McMurdo basea

McMurdo basea
	McMurdo, Observation Hillen tontorretik ikusia.; Irudi gehiago
Kokapena
Condominium	Itun Antartikoko eskualde
Koordenatuak	77°50′54″S 166°40′06″E / 77.848209°S 166.668422°E
Altitudea	10 m, itsas mailaren gainetik
Historia eta erabilera
Irekiera	1956
Kudeatzailea	United States Antarctic Program
Izenaren jatorria	McMurdo itsasartea; Archibald McMurdo (mul)
Erabilera	year-round Antarctic facility (en)
Arkitektura

McMurdo basea (ingelesez McMurdo Station) Antartikako Ross uhartearen magalean dago, McMurdo itsasartearen ertzean, Zeelanda Berritik 3.500 kilometro hegoaldera. Gune logistiko bezala balio du antartikar kontinente erdiarentzat eta gaur egun Raytheon Polar Servicesek kudeatzen du (Raytheon konpainiaren filialetako bat). Hego Poloaren beraren inguruan dagoen Amundsen-Scott basetik abiatzen diren edo bertara doazen pertsona eta hornigai guztiak beti igarotzen dira McMurdo basetik. Estazioa Ross Dependentzian dago, Zelanda Berriak aldarrikatzen duena.

Estazioa 1956an sortu zuen, McMurdo Itsaso eta Aireko Instalakuntza izenarekin, oraingo tokian, Robert Falcon Scott britainiar esploratzaileak, eta orain Antartikako komunitaterik handiena da. Scotten txabola oraindik zutik dago, McMurdoren kanpoaldeko zatian, Hut Point portuaren ondoan. Instalakuntzen artean portu bat, hiru abiazio zelai (horietako 2 estazionalak), heliportu bat eta 100 eraikin inguru daude. Egiten den lanaren lehen interesa zientifikoa da, baina bertan bizi den jendea, udan 1000 pertsonara iristen dena, neguan 200era jaisten da, kanpamendua mantentzeko erabili beharko diren hornigaiak tramitatzera dedikatzen direnak.

McMurdo basea Zeelanda Berriaren jabetzakoa den Scott basetik gutxi gora-behera 3 kilometrora dago.

Instalazioak

Estazioaren instalakuntzak

National Science Foundation amerikarraren instalakuntzen egoitza McMurdon.
Albert P. Crary Ingeniaritza eta Zientzia Gunea
Observation Hill
Scotten txabola
Williams Field aireportua
1946an lurraldea esploratzen ari ziren bitartean hil ziren hiru hegazkin piloturen omenezko plaka.

Kritikak

Berriki kritika ugari sortu dira tratatu gabeko bere hondakinen igortzeari buruz, estatubatuar nazionalitatekoak ez diren pertsonei emandako tratuari buruz eta euren eraikuntza proiektuei buruz: bereziki McMurdo-Hego Poloa autopista. Hala eta guztiz ere, McMurdok (bertan bizi direnek "Mac-Town" deitzen dutena) antartikar kontinenteko estatubatuar aktibitateen gune bezala funtzionatzen jarraitzen du.

Klima

Datu klimatikoak (McMurdo basea)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	-0.2	-6.3	-14	-17.4	-19.0	-19.1	-21.7	-22.8	-20.8	-15.5	-6.7	-0.8	-13.7
Batez besteko tenperatura (ºC)	-2.9	-9.5	-18.2	-20.7	-21.7	-23.0	-25.7	-26.1	-24.6	-18.9	-9.7	-3.4	-17
Batez besteko tenperatura minimoa (°C)	-5.5	-11.6	-21.1	-24.9	-27.1	-27.3	-30.1	-31.8	-29.4	-23.4	-12.7	-6.0	-20.9
Pilatutako prezipitazioa (mm)	15.0	21.2	24.1	18.4	23.7	24.9	15.6	11.3	11.8	9.7	9.5	15.7	202.5
Iturria: Cool Antarctica^[1]