Marko Perperna

Marko Perperna
Antzinako Erromako senataria
; Erromako kontsula
Pretore
Bizitza
Jaiotza	Antzinako Erroma, K.a. II. mendea
Herrialdea	Antzinako Erroma
Heriotza	Pergamo, K.a. 129 ( urte)
Familia
Aita	Marcus Perperna
Ama	ezezaguna
Ezkontidea(k)	ezezaguna
Seme-alabak	ikusi Marcus Perperna (en) ;
Jarduerak
Jarduerak	Antzinako Erromako politikaria eta Antzinako Erromako militarra

Artikulu hau k. a. 130eko kontsulari buruzkoa da; beste esanahietarako, ikus «Marko».

Marko Perperna (latinez: Marcus Perperna) Erromatar Errepublikako militar bat izan zen, K.a. 129an hil zena. Berari buruz, kontsul, erromatar hiritar izan aurretik izatera iritsi zela esaten da, Valerio Maximok, berari buruz, lex Papiak, bere semearen heriotzaren ondoren zigortua izan zela esaten baita, bidezko titulurik gabe erromatar hiritartasun eskubideak usurpatu izana leporatu zitzaizkiolarik.

Pretore K.a. 135ean izendatua, Siziliako esklaboen aurkako kanpaina zuzendu zuen Lehen Mirabetza Gerran, K.a. 135etik K.a. 132 arte iraun zuena, txalo zaparrada bat jaso zuelarik ohore bezala.

K.a. 130ean, kontsul izendatua izan zen, eta Anatoliara bidalia Eumenes III.a edo Aristonikoren altxamendua ezabatzeko, aurreko urtean, Publio Lizinio Kraso Dives Muziano kontsula garaitu zuena.

Perpernak, Eumenesen aurkako lehen borrokan garaitu zuen, jazarriz eta Eumenesek babesa bilatu zuen Estratonizea hiria setiatuz. Hiriak, gosearen ondorioz amore eman zuen, eta Aristonikok, bere buruaz beste egitea beste erremediorik ez zuen ikusi, baina Perpernak ezin izan zuen lortutako garaipenaz gozatu, hurrengo urtean Pergamotik gertu hil baitzen, Erromarantz itzultzen ari zela.

Datuak: Q1276367