Edukira joan

Maria Josep Udina i Abelló

Wikipedia, Entziklopedia askea
Maria Josep Udina i Abelló
Bizitza
JaiotzaBartzelona, 1940ko ekainaren 29a
Herrialdea Katalunia
HeriotzaCastelldefels, 2024ko ekainaren 10a (83 urte)
Hezkuntza
Hizkuntzakkatalana
esperantoa
gaztelania
Jarduerak
Jarduerakpedagogoa, politikaria, idazlea eta esperantista

Maria Josep Udina i Abelló (Bartzelona, 1940ko ekainaren 29a – Castelldefels, 2024ko ekainaren 10a) kataluniar pedagogo, politikari, idazle eta esperantista izan zen.

Bizitza[aldatu | aldatu iturburu kodea]

Bartzelonan jaioa, 1970ean Castelldefelsera joan zen bizitzera, eta bertan udalerriko bizitza politiko eta sozialean parte hartzen hasi zen[1]. 1983tik 1987ra Castelldefelseko kultur zinegotzia izan zen[2]. Movem Castelldefels mugimendu politikoko kide ere izan zen[2].

Gizarte arloan La Finestra de Castelldefels hezkuntza elkartearen sortzaile eta idazkari[3] eta eta Kataluniako Esperanto Elkarteak antolatutako 39. Kataluniako Esperanto Kongresuaren Antolakuntza Batzordeko presidente izan zen[4]. Pep Solérekin batera, Coral Margalló eta Castelldefelseko Musika Elkartea sortu zituen[1].

Udinak funtsezko zeregina izan zuen Castelldefelseko memoria historikoaren defentsan eta Ramon Fernández Jurado Kolektiboko ordezkaria izan zen. Bere lanari esker, Castelldefelseko liburutegiak jatorrizko izena berreskuratu zuen: Fernández Jurado liburutegia[5].

Hainbat liburu idatzi zituen, askotan beste egile batzuekin elkarlanean. Bere idazlanen artean fikziozko liburuak, saiakerak eta biografiak daude: Àvia, L'escola nova, L'olla del rei (Pep Solérekin batera), Pirates a Castelldefels (Pep Solérekin batera)[6], Salut Companys! Ramón Fernández Jurado (Pep Solé eta Ignacio Gamenekin batera), Pensem en la nova educació (Marta Matarekin batera)[7]. Himne de les Ciutats Educadores ere idatzi zuen[3].

Bere argitalpenez gain, Udinak hainbat hitzaldi, liburu-aurkezpen eta kultur-ekitaldi antolatu zituen Castelldefelsen eta Kataluniako beste herri batzuetan, besteak beste, Marta Matari eta Francesc Ferrer i Guàrdiari buruzko hitzaldiak[8][9]. Marta Mata pedagogoarekin lankidetza estua izan zuen. Harekin 37 urtez aritu zen Associació de Mestres Rosa Sensat elkartean[10][3] eta hainbat kargu bete zituen Marta Mata Fundazioan[11][12].

2017an, Maria Josep Udinak eta Pep Solék Castelldefels Hiriaren Saria irabazi zuten, hiriaren garapen sozial eta kulturalean egindako ekarpenagatik[1].

Maria Josep Udina Castelldefelsen hil zen 2024ko ekainaren 10ean[13].

Erreferentziak[aldatu | aldatu iturburu kodea]

  1. ↑ a b c (Katalanez) «Maria Josep Udina i Pep Solé reben el Premi Ciutat de Castelldefels» La Premsa del Baix 2017-05-14 (Noiz kontsultatua: 2024-06-12).
  2. ↑ a b (Katalanez) «Qui som» Movem Castelldefels (Noiz kontsultatua: 2024-06-12).
  3. ↑ a b c (Katalanez) «Castelldefels es bolca amb la celebració del Dia Internacional de la Ciutat Educadora» Ajuntament de Castelldefels 2021-11-26 (Noiz kontsultatua: 2024-06-12).
  4. ↑ (Katalanez) «Congrés Català d'Esperanto a Castelldefels» Ajuntament de Castelldefels 2022-05-31 (Noiz kontsultatua: 2024-06-12).
  5. ↑ (Katalanez) Bravo, Rosa M. «Castelldefels recupera la biblioteca Fernández Jurado» El Punt Avui: 22. 2015-07-25 (Noiz kontsultatua: 2024-06-12).
  6. ↑ (Katalanez) «Presentat el llibre "Pirates" de Maria Josep Udina» Ajuntament de Castelldefels 2006-07-17 (Noiz kontsultatua: 2024-06-12).
  7. ↑ (Gaztelaniaz) «11 títulos para "Udina Abello Maria Josep"» Todos tus libros (Noiz kontsultatua: 2024-06-12).
  8. ↑ (Katalanez) «La Biblioteca Fernandez Jurado acull una conferència sobre la figura de Marta Mata Garriga» Ajuntament de Castelldefels 2008-09-17 (Noiz kontsultatua: 2024-06-12).
  9. ↑ (Katalanez) «Taula rodona: en commemoració del centenari de La Setmana Tragica de Barcelona» GREHIC 29: 8. (Noiz kontsultatua: 2024-06-12).
  10. ↑ (Katalanez) «Conferència-Exposició Marta Mata Garriga. Educació democràtica, una utopia?» Canal CE (Noiz kontsultatua: 2024-06-12).
  11. ↑ (Katalanez) Pedrosa, Elisabet. «Sis grans pedagogues i mestres que han revolucionat l'educació» CCMA 2021-03-05 (Noiz kontsultatua: 2024-06-12).
  12. ↑ (Katalanez) Pujol, David. «Geografia de l’educació. La Fundació Marta Mata Garriga, a Saifores» Rosa Sensat 2021-01-14 (Noiz kontsultatua: 2024-06-12).
  13. ↑ (Gaztelaniaz) Barbero, Arnau Raimundo. «Muere Maria Josep Udina, Premio Ciutat de Castelldefels y exconcejala del Ayuntamiento» VilaPress 2024-06-11 (Noiz kontsultatua: 2024-06-12).

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Maria_Josep_Udina_i_Abelló&oldid=9819178"(e)tik eskuratuta