Manuel Indiano Azaustre

Wikipedia, Entziklopedia askea
Jump to navigation Jump to search
Manuel Indiano Azaustre
Bizitza
Jaiotza Madril1970eko urriaren 18a
Herrialdea  Espainia
Heriotza Zumarraga2000ko abuztuaren 29a (29 urte)
Heriotza modua gizahilketa: bala zauria
Hiltzailea Euskadi Ta Askatasuna
Hezkuntza
Hizkuntzak gaztelania
Jarduerak
Jarduerak politikaria eta dendaria

Manuel Indiano Azaustre (Madril, 1970eko urriaren 18a - Zumarraga, 2000ko abuztuaren 29a) ETAk 2000ko abuztuaren 29an hil zuen politikari espainiar bat izan zen.[1]

Biografia[aldatu | aldatu iturburu kodea]

Manuel Indiano Azaustre 2000ko abuztuaren 29an hil zen Zumarragan, ETA erakunde terroristaren eskutik.[2] Madrilen jaioa, elektronika ikasketak bukatu ondoren Zumarragara bizitzera joan zen. Sei hilabete zeramatzan Zumarragako zinegotzi independente moduan eta Alderdi Popularreko zerrendan ere aurkeztu zen.[3] Langabezian geratu zenean, Zumarragako negozio txiki bat erosi zuen, Kokolo gozoki-denda. Hil zutenean, 29 urte zituen, ezkonduta zegoen eta bere emaztea zazpi hilabetez haurdun zegoen[4]

Hilketa[aldatu | aldatu iturburu kodea]

Francisco Javier Macazaga Azurmendik erabaki zuen, beste bi etakiderekin batera, Manuel Indiano Azaustre zinegotziari heriotza ematea. Izan ere, hilabete batzuk lehenago, zinegotziak eskoltari uko egin zion.[5] Horrenbestez, 2000. urtearen abuztuaren 29an, 10:30ak aldera, Macazaga kide batekin Kokolon sartu zen, Indianoren gozokiak, ogia eta aldizkariak saltzeko dendatxoa.[6] Orduan, zinegotzia dendaren atzealdean ezkutatzen saiatu zen, baina etarrek jarraitu egin zioten.[7] Terrorista biek aldi berean tiro egin zioten eta gutxienez 14 balek Manuelen gorputza zulatu zuten. Bezero batek hilzorian aurkitu zuen, lurrean etzanda, saltokiaren atzeko partean. Berehala Zumarragako Eskualde Ospitalera eraman zuten eta bertako medikuek biktima suspertzen saiatu ziren, baina alferrik izan zen. Ordu bat beranduago, bere heriotza egiaztatu zuten.[8]

2010eko azaroaren 16an, Auzitegi Nazionaleko Zigor-arloko Salaren Lehenengo Atalak 71/2010 zenbakidun epaia eman zuen. Haren bidez, Francisco Javier Macazaga Azurmendik 31 urte eta erdiko kartzela-zigorra jaso zuen. 30 hilketa terrorista leporatuta eta beste urte bat eta erdi terrorismo helburuetarako armak zilegi ez den moduan edukitzeko delituagatik10.[9][10] Era berean, biktimaren erraia eta alabari 600.000 euroko kalte-ordainak ordaintzea ezarri zioten, eta 150.000 euro biktimaren gurasoei. Kondenatuak, gainera, debekatuta dauka Zumarragara edo biktimaren familia bizi den udalerrira itzultzea 5 urteko epean.

ETA erakunde terroristak hilketa aldarrikatu zuen Gara egunkariari igorritako adierazpen batean , 2000ko irailaren 22an.[11] Bertan adierazten zuen Manuel Indiano “PPk Espainiatik ekarri zuela, bere zerrenda betetzeko”.

Erreferentziak[aldatu | aldatu iturburu kodea]

  1.    .
  2.    .
  3.    .
  4.    .
  5.    .
  6.    .
  7.    .
  8.    .
  9.    .
  10.    .
  11.    .

Bibliografia[aldatu | aldatu iturburu kodea]