Zine Eskola eta Zinemaldia+)
  • eta ikerketa eta pentsamendu zinematografikoa (Z70 proiektua eta Zine argitalpena).

Erreferentziak[aldatu | aldatu iturburu kodea]

  1. ↑ «'Euskarazko zinemak loraldiari eustea ikaragarri ona da zinemaldiarentzat'» EITB Euskal Irrati Telebista (Noiz kontsultatua: 2021-09-12).
  2. ↑ a b Imaz, Andoni. «Zinemaren aldiak eta aldiriak» Berria (Noiz kontsultatua: 2021-09-12).
  3. ↑ (Gaztelaniaz) Beloki, Maialen. (2010). «ENTRE ANTONIO Y ANTXON ECEIZA. CINE Y POLÍTICA» www.educacion.gob.es Teseo-tesis (Noiz kontsultatua: 2021-09-13).
  4. ↑ (Gaztelaniaz) Beloki, Maialen. (2010). Entre Antonio y Antxon Eceiza. Cine y Política - cyp - Audiovisual Communication and Advertising Department - UPV/EHU. UPV/EHU (Noiz kontsultatua: 2021-09-13).
  5. ↑ a b (Gaztelaniaz) Beloki, Maialen. «Dock Of The Bay 2021. Musika Dokumentalen Jaialdia» www.dockofthebay.es (Noiz kontsultatua: 2021-09-12).
  6. ↑ Antxon Eceiza : cine, existencialismo y dialéctica. Euskadiko Filmategia-Filmoteca Vasca 2009 ISBN 978-84-936559-6-9. PMC 609530615. (Noiz kontsultatua: 2021-09-12).
  7. ↑ «Maialen Beloki. Donostiako Zinemaldia: Industriak euskal zinemaren inguruan geroz eta interes handiagoa du - Euskonews» www.euskonews.eus (Noiz kontsultatua: 2021-09-12).
  8. ↑ Euskal zinema : zinemagileen hiru belaunald = Cine vasco : tres generaciones de cineastas. 2015 ISBN 978-84-943032-0-3. PMC 967318006. (Noiz kontsultatua: 2021-09-12).

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Maialen_Beloki&oldid=9598131"(e)tik eskuratuta