María Jesús Avila Corchero

Aldatu loturak
Wikipedia, Entziklopedia askea
María Jesús Avila Corchero
Bizitza
JaiotzaCáceres, 1966 (57/58 urte)
Herrialdea Espainia
Hezkuntza
HeziketaExtremadurako Unibertsitatea
Hezkuntza-mailadoktoretza
Jarduerak
Jarduerakkoordinatzailea, ikertzailea, irakaslea, erakusketa-komisarioa eta eduki-editorea
Enplegatzailea(k)Chiado Museum (en) Itzuli  (1994 -  2007)
Culturgest (en) Itzuli  (2007 -  2008)
Helga de Alvear Arte Garaikidearen Museoa  (2008 -

María Jesús Avila Corchero (Cáceres, 1966) irakaslea eta Helga de Alvear Arte Garaikidearen Museoaren koordinatzailea da. Espainiako Artearen Historiako doktorea da.[1]

Biografia[aldatu | aldatu iturburu kodea]

Cáceresen jaio zen 1966an. Extremadurako Unibertsitatean Artearen Historian doktoretza lortu zuen, Ortega Muñoz margolaria.1899-1982 izenburudun tesiarekin.[2][3]

Lan ibilbidea[aldatu | aldatu iturburu kodea]

Museo- kontserbadore[aldatu | aldatu iturburu kodea]

1994tik 2007ra Lisboako Museu do Chiado-Museo Nacional de Arte Contemporânea-n kontserbadorea izan zen. 2008an, Lisboako Culturgest bildumaren arduraduna izan zen.[2] Eta 2008az geroztik Caceresko Helga de Alvear Fundazioaren Ikusizko Arteen Zentroko koordinatzailea da.[4]

Artistei eta arte moderno eta garaikideari buruzko erakusketak komisariatu ditu: … y el tiempo se hizo (2015), Arte Moderno en Portugal (Salamanca, Madril eta Badajoz, 2007-2008), A cor como esperiencia (2006), Primeiros Modernismos em Portugal (2005) edo Surrealismo em Portugal 1934-1952 (Badajoz, Lisboa eta Madril, 2001-2002).

Besteak beste, artista hauexek komisariatu ditu: Mitsuo Miura (2018), Jürgen Klauke (2017) eta Jean-Marc Bustamante. Espacios transitorios (2016), Heim Semke (2005), Sá Nogueira (1998), Ana Hatherly (1997) eta Mário Eloy (1996).[2]

Cáceresko Foro Sur (2003 eta 2007-2011) azokako 'kuradore'-taldeko kidea izan da.[2]

Portugalen egindako lehenengo bi katalogo arrazoituen egilekidea da: Joaquim Rodrigo (1999) eta Julião Sarmento. Ediçoes numeradas (2006), Ortega Muñoz liburuko Museu do Chiadoko (2011-2013) hiru bildumetakoa, eta artikuluekin lankidetzan aritu da arte-katalogo eta arte-aldizkari askotan.[2]

Ikertzaile[aldatu | aldatu iturburu kodea]

1995etik 1999ra Extremadurako Unibertsitateko Artearen Historiaren Departamentuko irakasle laguna izan zen. 2005etik 2006ra Lisboako Nova Univertsitateko irakaslea.[2] Museografiarekin eta arte garaikidearen kontserbazioarekin zerikusia duten ikerketa-proiektuetan parte hartu du: Documentação da Arte Contemporânea proiektuko taldeko kide zuzendaria, Portugalgo Fundação para a Ciência e a Tecnologia-k finantziatua,[5] MIDAS aldizkariko Batzorde Zientifikoko kidea,[6] Museoen Sare Portugaldarraren aldi baterako erakusketen ekoizpenari buruzko ikastaroaren zuzendaritza (2002-2005) eta El arte contemporáneo, una herramienta educativa pluridisciplinar (2013-2014); aldizkari eta biltzar espezializatuetako artikuluak, hala nola museologia-pt, APHA aldizkaria, Studies in conservation, Modern Paints Uncovered (Getty, 2006) edo ICOM-CC (2011), eta ikerketa-lanen, masterren eta doktorego-tesien zuzendari-kidea.[2]

Erreferentziak[aldatu | aldatu iturburu kodea]

  1. ↑ (Gaztelaniaz) ARTEINFORMADO. (20140603). «María Jesús Ávila. Comisario» ARTEINFORMADO (Noiz kontsultatua: 2023-06-21).
  2. ↑ a b c d e f g «María Jesús Ávila Corchero» SUPERTRAMA | PROGRAMA DE ARTE PÚBLICO DE EXTREMADURA 2019-02-21.
  3. ↑ Avila Corchero, María Jesús. (1995). El pintor Ortega Muñoz. 1899-1982. Universidad de Extremadura.
  4. ↑ «Una experta al servicio del arte» Hoy 2017-01-16.
  5. ↑ FCT/UNL. «Documentação de Arte Contemporânea» www.dcr.fct.unl.pt.
  6. ↑ «Comité Científico» MIDAS 2020-11-16.

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=María_Jesús_Avila_Corchero&oldid=9321992"(e)tik eskuratuta