Mark Williams (snooker jokalaria)

Mark Williams (snooker jokalaria)
	; (2025) Irudi gehiago
Bizitza
Jaiotzako izen-deiturak	Mark James Williams
Jaiotza	Cwm, 1975eko martxoaren 21a (50 urte)
Herrialdea	Erresuma Batua
Hezkuntza
Hizkuntzak	ingelesa
Jarduerak
Jarduerak	snooker player (en)
	Parte-hartzailea 2012 Masters (en) ; 2013 Masters (en) ; 2011 Masters (en) ; 2010 Masters (en) ; 2008 Masters (en) ; 2007 Masters (en) ; 2006 Masters (en) ; 2005 Masters (en) ; 2004 Masters (en) ; 2003 Masters (en) ; 2002 Masters (en) ; 2001 Masters (en) ; 2000 Masters (en) ; 1999 Masters (en) ; 1998 Masters (en) ; 1997 Masters (en) ; 1995 Masters (en) ;
Jasotako sariak	ikusi Britainiar Inperioko Ordenaren kidea (2004ko ekaina) ; Snooker Hall of Fame (2012) ;
Ezizena(k)	The Welsh Potting Machine
	markwilliamssnooker.com

Artikulu hau snooker jokalariari buruzkoa da; beste esanahietarako, ikus «Mark Williams (argipena)».

Mark James Williams (Y Cwm, Gales, 1975eko martxoaren 21a) snooker jokalari profesional galestarra da, hiru aldiz munduko txapelduna izana 2000, 2003 eta 2018. urteetan. 2025ean berriz iritsi zen munduko txapelketako finalera (ordura arte hori lortu zuen jokalari nagusiena, 50 urte beterik), baina galdu egin zuen (18-12) Zhao Xintong lehen irabazle txinatarraren aurka.^[1]

Erresuma Batuko bi txapelketa (UK Championship) irabazi du (1999 eta 2002). Mastersa ere bi aldiz irabazi du (1998 eta 2003).

1992-93 denboraldian profesional bihurtu ziren "92ko klaseko" hiru jokalari bikaineetako bat da Williams, Ronnie O'Sullivan ingelesarekin eta John Higgins eskoziarrarekin batera.

Ibilbidea

Williams 1992an bihurtu zen profesional, eta hiru aldiz egon da munduko rankineko lehen jokalari gisa (1999–2000, 2000–01 eta 2002–03). Denboraldirik arrakastatsuena 2002-2003 izan zuen, Koroa Hirukoitza irabazi baitzuen: Erresuma Batuko Txapelketa, Mastersa eta Munduko Txapelketak osatzen dute delako Koroa ohorezko hori. Hori lortu zuen hirugarren jokalaria izan zen, Steve Davis eta Stephen Hendryren ondoren.

2003tik aurrera maila onari eutsi zion, baina 3. Munduko Txapelketa 15 urteren etenaren ondoren irabazi zuen. 2018ko edizioa izan zen, eta Txapelketa jokatzen hasi zelarol, faborito izatetik urrun oraindik, agindu zuen irabaziz gero biluzik emango zuela garaipeneko prentsaurrekoa: halaxe egin zuen, eskuoihalaz estalirik joan zen aretora, eseri zen mahai atzean, alboratu eskuoihala eta kazetarien galderei erantzun zien.^[2]

Munduko Txapelketa Profesionalen hiru bertsioak irabazi dituen lehen jokalaria da (eta 2025 bitartean jokalari bakarra): Munduko Snooker Txapelketa, Sei Gorriko Munduko Txapelketa eta Adinekoen Munduko Txapelketa.

Munduko Txapelketa irabazi duen lehen jokalari ezkerra izan zen.

Bolak sartzen duen trebeziagatik, Williamsek "The Welsh Potting Machine" goitizena du, "bolak sartzeko makina galestarra", eta Willow ere esaten diote.^[3]

Bizitza pertsonala

Williams poker-jokalari eta golf-jokalari amateurra ere bada.'^[4]^[5] Harro dago Galesko bere jatorriaz, eta Ingalaterrako bandera jaten ari den dragoi galesa irudikatzen duen tatuajea du egina soinean. Manchester Uniteden aldeko zaletu sutsua da. Matthew Stevens, Jackson Page eta Stephen Hendry snooker jokalarien eta Joe Calzaghe boxeolariaren lagun ona da.^[5]

Erreferentziak

Artikulu hau, osorik edo zatiren batean, ingelesezko wikipediako «Mark Williams (snooker player)» artikulutik itzulia izan da, 2024-04-29 data duen 1221380578 bertsioa oinarritzat hartuta. Sartze-datarik ez duten erreferentziak, edo 2024-04-29 baino lehenago datatuak, jatorrizko artikulutik ekarri dira itzulpenarekin batera.

↑ (Ingelesez) Bower, Aaron. (2025-05-05). «Zhao Xintong beats Mark Williams to become China’s first snooker world champion» The Guardian ISSN 0261-3077. (kontsulta data: 2025-05-07).
↑ (Ingelesez) «Mark Williams strips naked for press conference after winning epic final» The Independent 2018-05-08 (kontsulta data: 2024-05-06).
↑ «Express - The 'Welsh Potting Machine' stepped in to a different role during his match. | Facebook» www.facebook.com (kontsulta data: 2025-05-07).
↑ «Mark Williams: Hendon Mob Poker Database» Hendon Mob Poker Database.
↑ ^a ^b Shuttleworth, Peter. (18 April 2008). «Williams' Vegas disappointment» BBC Sport.

Kanpo estekak

Datuak: Q317265
Multimedia: Mark Williams / Q317265

[1] (Ingelesez) Bower, Aaron. (2025-05-05). «Zhao Xintong beats Mark Williams to become China’s first snooker world champion» The Guardian ISSN 0261-3077. (kontsulta data: 2025-05-07).

[2] (Ingelesez) «Mark Williams strips naked for press conference after winning epic final» The Independent 2018-05-08 (kontsulta data: 2024-05-06).

[3] «Express - The 'Welsh Potting Machine' stepped in to a different role during his match. | Facebook» www.facebook.com (kontsulta data: 2025-05-07).

[the_hendon_mob-4] «Mark Williams: Hendon Mob Poker Database» Hendon Mob Poker Database.

[BBC7353898-5] Shuttleworth, Peter. (18 April 2008). «Williams' Vegas disappointment» BBC Sport.

[1]

[2]

[3]

[4]

[5]